ປະມານເວລາ　10　ໂມງເຊົ້າຂອງວັນທີ　23　ມັງກອນນີ້　ຕາມເວລາ　ປະເທດມຽນມາ，　ບ່ອນຂຸດເຈາະນ້ຳມັນຫຼາຍແຫ່ງຢູ່ແຂວງມັກເວປະເທດມຽນມາ　ໄດ້ຖືກກຸ່ມປະກອບອາວຸດທີ່ບໍ່ຊາບຝ່າຍຈູດເຜົາ．ຕາມຄົນທ້ອງຖິ່ນກ່າວວ່າ，ມີບ່ອນຂຸດເຈາະນ້ຳມັນປະມານ　10　ແຫ່ງຢູ່ບໍ່ນ້ຳມັນ　4　ແຫ່ງໄດ້ຖືກຫຼອນ　ໂຈມຕີ，ເຈົ້າຂອງບ່ອນຂຸດເຈາະນ້ຳມັນກ່າວວ່່າ，ເຄີຍໄດ້ຮັບຈົດໝາຍຂູ່ເອົາເງິນ　ຈາກກຸ່ມປະກອບອາວຸດ．

ແຂວງມັກເວແມ່ນເຂດຜະລິດນ້ຳມັນເຊື້ອໄຟດັ້ງເດີມຢູ່ພາກກາງມຽນມາ，ມີບ່ອນຂຸດເຈາະນ້ຳມັນເອກະຊົນຂະໜາດນ້ອຍຈຳນວນຫຼາຍແມ່ນບໍ່ນ້ຳມັນຕຶ້ນ，ບ່ອນທີ່ຖືກຄົນຮ້າຍເອົາໄຟຈູດໃນຫຼາຍມື້ຜ່ານມາລ້ວນແຕ່ແມ່ນບ່ອນຂຸດເຈາະນ້ຳມັນເອກະຊົນຂະໜາດນ້ອຍຂອງຄົນທ້ອງຖິ່ນ．

ໃນໄລຍະມໍ່ໆມານີ້，ໂຄງລ່າງດ້ານພະລັງງານຈຳນວນບໍ່ໜ້ອຍຢູ່ມຽນມາ ໄດ້ກາຍເປັນເປົ້າໝາຍໂຈມຕີຕົ້ນຕໍຂອງກຸ່ມປະກອບອາວຸດທີ່ຕໍ່ຕ້ານຝ່າຍທະຫານ，ໃນນັ້ນລວມທັງທໍ່ສົ່ງນ້ຳມັນແລະອາຍແກັດ　ປ້ຳນ້ຳມັນແລະລົດຂົນສົ່ງແກັດທຳມະຊາດ．