|
|
 |
| (GMT+08:00)
2004-08-19 16:58:59
|
 |
|
ຫລິ້ນມ່ວນຊື່ນນຳກັນກັບຊາວເຜົ່າອີໃນບຸນທວນໄຟ(ສຽງ)
cri
ຖ້າເວົາວ່າການປະກວດສາວງາມໄດ້ສະແດງໃຫ້ເຫັນຄວາມສວຍງາມຂອງຊາວເຜົ່າອີແລ້ວ, ສ່ວນການແຂ່ງຂັນມວຍປ້ຳໄດ້ສະແດງເຖິງຄວາມແຂງແຮງຂອງຊາວເຜົ່າອີ,ພວກເຂົາເຈົ້າບໍ່ຢ້ານຄວາມຊົ່ວຮ້າຍແລະຕໍ່ສູ້ກັບຄວາມຊົ່ວຮ້າຍ.
ທ່ານເຈຍຢືມູແມ່ນຊາວເຜົ່າອີ,ເປັນຜູ່ຊ່ຽວຊານທ່ີຄົນຄວ້າວັດທະນະທຳເຜົ່າອີ, ປະຈຸບັນ ສອນຢູ່ມະຫາວິທະຍາໄລຢຸນນານ.ທ່ານບອກນັກຂ່າວວ່າ,ການເປັນມາຂອງບຸນທວນໄຟແມ່ນກ່ຽວພັນກັບມວຍປ້ຳ.ທ່ານເວົ້າວ່າ:
ຕາມເລົ່າລືກັນວ່າ, ແຕ່ກີ້ແຕ່ກ່ອນພຸ້ນ,ເທວະທູດໄດ້ສ່ັງລູກນ້ອງລົງມາເມືອງຄົນ,ທວງເອົາຄ່າເຊົາດິນ,ໃນການແຂ່ງຂັນມວຍປ້ຳບໍ່ສູ້ທ້າວເຢີ້ຕີ້ຮາວຊິງ ວິລະຊົນເຜ່ົາອີ ເລີຍຕາຍໄປ.ເທວະທູດກໍ່ໂມໂກຂຶ້ນ,ກໍ່ປ່ອຍແມງເທບລົງເມືອງຄົນແລະທຳລາຍເຄື່ອງປູກຂອງຝັງທ່ີສຸກແກ່ແລ້ວ.ໃນເວລານີ້ ທ້າວເຢີ້ຕີ້ຮາວຊິງທ່ີສະຫລາດສະຫລຽວໄດ້ຂົນຂວາຍຍິງຊາຍນ້ອຍໃຫຍ່,ຈູດເອົາເຟືອງເປັນທວນໄຟ,ເມື່ອໄດ້ສູ້ຊົນຢ່າງດຸເດືອດຫລາຍວັນຫລາຍຄືນ,ກໍ່ໄດ້ປາບແມງເທບໃຫ້ຫມົດ,ໄດ້ປົກປັກຮັກສາເຄື່ອງປູກຂອງຝັງ.ບຸນທວນໄຟກໍ່ໄດ້ສືບທອດກັນມາ.
ທ່ານເຈຍຢືມູເວົ້າວ່າ, ເຜົ່າອີຖືບຸນປະເພນີຫລາຍ.ໃນຍາມບຸນນີ້ ຊາວເຜ່ົາອີທ່ີຢູ່ຕ່າງຖີ່ນກໍ່ຕ້ອງກັບເມືອບ້ານເກີດ, ຈູດທວນໄຟ ບູຊາບັນພະບູລຸດ ຟ້ອນລຳທຳເພງ ຢູ່ກັບຄອບຄົວແລະຫມູ່ເພື່ນອຢ່າງມ່ວນຊື່ນ.
ເມື່ອທ່ານມີເວລາຫວ່າງໄປທ່ຽວບ້ານເຜົ່າອີແດ່,ດີທ່ີສຸດແມ່ນໄປທ່ຽວໃນຍາມບຸນທວນໄຟໃນເດືອນ 7 ເດືອນ 8,ເພື່ອໄປສຳຜັດຮູ້ຄວາມໂອບອ້ອມອາລີຂອງຊາວເຜົ່າອີທ່ີເຫມືອນກັບໄຟ.
1 2 3
|
|
|
