ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 26 ມັງກອນນີ້, ທ່ານສີຈິ້ນຜິງ ປະທານປະເທດຈີນໄດ້ເດີນທາງໄປຮອດບ້ານຕ້ວນຊຸ່ນ ເມືອງເຟີນຊີ່ ແຂວງສ່ານຊີ່, ທ່ານໄປສຳຫຼວດກວດກາວຽກງານຢູ່ສູນບໍລິການປະຊາຊົນ, ແລະໄປຢາມເຮືອນປະຊາຊົນ. ທ່ານສີຈິ້ນຜິງເວົ້າກັບພີ່ນ້ອງປະຊາຊົນວ່າ, ເມື່ອເຫັນພີ່ນ້ອງປະຊາຊົນມີຄວາມພໍໃຈຕໍ່ກັບຊີວິດການເປັນຢູ່ໃນປັດຈຸບັນນີ້, ຂ້າພະເຈົ້າຮູ້ສຶກດີໃຈຫຼາຍ. ໃນບາດກ້າວຕໍ່ໄປ, ພວກເຮົາຍັງຕ້ອງເດີນຕາມເສັ້ນທາງອັນຍາວໄກ, ເປົ້າໝາຍສູ້ຊົນຮ້ອຍປີ ປະການທຳອິດໄດ້ບັນລຸຜົນເປັນຈິງແລ້ວ, ຂະບວນການໃໝ່ເພື່ອບັນລຸເປົ້າໝາຍສູ້ຊົນຮ້ອຍປີປະການທີ 2 ໄດ້ເລີ່ມຕົ້ນຂຶ້ນແລ້ວ, ພວກເຮົາຈະສ້າງປະເທດສັງຄົມນິຍົມທີ່ທັນສະໄໝຢ່າງຮອບດ້ານ. ການຫັນເປັນທັນສະໄໝບໍ່ສາມາດປາສະຈາກກະສິກຳ ແລະ ຊົນນະບົດທີ່ທັນສະໄໝໄດ້, ຕ້ອງເຊື່ອມສານການປັບປຸງໝາກຜົນການລຶບລ້າງຄວາມທຸກຍາກ ກັບ ການພັດທະນາຊົນນະບົດໃຫ້ຈະເລີນຮຸ່ງເຮືອງນັ້ນໃຫ້ດີ, ເຮັດໃຫ້ຊີວິດການເປັນຢູ່ຂອງຊາວກະສິກອນກ້າວໄປສູ່ຄວາມທັນສະໄໝ ແລະ ມີຄວາມຫວັງເພີ່ມຂຶ້ນເລື້ອຍໆ.
ຄຳເຫັນ
0