ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນຫວ່າງມໍ່ໆມານີ້, ວຽກງານຮ່າງລະບຽບການກ່ຽວກັບການປະຕິບັດມາດຕະການປ້ອງກັນ ແລະຄວບຄຸມພະຍາດໂຄວິດ-19 ເພື່ອເປີດຊາຍແດນຄືນໃໝ່ຂອງລັດຖະບານມາເລເຊຍ ໃກ້ຈະສຳເລັດແລ້ວ. ພາຍຫຼັງລະບຽບການຕ່າງໆກ່ຽວກັບການປ້ອງກັນ ແລະຄວບຄຸມພະຍາດສຳເລັດແລ້ວ, ລັດຖະບານມາເລເຊຍຈະປະກາດເປີດຊາຍແດນຄືນໃໝ່ຢ່າງເປັນທາງການໃນໄວໆນີ້.
ໃນວັນທີ 8 ກຸມພານີ້, ສະພາຟື້ນຟູປະເທດມາເລເຊຍໄດ້ເຫັນດີນຳຂໍ້ສະເໜີທີ່ວ່າ: ໄວສຸດເລີ່ມແຕ່ວັນທີ 1 ມີນາປີນີ້ເປັນຕົ້ນໄປ ຈະເປີດຊາຍແດນປະເທດມາເລເຊຍຄືນໃໝ່ຢ່າງຮອບດ້ານ, ຜູ້ເຂົ້າປະເທດມາເລເຊຍບໍ່ຈຳເປັນຕ້ອງກັກບໍລິເວນ. ແຕ່ໃນມື້ດຽວກັນ, ທ່ານຮີຊາມູດິນ ຮຸເຊັນ, ລັດຖະມົນຕີກະຊວງປ້ອງກັນປະເທດມາເລເຊຍກ່າວວ່າ: ຂໍ້ສະເໜີດັ່ງກ່າວຍັງຕ້ອງຜ່ານການປຶກສາຫາລື ແລະໄດ້ຮັບການເຫັນດີຈາກຄະນະລັດຖະບານມາເລເຊຍກ່ອນ.
ທ່ານເປີດານາ ເມັນຕຣີ, ປະທານສະພາຟື້ນຟູປະເທດມາເລເຊຍເຄີຍກ່າວວ່າ: ການເປີດຊາຍແດນຄືນໃໝ່ຈະມີຜົນດີຕໍ່ການຟື້ນຟູຂະແໜງການທີ່ກ່ຽວຂ້ອງຂອງມາເລເຊຍ ເຊັ່ນ: ຂະແໜງການບິນ, ການທ່ອງທ່ຽວ ເປັນຕົ້ນ ແລະຈະຊຸກຍູ້ໃຫ້ເສດຖະກິດມາເລເຊຍຟື້ນຟູຢ່າງຮອບດ້ານ.
ຄຳເຫັນ
0