ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສະຖາບັນຄົ້ນຄວ້າພູໄຟແລະແຜ່ນດິນໄຫວຟີລິບປີນໄດ້ລາຍງານວ່າ: ຕອນເດິກເວລາ 2 ໂມງ 29 ນາທີຂອງວັນທີ 21 ກຸມພານີ້, ເຂດທະເລທາງພາກໃຕ້ຂອງຟີລິບປີນໄດ້ເກີດແຜ່ນດິນໄຫວຂະໜາດ 6 ລິກເຕີ, ໃຈກາງແຜ່ນດິນໄຫວຢູ່ພາກຕາເວັນອອກສຽງໃຕ້ຂອງເມືອງ ເວີໂນ ເຮນເນໂຮໂຊແຂວງດາວາວຕາເວັນອອກທີ່ເກາະມິນດານາວປະມານ 86 ກິໂລແມັດ, ໃນເສັ້ນຂະໜານເໜືອ 5,98 ອົງສາແລະເສັ້ນແວງຕາເວັນອອກ 126,46 ອົງສາ, ແຫຼ່ງແຜ່ນດິນໄຫວເລິກລັງໃຕ້ດິນ 71 ກິໂລແມັດ. ຕົວເມືອງຈຳນວນໜຶ່ງຂອງເກາະມິນດານາວຮັບຮູ້ເຖິງແຮງສັ່ນສະເທືອນ.
ສະຖາບັນຄົ້ນຄວ້າພູໄຟແລະແຜ່ນດິນໄຫວຟີລິບປີນກ່າວວ່າ: ຄາດວ່າແຜ່ນດິນໄຫວດັ່ງກ່າວຈະບໍ່ສ້າງຄວາມເສຍຫາຍໃຫ້ກັບປະຊາຊົນ, ແຕ່ຈະມີແຮງສັ່ນສະເທືອນຕາມມາອີກ.
ຄຳເຫັນ
0