ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 26 ມັງກອນນີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານຊົມເຊີຍຕໍ່ກອງປະຊຸມເວທີປຶກສາຫາລືປະດິດສ້າງໃໝ່ດ້ານສື່ມວນຊົນໂລກຄັ້ງທຳອິດ.
ເນື້ອໃນສານຂອງທ່ານສີຈິ້ນຜິງຊີ້ອອກວ່າ, ງານກິລາໂອລິມປິກລະດູໜາວປັກກິ່ງປີ 2022 ໃກ້ຈະຈັດຂຶ້ນ, ຈີນຈະຈັດງານມະຫາກຳກິລາທີ່ກະທັດຮັດ ປອດໄພ ແລະ ໜ້າຊົມໃຫ້ກັບໂລກ. ກອງປະຊຸມເວທີປຶກສາຫາລືຄັ້ງນີ້ມີຫົວຂໍ້ວ່າ “ຮ່ວມກັນຊົມໃຊ້ໂອລິມປິກລະດູໜາວທີ່ມີເຕັກນິກສູງ”, ຫວັງວ່າແຂກທີ່ເຂົ້າຮ່ວມກອງປະຊຸມຈະເຕົ້າໂຮມສະຕິປັນຍາ ຮ່ວມກັນປຶກສາຫາລື, ແລກປ່ຽນ ແລະ ແບ່ງປັນບົດຮຽນນຳກັນ, ປະກອບສ່ວນເຂົ້າໃນການເຮັດໃຫ້ຊາວໂລກໄດ້ເຫັນເຖິງຄວາມໜ້າຊົມຂອງງານກິລາລະດູໜາວຄັ້ງນີ້ໂດຍສະແດງມົນສະເໜ່ທີ່ມີເອກະລັກຂອງກິລາຫິມະ ແລະ ນ້ຳກ້ອນ, ສົ່ງເສີມຈິດໃຈໂອລິມປິກ, ຮ່ວມກັນຊຸກຍູ້ການພັດທະນາຂອງກິລາໂອລິມປິກລະດູໜາວ.
ກອງປະຊຸມເວທີປຶກສາຫາລືປະດິດສ້າງໃໝ່ດ້ານສື່ມວນຊົນໂລກຄັ້ງທຳອິດໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 26 ມັງກອນນີ້, ເຊິ່ງແມ່ນສະຖານີວິທະຍຸໂທລະພາບສູນກາງຈີນເປັນເຈົ້າພາບຈັດຂຶ້ນ.
ຄຳເຫັນ
0