ອົງການຮັກສາຄວາມໝັ້ນຄົງແຫ່ງຊາດຈີນໄດ້ມ້າງຄະດີກ່ຽວກັບນັກສືບຟີລິບປິນ

ຫວ່າງມໍ່ໆມານີ້, ອົງການຮັກສາຄວາມໝັ້ນຄົງແຫ່ງຊາດຈີນໄດ້ມ້າງຄະດີກ່ຽວກັບນັກສືບຟີລິບປິນລາຍໜຶ່ງ ແລະໄດ້ຈັບຕົວຜູ້ສັນຊາດຟີລິບປິນ 3 ຄົນທີ່ຖືກສົງໄສໄດ້ດຳເນີນການເຄື່ອນໄຫວສືບລັບຢູ່ຈີນຕາມກົດໝາຍ.

ທ້າວ ເດວິດ ເຊີວາເນສ໌ ຜູ້ສັນຊາດຟີລິບປິນຢູ່ຈີນໄດ້ໄປເຄື່ອນໄຫວຢູ່ອ້ອມແອ້ມໂຄງລ່າງການທະຫານຂອງຈີນເປັນຫຼາຍເທື່ອ,ກະທຳແຕ່ເລື່ອງທີ່ໜ້າສົງໄສ. ອົງການຮັກສາຄວາມໝັ້ນຄົງແຫ່ງຊາດຈີນໄດ້ຈັດຕັ້ງການສືບສວນ-ສອບສວນຢ່າງວ່ອງໄວ,ເລີຍໄດ້ຄົ້ນພົບວ່າ: ທ້າວ ເດວິດ ເຊີວາເນສ໌ ແມ່ນໄດ້ດຳເນີນການເຄື່ອນໄຫວສືບລັບຢູ່ຈີນພາຍໃຕ້ການບັນຊາໄລຍະໄກທາງອອນລາຍຈາກຫົວໜ້າຂັ້ນເທິງຂອງຟີລິບປິນທີ່ມີຊື່ວ່າ “ເຮີເຣຣາ”. ຜ່ານການສືບສວນແລະສອບສວນຕື່ມອີກແລ້ວສັງເກດເຫັນວ່າ: “ເຮີເຣຣາ” ໄດ້ບັນຊາຜູ້ສັນຊາດຟີລິບປິນຢູ່ຈີນອີກສອງຄົນຄື: ທ້າວ ແອວເບີດ ເອັນເດັນເຊຍ ແລະ ນາງ ນາທາລີ ປຣີຈາໂດ ເກັບກຳຂໍ້ມູນຂ່າວສານກ່ຽວຂ້ອງກັບຈີນທີ່ອ່ອນໄຫວ. ຜ່ານການສືບສວນ-ສອບສວນຢ່າງລະອຽດແລະຫຼັງໄດ້ຮັບຂໍ້ມູນຫຼັກຖານອ້າງອີງແລ້ວ, ອົງການຮັກສາຄວາມໝັ້ນຄົງແຫ່ງຊາດຈີນໄດ້ຈັບຕົວຜູ້ຖືກສົງໄສເປັນນັກສືບ 3 ຄົນດັ່ງກ່າວຕາມກົດໝາຍ.ປັດຈຸບັນ,ຄະດີດັ່ງກ່າວຍັງພວມຢູ່ໃນການສືບສວນ-ສອບສວນຕື່ມອີກຢູ່.