ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ບໍລິສັດທາງລົດໄຟລາວ-ຈີນຈຳກັດ ແຈ້ງໃຫ້ຮູ້ວ່າ: ເພື່ອຕອບສະໜອງຕາມຄວາມຮຽກຮ້ອງຕ້ອງການການຂົນສົ່ງຜູ້ໂດຍສານທີ່ນັບມື້ນັບເພີ່ມ ຂຶ້ນ ແລະອີງຕາມຄວາມຕ້ອງການຂອງວຽກງານທີ່ກ່ຽວຂ້ອງຂອງແຂວງຫຼວງນ້ຳທາປະເທດລາວ, ບໍລິສັດທາງລົດໄຟລາວ-ຈີນຈຳກັດ ໄດ້ຕົກລົງວ່າ: ນັບແຕ່ວັນທີ 6 ກຸມພານີ້ເປັນຕົ້ນໄປ, ສະຖານີນາເຕີຍຕາມທາງລົດໄຟລາວ-ຈີນຕອນຢູ່ປະເທດລາວຈະເລີ່ມເປີດບໍລິການຂົນສົ່ງຜູ້ໂດຍສານ, ພ້ອມກັນນັ້ນ, ເວລາການເດີນລົດກໍຈະມີການປັບປຸງເຊັ່ນດຽວກັນ. ຈາກນັ້ນ, ສະຖານີຕາມທາງລົດໄຟລາວ-ຈີນຕອນຢູ່ປະເທດລາວ ທີ່ໄດ້ເປີດບໍລິການຂົນສົ່ງຜູ້ໂດຍສານໃນໄລຍະການແຜ່ລະບາດຂອງພະຍາດໂຄວິດ-19 ຈະເພີ່ມຂຶ້ນຈາກ 6 ສະຖານີ ເປັນ 7 ສະຖານີ ເຊິ່ງເປັນການຮັບປະກັນຄວາມຕ້ອງການຂອງການຂົນສົ່ງຜູ້ໂດຍສານ.
ພາຍຫຼັງສະຖານີນາເຕີຍເປີດບໍລິການຂົນສົ່ງຜູ້ໂດຍສານແລ້ວ, ເວລາການເດີນລົດຂອງສະຖານີບໍ່ເຕັນ ແລະສະຖານີນາເຕີຍກໍຈະມີການປັບປຸງຈຳນວນໜຶ່ງ. ປັດຈຸບັນ, ພາກສ່ວນທີ່ກ່ຽວຂ້ອງກຳລັງປະຕິບັດວຽກງານກະກຽມການປ້ອງກັນ ແລະຄວບຄຸມການແຜ່ລະບາດຂອງພະຍາດໂຄວິດ-19, ວຽກງານປ້ອງກັນຄວາມປອດໄພ ແລະວຽກງານບໍລິການຜູ້ໂດຍສານ ແລະອື່ນໆຢູ່ສະຖານີນາເຕີຍ ເພື່ອຮັບປະກັນໃຫ້ສາມາດເປີດບໍລິການຂົນສົ່ງຜູ້ໂດຍສານຕາມແຜນການຢ່າງມີຄຸນນະພາບສູງ ແລະຕອບສະໜອງຕາມຄວາມຕ້ອງການດ້ານການຂົນສົ່ງຜູ້ໂດຍສານ.
ຄຳເຫັນ
0