ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 8 ກຸມພານີ້, ຟີລິບປິນໄດ້ເຂົ້າສູ່ໄລຍະການຫາສຽງເລືອກຕັ້ງລະດັບປະເທດແລະທ້ອງຖິ່ນຢ່າງເປັນທາງການເຊິ່ງຈະດຳເນີນໄປເປັນເວລາ 90 ວັນ, ໃນມື້ດຽວກັນ, ຜູ້ສະໝັກຮັບເລືອກຕັ້ງຄົນສຳຄັນຕ່າງກໍ່ໄດ້ຈັດງານໂຮມຊຸມນຸມເພື່ອຫາສຽງສະໜັບສະໜູນຈາກຜູ້ມີສິດເລືອກຕັ້ງຫຼາຍກວ່າເກົ່າ.
ອີງຕາມບັນຊີລາຍຊື່ທີ່ໄດ້ຮັບການຢືນຢັນຈາກຄະນະກຳມະການການເລືອກຕັ້ງຂອງຟີລິບປິນ, ມີຜູ້ສະໝັກຮັບເລືອກຕັ້ງ 10 ທ່ານຈະລົງແຂ່ງຂັນຮັບເລືອກຕັ້ງເປັນປະທານາທິບໍດີສະໄໝໜ້າ. ຜົນການຢັ່ງຫາງສຽງຫຼາຍຄັ້ງສະແດງໃຫ້ເຫັນວ່າ: ທ່ານເຟີດິນານດ໌ ເອມານຸເອວ ເອດຣາລິນ ມາຄົສ ລູກຊາຍຂອງທ່ານເຟີດິນານດ໌ ມາຄົສ ອະດີດປະທານາທິບໍດີຟີລິບປິນໄດ້ຮັບສຽງສະໜັບສະໜູນຫຼາຍກວ່າທ່ານນາງໄລນີ ໂຣເບຣໂດ ຮອງປະທານາທິບໍດີຄົນປະຈຸບັນ ແລະຜູ້ສະໝັກຮັບເລືອກຕັ້ງທ່ານອື່ນໆຢ່າງຫຼວງຫຼາຍ. ທ່ານນາງຊາຣາ ດູເຕີເຕ ຄາປິໂອ ລູກສາວກົກຂອງທ່ານດູເຕີເຕ ປະທານາທິບໍດີຟີລິບປິນຄົນປະຈຸບັນ ເຈົ້າເມືອງດາວໍຈະລົງແຂ່ງຂັນເລືອກຕັ້ງເປັນຮອງປະທານາທິບໍດີ.
ຕາມແຜນການ, ຟີລິບປິນຈະຈັດການເລືອກຕັ້ງລະດັບປະເທດແລະທ້ອງຖິ່ນໃນວັນທີ 9 ພຶດສະພາປີນີ້, ຈະເລືອກຕັ້ງປະທານາທິບໍດີ ຮອງປະທານາທິບໍດີ ສະມາຊິກລັດຖະສະພາ ຜູ້ປົກຄອງແລະສະມາຊິກສະພາທ້ອງຖິ່ນສະໄໝໃໝ່.
ຄຳເຫັນ
0