ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ກຸມພານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານອວຍພອນໄປຍັງຊຸນຕານ ຮາຈີ ຮັດຊານານ ໂບເກຍຂອງບຣູໄນເນື່ອງໃນໂອກາດວັນຊາດບຮູໄນຄົບຮອບ 38 ປີ.
ໃນສານຂອງທ່ານສີຈິ້ນຜິງ ໄດ້ລະບຸວ່າ: ພາຍຫຼັງບຣູໄນໄດ້ປະກາດເອກະລາດໄດ້ 38 ປີມານີ້, ພາລະກິດການສ້າງສາປະເທດຊາດຂອງບຣູໄນໄດ້ຮັບຜົນສຳເລັດຢ່າງຈະແຈ້ງ, ລະດັບຊີວິດການເປັນຢູ່ຂອງປະຊາຊົນນັບມື້ນັບສູງຂຶ້ນຢ່າງບໍ່ຢຸດຢັ້ງ. ປີກາຍນີ້, ບຣູໄນໄດ້ເປັນປະເທດປະທານໝູນວຽນຂອງອາຊຽນ, ພວກເຮົາໄດ້ຮ່ວມກັນເປັນປະທານຈັດກອງປະຊຸມສຸດຍອດເພື່ອສະເຫຼີມສະຫຼອງວັນສ້າງຕັ້ງສາຍພົວພັນຄູ່ເຈລະຈາຈີນ-ອາຊຽນຄົບຮອບ 30 ປີ, ສາມາດເຮັດໃຫ້ການພົວພັນລະຫວ່າງຈີນກັບອາຊຽນຍົກສູງຂຶ້ນສູ່ລະດັບໃໝ່.
ທ່ານສີຈິ້ນຜິງ ເນັ້ນໜັກວ່າ: ຈີນແລະບຣູໄນແມ່ນປະເທດບ້ານໃກ້ເຮືອນຄຽງທີ່ດີແລະຄູ່ຮ່ວມມືຍຸດທະສາດທີ່ດີ, ການຮ່ວມມືໃນຂົງເຂດຕ່າງໆລະຫວ່າງສອງຝ່າຍໄດ້ຮັບໝາກຜົນອັນອຸດົມສົມບູນ, ຂ້າພະເຈົ້າໃຫ້ຄວາມສຳຄັນຢ່າງສູງຕໍ່ສາຍຂະຫຍາຍການພົວພັນລະຫວ່າງຈີນກັບບຣູໄນ, ຫວັງວ່າສອງປະເທດຈະສາມາດຊຸກຍູ້ການຮ່ວມມືກັນຕ້ານກັບການແຜ່ລະບາດຂອງພະຍາດໂຄວິດ-19 ແລະການຮ່ວມມືກັນສ້າງ “ໜຶ່ງແລວໜຶ່ງເສັ້ນທາງ”, ພ້ອມທັງຊຸກຍູ້ໃຫ້ການພົວພັນລະຫວ່າງຈີນກັບບຣູໄນຂະຫຍາຍຕົວຢ່າງບໍ່ຢຸດຢັ້ງ, ເພື່ອສ້າງຄວາມຜາສຸກໃຫ້ແກ່ປະຊາຊົນທັງສອງປະເທດຢ່າງບໍ່ຢຸດຢັ້ງ.
ຄຳເຫັນ
0