ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ກະຊວງປ້ອງກັນປະເທດຮັດເຊຍໄດ້ປະກາດເອກະສານທີ່ໄດ້ຮັບຈາກພະນັກງານທີ່ເຮັດວຽກຢູ່ຫ້ອງທົດລອງຊີວະພາບອູແກຼນ, ໂດຍໄດ້ເປີດເຜີຍວ່າອາເມຣິກາແລະປະເທດພັນທະມິດນາໂຕຂອງອາເມຣິກາໄດ້ດຳເນີນການຄົ້ນຄວ້າອາວຸດຊີວະພາບຢູ່ອູແກຼນ, ໃນນັ້ນລວມທັງຫຼາຍໂຄງການເຊັ່ນ: “ການແຜ່ລະບາດເຊື້ອພະຍາດໄຂ້ຫວັດສັດປີກທີ່ຮ້າຍແຮງໂດຍຜ່ານນົກອົບພະຍົບ” , “ເຊື້ອພະຍາດຈາກເຈຍທີ່ສາມາດແຜ່ລະບາດສູ່ມະນຸດ” ແລະໂຄງການອື່ນໆ.
ໂດຍຜະເຊີນກັບຄວາມສົງໄສຈາກຝ່າຍຕ່າງໆ, ທ່ານນາງເຈນ ປະຊາກີ ໂຄສົກທຳນຽບປະທານາທິບໍດີອາເມຣິກາໄດ້ພົສ 8 ບົດຄວາມລົງສື່ສັງຄົມອອນລາຍ twitter ຢ່າງລຽນຕິດເພື່ອຕຳໜິຕິຕຽນຣັດເຊຍເປີດເຜີຍ “ຂ່າວປອມ”, ແລະກ່າວວ່າຣັດເຊຍອາດພວມກະກຽມເພື່ອໃຊ້ອາວຸດເຄມີຫຼືອາວຸດຊີວະພາບຢູ່ອູແກຼນ. ແຕ່ສິ່ງທີ່ເປັນເລື່ອງຕະຫຼົກກໍຄື: ໃນງານຟັງຄຳໃຫ້ການທີ່ຈັດຂຶ້ນຢູ່ສະພາສູງອາເມຣິກາ, ທ່ານນາງວິກໂຕເຣຍ ນູລັນດ໌ ຮອງລັດຖະມົນຕີກະຊວງການຕ່າງປະເທດອາເມຣິກາໄດ້ຍອມຮັບວ່າອາເມຣິກາພວມຮ່ວມມືກັບອູແກຼນ, ເພື່ອປ້ອງກັນບໍ່ໃຫ້ “ເອກະສານຄົ້ນຄວ້າ” ຖືກກອງທັບຣັດເຊຍຍຶດເອົາໄປ. ຄວາມເວົ້າຂອງສອງຄົນດັ່ງກ່າວແມ່ນຜິດກັນ, ເຮັດໃຫ້ສະມາຊິກສະພາແລະສື່ມວນຊົນອາເມຣິກາລ້ວນແຕ່ເວົ້າວ່າ: ຕົນເອງຖືກຫຼອກລວງ.
ການເຄື່ອນໄຫວທາງການທະຫານດ້ານຊີວະພາບຢູ່ອູແກຼນຂອງອາເມຣິກາເປັນພຽງສ້ຽວໜຶ່ງເລັກໜ້ອຍຂອງການເຄື່ອນໄຫວດັ່ງກ່າວ. ກະຊວງປ້ອງກັນປະເທດອາເມຣິກາໄດ້ຄວບຄຸມຫ້ອງທົດລອງຊີວະພາບ 336 ແຫ່ງຢູ່ 30 ປະເທດດ້ວຍຂໍ້ອ້າງຕ່າງໆເຊັ່ນ: “ການຮ່ວມມືເພື່ອຫຼຸດຜ່ອນຄວາມສ່ຽງດ້ານຄວາມປອດໄພຊີວະພາບ”, “ເພີ່ມທະວີວຽກງານສາທາລະນະສຸກຂອງໂລກ” ແລະອື່ນໆ, ຫ້ອງທົດລອງຊີວະພາບເຫຼົ່ານີ້ໄດ້ສ້າງອຸບັດຕິເຫດຮ້າຍແຮງຫຼາຍເທື່ອຈົນນັບບໍ່ຖ້ວມ. ນັບແຕ່ປີ 2006 ຫາປີ 2013, ຫ້ອງທົດລອງຊີວະພາບແຫ່ງຕ່າງໆຂອງອາເມຣິກາໄດ້ແຈ້ງອຸບັດຕິເຫດທີ່ກ່ຽວກັບເຊື້ອກໍ່ໂລກຫຼາຍກວ່າ 1.500 ລາຍຕໍ່ອົງການຕິດຕາມຄວບຄຸມຂອງອາເມຣິກາ, ລວມທັງເຊື້ອພະຍາດທີ່ສາມາດຜະລິດເປັນອາວຸດເຊື້ອໂລກສູນເສຍໄປ, ໜູກີເນຍທີ່ຕິດແປດເຊື້ອພະຍາດຮ້າຍແຮງໜີອອກໄປ, ພະນັກງານຂອງຫ້ອງທົດລອງຊີວະພາບຕິດເຊື້ອພະຍາດເອປໍລາແລະເຊື້ອພະຍາດໄຂ້ຫວັດສັດປີກຍ້ອນບໍ່ລະມັດລະວັງແລະອື່ນໆ.
ຫ້ອງທົດລອງຊີວະພາບເຫຼົ່ານີ້ເປັນດັ່ງລູກລະເບີດທີ່ບໍ່ຮູ້ວ່າຈະແຕກໃນເວລາໃດ? ເຮັດໃຫ້ມວນມະນຸດທົ່ວໂລກຕົກຢູ່ໃນສະພາບຄວາມສ່ຽງທີ່ສຸດ. ສ່ວນອາເມຣິກາເອງທັງເວົ້າວ່າຕົນເອງຈະປະຕິບັດຕາມ “ສົນທິສັນຍາຫ້າມບໍ່ໃຫ້ແຜ່ຜາຍອາວຸດຊີວະພາບ”, ພ້ອມທັງໄດ້ດຳເນີນການທົດລອງຊີວະພາບຢ່າງປ່ວງບ້າ, ຍິ່ງໄປກວ່ານັ້ນ, ອາເມຣິກາຍັງໄດ້ຄັດຄ້ານການສ້າງກົນໄກກວດກາຫຼາຍຝ່າຍເປັນໄລຍະ 20 ກວ່າປີມາແລ້ວ, ແລະໄດ້ແກ່ຍາວເວລາທຳລາຍອາວຸດເຄມີມາຫຼາຍເທື່ອ.
ໂດຍຜະເຊີນກັບຄວາມສົງໄສຈາກປະຊາຄົມໂລກ, ອາເມຣິກາໄດ້ໃຊ້ຫຼາຍວິທີຄື: ບໍ່ຍອມຮັບຄວາມຜິດຂອງຕົນ, ແລະໄປຕຳໜິປະເທດອື່ນວ່າໄດ້ໃສ່ຮ້າຍປ້າຍສີອາເມຣິກາ, ຫຼືວ່າເຮັດແບບປິດຫູປິດຕາແລະບໍ່ໃຫ້ຄຳຕອບຕໍ່ຄວາມສົງໄສຂອງປະເທດອື່ນ. ແຕ່ວ່າ, ບັນຫາສຳຄັນແບບນີ້ບໍ່ແມ່ນອາເມຣິກາເວົ້າຄວາມຫຼອກລວງກໍສາມາດຜ່ານໄປໄດ້, ປະຊາຊົນທົ່ວໂລກກໍບໍ່ອາດຖືກຫຼອກລວງອີກຕໍ່ໄປ.
ໃນສະພາເອີຣົບທີ່ຈັດຂຶ້ນເມື່ອເດືອນມີນາປີ 2018, ນັກຂ່າວບຸນກາລີຜູ້ໜຶ່ງທີ່ຊື່ວ່າ: Dilyana Gayandzhieva ເຄີຍຖາມຜູ້ຊ່ວຍລັດຖະມົນຕີກະຊວງສາທາລະນະສຸກອາເມຣິກາກ່ຽວກັບອາເມຣິກາຕັ້ງຫ້ອງທົດລອງຊີວະພາບຢູ່ຕ່າງປະເທດ. ຫຼັງຈາກນັ້ນນາງກໍຖືກຂັບໄລ່ອອກສະພາເອີຣົບຢ່າງໂຫດຮ້າຍ, ແລະຖືກສື່ປະເທດຕາເວັນຕົກຕິຕຽນວ່ານາງ “ລາຍງານຂ່າວປອມ”. ແຕ່ວ່າມາຮອດປັດຈຸບັນເລື່ອງດັ່ງກ່າວໄດ້ຜ່ານມາ 4 ປີແລ້ວ, ເຊິ່ງນັກຂ່າວບຸນກາລີຜູ້ນີ້ໄດ້ພົສບົດຄວາມລົງສື່ສັງຄົມອອນລາຍອີກຄັ້ງໜຶ່ງແລະຖາມວ່າ: “ແມ່ນໃຜແທ້ຈຶ່ງແມ່ນຜູ້ສ້າງຂ່າວປອມ?”. ແມ່ນແລ້ວ, ທົ່ວໂລກລ້ວນແຕ່ກຳລັງລໍຖ້າຄຳຕອບຂອງອາເມຣິກາຢູ່.
ຄຳເຫັນ
0