|
ເວົ້າສຳລັບຊາວເຜົ່າອີຂອງຈີນແລ້ວ, ເດືອນ 6 ຈັນທະຄະຕິຈີນທ່ີຢູ່ປະຈຸບັນແມ່ນບຸນຫລິ້ນມ່ວນຊື່ນເພາະວ່າບຸນທວນໄຟ ເຊຂິ່ງແມ່ນບຸນຄືກຄື້ນກວ່າຫມູ່ຂອງຊາວເຜ່ົາອີໃນປີຫນຶ່ງ ຈະຈັດຂຶ້ນໃນທ້າຍເດືອນນີ້.ເມື່ອຮອດຍາມນີ້ ຊາວເຜົ່າອີກໍ່ຈະນຸ່ງຊຸດຊົນເຜົ່າທ່ີສວຍງາມ, ຈູດທວນໄຟເສບດົນຕີ ຟ້ອນລຳທຳເພງນຳກັນ, ພ້ອມກັນຫລິ້ນບຸນທວນໄຟຢ່າງມ່ວນຊື່ນ.
ຢູ່ກິ່ງແຂວງລຽງຊ່ານເຜົ່າອີປົກຄອງຕົນເອງແຂວງເຊສວນ ພາກຕາເວັນຕົກສຽງໃຕ້ຂອງຈີນແມ່ນບ່ອນທ່ີມີຊາວເຜ່ົາອີຕັ້ງພູມລຳເນົາຢູ່ຫລວງຫລາຍເພິ່ນ,ມີຊາວເຜົ່າອີຫລາຍກວ່າ 1 ລ້ານ 5 ແສນຄົນດຳລົງຊີວິດຢູ່ແຫ່ງນີ້.ຍ້ອນວ່ານິທານກ່ຽວກັບບຸນທວນໄຟເກີດຂຶ້ນຢູ່ແຫ່ງນີ້, ສະນັ້ນ ຊາວເຜົ່າອີຈັດບຸນທວນໄຟລຽງຊ່ານກໍ່ຄຶກຄຶ້ນກວ່າແຫ່ງອື່ນ.
ທ້າວຈີເຕີຊູປູແມ່ນອ້າຍບ່າວເຜົ່າອີ,ລາວສະເຫນີວ່າ, ມື້ແຮມ 9 ຄຳ່ເດືອນ 6 ຈັນທະຄະຕິຈີນແມ່ນມື້ທຳອິດຂອງບຸນທວນໄຟ.ຕອນຄຳ່ມື້ນັ້ນ ຄອບຄົວໃດກໍ່ຂ້າໄກ່ ຫລົກຂົນຍາວກວ່າຫມູ່ຢູ່ປີກໄກ່ ຈຸ່ມເລືອດໄກ່ແລ້ວຈູດໄຟໃນເຕົາ.ເວລານີ້, ຍິງຊາຍນ້ອຍໃຫຍ່ໃນຄອບຄົວກໍ່ເອົາຂົນໄກ່ທ່ີພວມໄຫມ້ນີ້ຈູດທວນໄຟທ່ີກຽມໄວ້,ຄົນໃນຫມົດຄອບຄົວຊູທວນໄຟຍ່າງອ້ອມຄອກຫມູ ຄອກງົວແລະເຮືອນຢູ່ຂອງຕົນ,ປາຖະຫນາໃຫ້ຄົນເຮົາແລະສັດຕ່າງໆແຂງແຮງດີ,ບັດນັ້ນ ບຸນທວນໄຟກໍ່ເລີ່ມຕົນເປັນທາງການແລ້ວ.
1 2 3
|
