ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ກຸມພານີ້, ກົມການບິນພົນລະເຮືອນຫວຽດນາມແຈ້ງໃຫ້ຮູ້ວ່າ: ຫວຽດນາມຈະເປີດບໍລິການຖ້ຽວບິນສາກົນຄືນໃໝ່ຢ່າງຮອບດ້ານ ແຕ່ວັນທີ 15 ກຸມພານີ້ເປັນຕົ້ນໄປ.
ຂ່າວສານຫວຽດນາມລາຍງານໃນວັນທີ 13 ກຸມພານີ້ວ່າ: ໃນມື້ດຽວກັນ, ກະຊວງຄົມມະນາຄົມຂົນສົ່ງຫວຽດນາມໄດ້ມີຄຳສັ່ງຊີ້ນຳໃຫ້ກົມການບິນພົນລະເຮືອນຫວຽດນາມ ພິຈາລະນາເລື່ອງການເປີດບໍລິການຖ້ຽວບິນສາກົນຄືນໃໝ່ກັບອົງການການບິນຂອງບັນດາປະເທດຢ່າງຮອບດ້ານ.
ນອກນີ້, ຂ່າວສານລອຍເຕີໄດ້ລາຍງານຂ່າວຕາມໜັງສືພິມຕຸຍແຈ ເຊິ່ງເປັນສື່ມວນຊົນທາງການຫວຽດນາມໃນວັນທີ 13 ກຸມພານີ້, ໂດຍອີງວ່າ: ທ່ານດີງຫວຽດເຊີນ ຮອງຫົວໜ້າກົມການບິນພົນລະເຮືອນຫວຽດນາມກ່າວວ່າ: ຫວຽດນາມຈະຍົກເລີກຂໍ້ຈຳກັດທີ່ມີຕໍ່ຖ້ຽວບິນສາກົນເລີ່ມແຕ່ວັນທີ 15 ກຸມພານີ້ເປັນຕົ້ນໄປ, ຈຳນວນຖ້ຽວບິນຈະເປີດບໍລິການຄືນໃໝ່ໃນລະດັບດຽວກັນກ່ອນເກີດມີສະພາບພະຍາດໂຄວິດ-19.
ໃນຕົ້ນປີນີ້, ຫວຽດນາມໄດ້ເລີ່ມເປີດບໍລິການຖ້ຽວບິນສາກົນໄປ-ກັບເປັນກ້າວໆກັບເອີຣົບ, ອົສຕຼາລີ, ອາເມຣິກາ ແລະປະເທດອື່ນໆ, ພ້ອມກັນນັ້ນ, ຍັງໄດ້ຜ່ອນຄາຍມາດຕະການກັກບໍລິເວນ, ຜູ້ໂດຍສານທີ່ໄດ້ສັກວັກຊິນໂຄວິດ-19ຄົບເຂັມແລ້ວ, ເວລາເດີນທາງເຂົ້າປະເທດຫວຽດນາມ, ພຽງແຕ່ກັກບໍວິເວນໂດຍຕົນເອງ 3 ວັນເທົ່ານັ້ນ.
ຄຳເຫັນ
0