|
|
 |
| (GMT+08:00)
2004-08-19 16:58:59
|
 |
|
ຫລິ້ນມ່ວນຊື່ນນຳກັນກັບຊາວເຜົ່າອີໃນບຸນທວນໄຟ(ສຽງ)
cri
ທ່າວຈີເຕີຊູປູເວົ້າວ່າ,ມື້ຖ້ວນສອງຂອງບຸນທວນໄຟແມ່ນມ່ວນຊື່ນຄຶກຄື້ນກວ່າຫມູ່,ເພາະວ່າມື້ນັ້ນແມ່ນມື້ບຸນຄູ່ຮັກຂອງຜູ່ບ່າວຜູ່ສາວເຜົ່າອີ.ໂດຍສະເພາະແມ່ນສາວເຜົ່າອີເອົາເຫລົາມາສະແດງຄວາມຮັກຂອງຕົນ.
ໃນມື້ນັ້ນ ສາວເຜົ່າອີກໍ່ນັດກັນໄປບ່ອນຫລິ້ນທວນໄຟ,ຊື້ເຫລົ້າໃຫ້ຜູ່ບ່າວທ່ີຕົນຮັກນັ້ນດື່ມ,ການຊື້ເຫລົ້າໃຫ້ຜູ່ບ່າວດື່ມມີສອງຄວາມຫມາຍຄື ຫນຶ່ງເພື່ອສະແດງຕໍ່ຜູ່ອື່ນວ່າຕົນມັກຜູ່ບ່າວຜູ່ນີ້,ສອງ ຄັນນາງສາວອື່ນກໍ່ມັກຜູ່ບ່າຍຜູ່ນີ້ກໍ່ຈະຊື້ເຫລົ້າໃຫ້ຜູ່ບ່າຍຜູ່ນີ້ຄືກັນ, ຜູ່ນັ້ນຊື້ແກັດຫນຶ່ງ, ລາວກໍ່ຊື້ສອງແກັດ, ສ່ວນຜູ່ບ່າວຜູ່ນັ້ນດື່ມແຕ່ເຫລົ້າຂອງຜູ່ສາວທ່ີຕົນມັກ.
ເລື່ອງທ່ີຫນ້າຊົມກວ່າຫມູ່ໃນບຸນທວນໄຟກໍ່ແມ່ນການປະກວດຄວາມງາມຂອງຜູ່ສາວ.ພວກເຂົາເຈົ້າໃສ່ເຄື່ອງນຸ່ງຂອງຖືຊົນເຜົ່າອັນສວຍງາມ, ຜູ່ໃດກໍ່ຊູຄັນຮ່ົມສີເຫລືອງຄັນຫນຶ່ງ,ເຕົ້າໂຮມຢູ່ເດີ່ນຫຍ້າກວ້າງ, ຢືນເປັນຖັນເປັນແຖວ,ທັງຮ້ອງເພງທັງຟ້ອນລຳ.ກຳມະການຂອງການປະກວດສາວງາມແມ່ນຜູ່ອາວຸໂສເຜົ່າອີໃນບ້ານ.ຫລັງຈາກການຕີລາຄາແລະຫາລືກັນແລ້ວ, ສາວາມຂອງບຸນທວນໄຟຄັ້ງນີ້ຈິ່ງໄດ້ຄັດເລືອກອອກ.ສາວງາມບໍ່ພຽງແຕ່ຈະຖືກຄົນທ້ອງຖິ່ນນັ້ນເຄົາລົບທໍ່ນັ້ນ,ຍັງຈະໄດ້ຮັບຄວາມຮັກຈາກຜູ່ບ່າວ.
ການແຂ່ງຂັນມວຍປ້ຳກໍ່ແມ່ນເລື່ອງອຶກກະທຶກຄຶກຄື້ນທ່ີສຸດໃນໄລຍະບຸນທວນໄຟ.ຜູ່ບ່າວຄຸມຜ້າຈຽນສີຟ້າສີຂາວ,ເອົາຜ້າລາຍມັດແອວ,ຖືກຸບບອບແດງ,ເຕົ້າໂຮມກັນ.ໃຕ້ແສງແດດກ້າ, ພວກເຂົາເຈົ້າແຂ່ງຂັນກັນໂດຍສອງຄົນເປັນຈຸຫນຶ່ງ, ສູ້ກັນດ້ວຍປັນຍາແລະກຳລັງ, ໄດ້ຮັບສຽງຮ້ອງໂຮຊົມເຊີຍຈາກຜູ່ຊົມ.ຄືກັນກັບກການປະກວດສາວງາມ,ການແຂ່ງຂັນມວຍປ້ຳກໍ່ຈະຄັດເລືອກຜູ່ຊະນະເລີດອອກ.
1 2 3
|
|
|
