ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ກຸມພານີ້, ທ່ານອິສເມວ ຊາບຣີ ນາຍົກລັດຖະມົນຕີມາເລເຊຍທີ່ພວມຢ້ຽມຢາມປະເທດບຼູໄນໄດ້ປະກາດວ່າ: ມາເລເຊຍ ແລະ ບຼູໄນໄດ້ເຊັນສັນຍາວ່າດ້ວຍການເປີດແລວທາງທ່ອງທ່ຽວສຳລັບຜູ້ໄດ້ສັກວັກຊິນຄົບຖ້ວນແລ້ວຂອງສອງປະເທດ ຫຼື VTL, ໃນນັ້ນລວມທັງການເດີນທາງທາງອາກາດ ແລະ ທາງບົກ.
ທ່ານອິສເມວຊາບຣີໄດ້ແນະນຳວ່າ,ແລວທາງທ່ອງທ່ຽວມາເລເຊຍ-ບຼູໄນຈະເປີດສຳລັບນັກທ່ອງທ່ຽວທັງຫຼາຍທີ່ໄດ້ສັກວັກຊິນໂຄວິດ-19 ຄົບຖ້ວນແລ້ວ, ຜູ້ເຂົ້າເມືອງບໍ່ຈຳເປັນຕ້ອງກັກບໍລິເວນອີກ ຈະເຮັດແບບດຽວກັນກັບແລວທາງ ທ່ອງທ່ຽວທາງອາກາດ ແລະ ທາງບົກທີ່ໄດ້ເປີດບໍລິການກັບສິງກະໂປໄປແລ້ວນັ້ນ.
ນອກນີ້, ຂ່າວຍັງແຈ້ງວ່າ, ສົມເດັດຮາຈີ ຮາຊານນານ ໂບເກຍ ລາຊາທິບໍດີປະເທດບຼູໄນໄດ້ຊົງອອກຖະແຫຼງການກ່ຽວກັບສັນຍາດັ່ງກ່າວວ່າ, ສັນຍາສະບັບນີ້ຈະປະກອບສ່ວນເພື່ອເຮັດໃຫ້ເສດຖະກິດຂອງປະເທດບຼູໄນ ແລະ ມາເລເຊຍສາມາດຟື້ນຟູຄືນໄດ້ຫຼັງການແຜ່ລະບາດຂອງພະຍາດໂຄວິດ-19 ແລະ ຊົງຫວັງວ່າ ການຮ່ວມມືດັ່ງກ່າວຈະສືບຕໍ່ເປີດກວ້າງຕື່ມອີກ ເພື່ອເພີ່ມທະວີການດ້ານເສດຖະກິດການຄ້າລະຫວ່າງບຼູໄນ ກັບ ລັດຊາບາ ແລະ ລັດຊາຣາວັກຂອງມາເລເຊຍ.
ຄຳເຫັນ
0