ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 29 ມັງກອນນີ້, ກະຊວງການຕ່າງປະເທດມຽນມາໄດ້ອອກຖະແຫຼງການເພື່ອຢືນຢັນວ່າ, ທູດພິເສດຂອງອາຊຽນກ່ຽວກັບບັນຫາມຽນມາຜູ້ໃໝ່ຈະໄດ້ພົບປະກັບຝ່າຍທີ່ກ່ຽວຂ້ອງກັບບັນຫາທັງໝົດຂອງມຽນມາ ເຊິ່ງລວມທັງກຸ່ມປະກອບອາວຸດ. ຖະແຫຼງການລະບຸຕື່ມວ່າ: ການທີ່ທ່ານຮຸນເຊັນ ນາຍົກລັດຖະມົນຕີກຳປູເຈຍຢ້ຽມຢາມມຽນມາໃນຖານະປະເທດປະທານໝູນວຽນອາຊຽນ ເປັນການເປີດທາງໃຫ້ທູດພິເສດອາຊຽນມີໂອກາດເຈລະຈາສັນຕິພາບກັບກຸ່ມປະກອບອາວຸດ
ຊົນເຜົ່າທ້ອງຖິ່ນຢູ່ມຽນມາ.
ຖະແຫຼງການຍັງກ່າວຕື່ມວ່າ, ມຽນມາໄດໃຫ້ຄວາມສົນໃຈນຳການຢ້ຽມຢາມຂອງນຳທ່ານນາຍົກຮຸນເຊັນທີ່ພະຍາຍາມແກ້ໄຂຂໍ້ຂັດແຍ້ງພາຍໃນອາຊຽນໂດຍຜ່ານການສົນທະນາ, ໃນຂະນະທີ່ປົກປັກຮັກສາ “ກົດບັດອາຊຽນ” ຍັງໄດ້ຮັກສາຄວາມສາມັກຄີພາຍໃນອາຊຽນ ແລະ ຕິດຕໍກັບຝ່າຍທີ່ກ່ຽວຂ້ອງກັບບັນຫາເພື່ອປະຕິບັດຂໍ້ສະເໜີຂອງອາຊຽນ 5 ຂໍ້.
ຖະແຫຼງການຍັງຊົມເຊີຍກຳປູເຈຍທີ່ໄດ້ສະເໜີ ທ່ານປຼາກ ໂຊຄອນ ຮອງນາຍົກລັດຖະມົນຕີ ທັງເປັນລັດຖະມົນຕີກະຊວງການຕ່າງປະເທດກຳປູເຈຍເປັນທູດພິເສດຜູ້ໃໝ່ຂອງອາຊຽນ ແລະ ຫວັງວ່າລັດຖະມົນຕີກະຊວງການຕ່າງປະເທດຂອງບັນດາປະເທດອາຊຽນຈະຮັບຮອງການແຕ່ງຕັ້ງທູດພິເສດອາຊຽນໂດຍໄວ ເພື່ອສືບຕໍ່ຕິດຕໍ່ພົວພັນກັນທີ່ມີລັກສະນະສ້າງສັນພາຍໃນອາຊຽນ.
ຄຳເຫັນ
0