黄理春

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ອາ​ເມ​ຣິ​ກາ​ໄດ້​ກາຍ​ເປັນ “ຜູ້​ທຳ​ລາຍວຽກ​ງານ​ສິດ​ທິ​ມະ​ນຸດໃຫຍ່​ທີ່​ສຸດ​ຂອງ​ໂລກ​”

2022-03-02 15:30:22 cri

ອາ​ເມ​ຣິ​ກາ​ໄດ້​ກາຍ​ເປັນ “ຜູ້​ທຳ​ລາຍວຽກ​ງານ​ສິດ​ທິ​ມະ​ນຸດໃຫຍ່​ທີ່​ສຸດ​ຂອງ​ໂລກ​”_fororder_7065572283109392395

ພາຍ​ຫຼັງ​ສົງ​ຄາມ​ເຢັນ​ສິ້ນ​ສຸດ​ລົງ, ອາ​ເມ​ຣິ​ກາ​ກໍ​ໄດ້​ຕັ້ງໂຕ​ເປັນ​ປະ​ລາ​ມາ​ຈານ​ດ້ານ​ສິດ​ທິ​ມະ​ນຸດ, ປະ​ຊາ​ທິ​ປະ​ໄຕ​ແລະ​ເສ​ລີ​ພາບ, ​ໄດ້​ຊີ້​ຕີນ​ຊີ້​ມື​ໃສ່​ສິດ​ທິ​ມະ​ນຸດ​ຂອງ​ປະ​ເທດ​ອື່ນ​ເລື້ອຍໆ. ແຕ່​ວ່າ, “ບົດ​ລາຍ​ງານ​ກ່ຽວ​ກັບ​ອາ​ເມ​ຣິ​ກາ​ລະ​ເມີດ​ສິດ​ທິ​ມະ​ນຸດ​ປີ 2021” ທີ່​ປະ​ເທດ​ຈີນ​ເປີດ​ເຜີຍ​ໃນ​ວັ​ນ​ທີ 28 ກຸມ​ພາ​ແລ້ວ​ນີ້​​ພັດ​ໄດ້​ສະ​ແດງ​ໃຫ້​ເຫັນ​ວ່າ: ທີ່​ຈິງ​ແລ້ວ, ອາ​ເມ​ຣິ​ກາ​ເປັນ“ຜູ້​ທຳ​ລາຍວຽກ​ງານ​ດ້ານສິດ​ທິ​ມະ​ນຸດ​ໃຫຍ່​ທີ່​ສຸດຂອງ​ໂລກ​”.

ບົດ​ລາຍ​ງານ​​ໄດ້ລະ​ບຸ​ວ່າ: ອາ​ເມ​ຣິ​ກາ​ມີ​ເຕັກ​ນິກ​ແລະ​ອຸ​ປະ​ກອນ​ການ​ແພດ​ທີ່​ທັນ​ສະ​ໄໝ​ທີ່​ສຸດ​ໃນ​ໂລກ, ແຕ່​ວ່າ, ອາ​ເມ​ຣິ​ກາ​ພັດ​ເປັນ​ປະ​ເທດ​ທີ່​ມີ​ຈຳ​ນວນ​ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ແລະ​ຈຳ​ນວນ​ຜູ້​ເສຍ​ຊີ​ວິດ​ຍ້ອນ​ເປັນ​ພະ​ຍາດ​ໂຄວິດ-19 ຫຼາຍ​ທີ່​ສຸດ​ໃນ​ໂລກ. ປີ 2021, ຈຳ​ນວນ​ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ​ຢູ່ອາ​ເມ​ຣິ​ກາ​ມີເຖິງ 34,51 ລ້ານ​ກໍ​ລະ​ນີ, ​ມີຜູ້​ເສຍ​ຊີ​ວິດ​ຍ້ອນ​ເປັນ​ພະ​ຍາດ​ໂຄວິດ-19 ຫຼາຍກວ່າ 4,8 ແສນ​ຄົນ, ຕົວ​ເລກ​ດັ່ງ​ກ່າວ​ຫຼາຍກວ່າ​ປີ 2020 ຢ່າງ​ຫຼວງ​ຫຼາຍ, ຈຳ​ນວນ​ຜູ້​ຖືກ​ບົ່ງ​ມະ​ຕິ​ແລະ​ຈຳ​ນວນ​ຜູ້​ເສ​ຍ​ຊີ​ວິດ​ລ້ວນ​ແຕ່​ເປັນ​ອັນ​ດັບ​ໜຶ່ງ​ຂອງ​ໂລກ, ສົ່ງ​ຜົນ​ເຮັດ​ໃຫ້​​​ການ​ມີ​ອາ​ຍຸ​ຍືນ​ຍາວ​ໂດຍສະ​ເລ່ຍ​​ຂອງ​ອາ​ເມ​ຣິ​ກາ​ໄດ້​ຫຼຸດ​ລົງ 1,13 ປີ, ​ນີ້ແມ່ນ​ອັດ​ຕາ​ຫຼຸດ​ລົງ​ຫຼາຍ​ທີ່​ສຸດ​ພາຍ​ຫຼັງ​ສົງ​ຄາມ​ໂລກ​ຄັ້ງ​ທີ​ສອງ​​ສິ້ນ​ສຸດ​ລົງເປັນ​ຕົ້ນ​ມາ.

ເຫດ​ການ​ຍິ​ງ​ກັນ​ມັກເກີດ​ຂຶ້ນ​ເລື້ອຍໆ​​ເຊິ່ງແມ່ນ​ໜຶ່ງ​ໃນ​ມະ​ເຮັງ​ທາງ​ສັງ​ຄົມ​ຂອງ​ອາ​ເມ​ຣິ​ກາ​ທີ່​ຮ້າຍ​ແຮງ​ຫຼາຍ, ​ຕົວ​ເລກ​ທີ່ອົງ​ການ​ “ສຳ​ຫຼວດ​ອາ​ວຸດ​ຂະ​ໜາດ​ນ້ອຍ” ​ທີ່​ເຊີ​ແນວ​​ໄດ້ເປີດ​ເຜີຍ​ແລະ​ສະ​ແດງ​ໃຫ້​ເຫັນ​ວ່າ: ປີ 2021, ​ຢູ່ອາ​ເມ​ຣິ​ກາ​ໄດ້​ເກີດ​ເຫດ​ການ​ຍິງ​ກັນ​ຂະ​ໜາດ​ໃຫຍ່ 693 ເທື່ອ, ເມື່ອ​ທຽບ​ໃສ່​ປີ 2020 ໄດ້​ເພີ່ມ​ຂຶ້ນ 10,1%. ເຫດ​ການ​ຍິງ​​ກັນ​ທີ່​ເກີດ​ຂຶ້ນ​ຢູ່​ອາ​ເມ​ຣິ​ກາໄດ້​ສົ່ງ​ຜົນ​ເຮັດ​ໃຫ້​ປະ​ຊາ​ຊົນ​ຫຼາຍກວ່າ 4,4 ໝື່ນ​ຄົ​ນ​ເສຍ​ຊີ​ວິດ.

ອາ​ເມ​ຣິ​ກາ​ມັກ​ຕັ້ງ​ໂຕ​​ເອງເປັນ “​ທວນ​ໄຟ​ເຍືອງ​ທາງ​ປະ​ຊາ​ທິ​ປະ​ໄຕ”, ແຕ່​ວ່າ​ເວັບ​ໄຊ​ຂອງ​ສະ​ຖາ​ບັນ​ຄົ້ນ​ຄວ້າ​ການ​ເມືອງ​ສາດ​ຄະ​ນະ​ລັດ​ຖະ​ສາດ​ມະ​ຫາ​ວິ​ທະ​ຍາ​ໄລ Harvard ໄດ້​ລາຍ​ງານ​ໃນ​ວັນ​ທີ 1 ທັນ​ວາ​ປີ 2021 ວ່າ: ຜົນ​ການ​ຢັ່ງ​ຫາງ​ສຽງ​​ປະ​ຊາ​ຊົນ​ອາ​ເມ​ຣິ​ກາ​ແຕ່ອາ​ຍຸ 18 ປີ​ຫາ 29 ປີ​ສະ​ແດງ​ໃຫ້​ເຫັນ​ວ່າ, ຜູ້​​ຕອບ​ແບບ​ສອບ​ຖາມ​ມີ​ພຽງ​ແຕ່ 7% ​ທີ່ເຫັນ​ວ່າ​ລະ​ບົບ​ປະ​ຊາ​ທິ​ປະ​ໄຕ​ຂອງ​ອາ​ເມ​ຣິ​ກາ​ຍັງເປັນ​ປົກ​ກະ​ຕິ, ຜູ້​​ຕອບ​ແບບ​ສອບ​ຖາມ 52% ເຫັນ​ວ່າ​ປະ​ຊ​າ​ທິ​ປະ​ໄຕ​ຂອງ​ອາ​ເມ​ຣິ​ກາ​ “ຕົກ​ຢູ່​ໃນ​ສະ​ພາບ​ຊຸດ​ໂຊມ” ຫຼື​ “ປະ​ລາ​ໄຊ”.

ເພື່ອ​ຮັກ​ສາ​ຖາ​ນະ​ເປັນ​ປະ​ເທດ​ເຈົ້າ​ອຳ​ນາດ​ຂອງ​ໂລກ, ອາ​ເມ​ຣິ​ກາ​ໄດ້​ປະ​ຕິ​ບັດ​ລັດ​ທິ​ເຈົ້າ​ອຳ​ນາດ, ລັດ​ທິ​ຝ່າຍ​ດຽວ​ແລະ​ລັດ​ທິ​ແຊກ​ແຊງວຽກ​ງານ​ພາຍ​ໃນ​ຂອງ​ປະ​ເທດ​ອື່ນ​​ມາໂດຍ​ຕະ​ຫຼອດ, ໃຊ້​ກຳ​ລັງ​ອາ​ວຸດ​ເລື້ອຍໆ​ຈຶ່ງ​ສົ່ງ​ຜົນ​ເຮັດ​ໃຫ້​ປະ​ຊາ​ຊົນ​ທີ່​ບໍ່​ມີ​ໂທດ​ກຳ​ຫຍັງ​ເສຍ​ຊີ​ວິດ​ແລະ​ບາດ​ເຈັບ​ຢ່າງ​ຫຼວງ​ຫຼາຍ, ແລະ​​ມັກ​ລົງ​ໂທດ​ປະ​ເທດ​ອື່ນ​ແຕ່​ຝ່າຍ​ດຽວ​​ທົ່ວ​ທີບເຊິ່ງ​ພາ​ໃຫ້​ເກີດ​ມີ​ວິ​ກິດ​ການ​ມະ​ນຸດ​ສະ​ທຳ. ເວັບ​ໄຊ​ຂອງ​ໜັງ​ສື​ພິມ “ນິວຢອກ​ທາມ​ສ໌” ​ໄດ້ລົງ​ພິມ​ບົດ​ລາຍ​ງານ​​ໂດຍລະ​ບຸ​ວ່າ: ອາ​ເມ​ຣິ​ກາໂຈມ​ຕີ​ອີ​ຣັກ, ຊີ​ຣີ​ແລະ​ອັ​ຟ​ກາ​ນີ​ສະ​ຖານ​ທາງ​ອາ​ກາດ​ຕາມ​ລຳ​ພັງ​ໃຈ​ຫຼາຍກວ່າ 5 ໝື່ນ​ຄັ້ງ, ​ກຳ​ນົດ​ເປົ້າ​ໝາຍ​ໂຈມ​ຕີ​ທີ່​ບໍ່​ຖືກ​ຕ້ອງ, ສົ່ງ​ຜົນ​ເຮັດ​ໃຫ້​ປະ​ຊາ​ຊົນ​ສາ​ມັນ​ທຳ​ມະ​ດາ​ນັບ​ເປັນ​ພັນ​ເປັນ​ໝື່ນຄົນ​ເສຍ​ຊີ​ວິດ. ໂຄງ​ການ​ຄົ້ນ​ຄວ້າ​ຂອງ​ໂຮງ​ຮຽນ​ຊັ້ນ​ສູງ​​ຂອງອາ​ເມ​ຣິ​ກາ​ກໍ່​ໄດ້​ສະ​ແດງ​ໃຫ້​ເຫັນ​ວ່າ: ​ທະ​ຫານ​ອາ​ເມ​ຣິ​ກາ​ໄດ້​ປະ​ຕິ​ບັດການ​ເຄື່ອນ​ໄຫວ​​ທາງການ​ທະ​ຫານ​ຢູ່​ອັ​ຟ​ກາ​ນີ​ສະ​ຖານ​ເປັນ​ໄລ​ຍະເວ​ລາ 20 ປີ, ​ໄດ້​ເຮັດ​ໃຫ້​ປະ​ຊາ​ຊົນ​ອັ​ຟ​ກາ​ນີ​ສະ​ຖານ​ເສຍ​ຊີ​ວິດ 1,74 ​ແສນຄົນ, ​ບາດ​ເຈັບ 6 ໝື່ນກວ່າ​ຄົນ, ຫຼາຍກວ່າ 3,5 ລ້ານ​ຄົນກາຍ​ເປັນ​ຄົນ​ຊັດ​ເຊ​ພະ​ເນ​ຈອນ, ມີ​ປະ​ມານ 23 ລ້ານ​ຄົນ​ໄດ້​ຜະ​ເຊີນ​ກັບ​ໄພ​ອຶດ​ຫິວ​ທີ່​ຮ້າຍ​ແຮງ​ທີ່​ສຸດ.

​ເລື່ອງ​ຄວາມ​ເປັນ​ຈິ່ງ​ຢ່າງ​ຫຼວງ​ຫຼາຍ​ແລະ​ຕົວ​ເລກ​ທີ່​ຄົບ​ຖ້ວນ​ໄດ້​ຢືນ​ຢັນ​ໃຫ້​ເຫັນ​ວ່າ: ສະ​ພາບ​​ສິ​ດ​ທິ​ມະ​ນຸດ​ຂອງ​ອາ​ເມ​ຣິ​ກາ​ໄດ້​ຊຸດ​ໂຊມ​ລົງ​ຕື່ມ​ອີກ, ອາ​ເມ​ຣິ​ກາ​ຕັ້ງ​ໂຕ​ເອງເປັນ “ຜູ້​ອາ​ລັກ​ຂາ​ສິ​ດ​ທິ​ມະ​ນຸດ” ​ແຕ່​ໄດ້​ເຮັດ​ໃຫ້​ໂລກ​ເສຍ​ຄວາມ​ເຊື່ອ​ໝັ້ນຢ່າງ​ເຖິງ​ຖອງ, ອາ​ເມ​ຣິ​ກາ​ເອງໄດ້​ກາຍ​ເປັນ “ຜູ້​ທຳ​ລາຍວຽກ​ງານ​ສິດ​ທິ​ມະ​ນຸດໃຫຍ່​ທີ່​ສຸດ​ຂອງ​ໂລກ​”. ​ເປັນ​ປະ​ເທດ​ແບບ​ນີ້, ​ແຕ່ອາ​ເມ​ຣິ​ກາ​ຍັງ​ໄດ້​ກົດ​ດັນ​ປະ​ເທດ​ນີ້​ແລະ​ລົງ​ໂທດ​ປະ​ເທດ​ນັ້ນ​​ດ້ວຍ​ຂໍ້​ອ້າງ “ປົກ​ປ້ອງ​ສິດ​ທິ​ມະ​ນຸດ”, ຄວາມ​ຫຼອກ​ລວງ​ແບບ​ນີ້​ຂອງ​ອາ​ເມ​ຣິ​ກາ​ໃນ​ທີ່​ສຸດ​ກໍ​ຈະ​ປະ​ລາ​ໄຊ​ຢ່າງ​ແນ່ນອນ.

 

 

 

ຄຳ​ເຫັນ

0