|
ນອກຈາກອ່ານບົດປະພັນຂອງນັກປະພັນຈີນແລ້ວ,ທ່ານເຊີນຈົງເຊີ ຍັງມັກອ່ານປື້ມວັນນະຄະດີຂອງເຂດອາເມລິກາລາຕິນທີ່ສຸດ,ຫນັງສືເລື້ອງຢູ່ດ່ຽວປ່ຽວພອນຮ້ອຍປີແມ່ນເລື້ອງທຳອິດທີ່ເພ່ີນໄດ້ອ່ານ,ທັງແມ່ນວັນນະຄະດີອາເມລິກາລາຕິນເລື້ອງດີກວ່າຫມູ່ອີກດ້ວຍ,ນອກນີ້,ທ່ານເຊີນຈົງເຊີ ຍັງມັກອ່ານປື້ມວັນນະຄະດີຂອງນັກປະພັນອະດີດສະຫະພາບໂຊວຽດ,ເຖິງວ່າທ່ານເຊີນຈົງເຊີດຳລົງຊີວິດຢູ່ບ້ານນ້ອຍໆໃນແຂວງສ້າງຊີຂອງຈີນກໍ່ຕາມ,ແຕ່ເພ່ີນເວົ້າວ່າ,ຄວາມເປັນມະນຸດແມ່ນສ່ິງທີ່ເຂົ້າໃຈເຊ່ິງກັນແລະກັນ,ຄົນໃນເຂດແຄວ້ນທີ່ຕ່າງກັນຫຼືຊົນເຜ່ົາຕ່າງກັນລາງເທື່ອແມ່ນມີຈິດອາລົມຄ້າຍຄືກັນ.ກໍ່ແມ່ນອີງໃສ່ບົດປະພັນວັນນະຄະດີເປັນຈຳນວນຫຼວງຫຼາຍຄືແນວນີ້,ທ່ານເຊີນຈົງເຊີ ຈ່ິງມີສາຍຕາເບ່ິງກວ້າງມອງໄກແລະເລ່ີມຄຶດບັນຫາຕ່າງໆກ່ຽວກັບການດຳລົງຊີວິດຂອງຕົນເລ່ີມແຕ່ປີ 1965 ເປັນຕົ້ນມາ,ທ່ານເຊີນຈົງເຊີ ໄດ້ຂຽນບົດຮ້ອຍແກ້ວແລະບົດສຳນຶກເປັນຈຳນວນຫຼວງຫຼາຍ,ຕໍ່ມາກໍ່ຂຽນນະວະນິຍາຍອີກຫຼາຍເລື້ອງ,ເຊ່ິງລ້ວນແຕ່ເອົາຊີວິດຊົນນະບົດທີ່ເພ່ີນລື້ງເຄີຍນັ້ນເປັນເນື້ອເລື້ອງ,ທ່ານເຊີນຈົງເຊີ ເຫັນວ່າ:
ໃນຖານເປັນນັກປະພັນ ຊີວິດທີ່ຕົນຢຽບດິນຢູ່ນັ້ນແມ່ນສຳຄັນທີ່ສຸດ,ນະວະນິຍາຍຂອງທ່ານເຊີນຈົງເຊີແມ່ນກ່ຽວພັນໄປທ່ົວທຸກດ້ານຂອງຊົນນະບົດ,ນະວະນິຍາຍເລື້ອງໄວ້ເນື້ອເຊື່ອໃຈຂອງເພ່ີນແມ່ນວາດພາບຄວາມຮັກກັບຄວາມແຄ້ນລະຫວ່າງສອງຄອບຄົວຊາວນາ,ໄດ້ສະແດງອອກເຖິງຄວາມຊື່ສັດສຸດຈະລິດແລະໃຈບຸນຂອງພວກເຂົາເຈົ້າ,ນະວະນິຍາຍເລື້ອງນີ້ໄດ້ຮັບລາງວັນນະຄະດີນິຍາຍເລື້ອງສັ້ນດີເລີດລະດັບຊາດ,ນະວະນິຍາຍເລື້ອງປານກາງທີ່ຊື່ວ່າສາວຜູ່ຖ້ວນສ່ີໄດ້ສະແດງອອກໃຫ້ເຫັນຜູ່ສາວບ້ານນອກຜູ່ຫນ່ຶງທີ່ປາຖະຫນາຢາກໄປດຳລົງຊີວິດຢູ່ຕົວເມືອງ,ຄຶດຈະຜ່ານການແຕ່ງດອງມາປ່ຽນແປງໂຊກຊະຕາຂອງຕົນ,ແຕ່ເມື່ອໄປຢູ່ໃນເມືອງແລ້ວ,ນາງພັດຮູ້ສຶກບໍ່ສົມປາຖະຫນາແລະຮູ້ສຶກວ່າຕົນໄດ້ຕົກເຮ່ຍເສຍຫາຍໄປແລ້ວ,ນະວະນິຍາຍດ່ັງກ່າວໄດ້ຮັບລາງວັນວັນນະຄະດີສ້ານຊີ,ເລື້ອງເດ່ີນບ້ານຂອງນາມສະກຸນຄ່າງໄດ້ສະແດງອອກເຖິງທັດສະນະຄະຕິແຕ່ງດອງແລະຈັນ ຍາທຳຄຸນສົມບັດຂອງຊາວນາ,ໄດ້ສະແດງອອກເຖິງຮີດຄອງປະເພນີແລະບຸກ ຄະລິກກະພາບຂອງຊາວຊົນນະບົດ,ທ່ານເຊີນຈົງເຊີ ນິຍົມໃຊ້ວິທີແຕ່ງບົດຂອງລັດທິອັດຖະນິຍົມ,ບົດຂອງເພ່ີນພຸດຜ່ອງຜ່າເຜີຍ,ວາດພາບກໍລະອຽດແນບນຽນ.
ບຸກຄົນທີ່ວາດອອກມາມັ້ນກໍເດັດເອົາແຕ່ຍອດແລະມີຊີວິດຊີວາ,ການວາດພາບຊີວິດໃນຊົນນະບົດເຮັດໃຫ້ຄົນຮູ້ສຶກວ່າອ່ານແລ້ວຄືວ່າຕົນໄດ້ຢູ່ກັບບ່ອນ,ບົດປະ ພັນຂອງເພ່ີນມີບັນຍາກາດຊີວິດລະບາຍອອກຢ່າງເຂັ້ມຂຸ້ນ,ໃນເວລາກ່າວເຖິງການແຕ່ງນະວະນິຍາຍນັ້ນ,ທ່ານເຊີນຈົງເຊີເວົ້າວ່າ,ເພ່ີນຂໍຂອບໃຈນຳຊີວິດແມ່ນຊີວິດໄດ້ໃຫ້ອ້ໍແຕ່ງບົດແກ່ເພ່ິນ,ເພ່ີນເວົ້າວ່າ,ຊີວິດການເປັນຢູ່ແມ່ນອາຈານຜູ່ດີກວ່າຫມູ່ແລະກໍແມ່ນອາຈານທີ່ທາລຸນກວ່າຫມູ່,ເຈົ້າບໍ່ມີທາງເລືອກອີກແລ້ວ,ສ່ວນຊີວິດນັ້ນ,ບໍ່ວ່າເຈົ້າຈະທໍລະມານໃຈຫຼາຍປານໃດ,ມັນກໍຍັງຫມູນເດີນຢູ່ຄືເກ່ົາ,ຫມູນເດີນຕາມລະບຽບຂອງມັນ,ສະນັ້ນ,ເຈົ້າຈ່ິງຕ້ອງປະເຊີນຫນ້າກັບຊີວິດ.ປີ 1982 ,ໃນທີ່ສຸດ,ທ່ານເຊີນຈົງເຊີ ກໍໄດ້ໃຫ້ຄວາມປາຖະຫນາໃນຍາມຫນຸ່ມນ້ອຍຂອງຕົນປະກົດເປັນຈິງ,ເພ່ີນໄດ້ຖືກຍ້າຍໄປຢູ່ສາມາຄົມນັກຂຽນແຂວງສ້ານຊີແລະກາຍເປັນນັກຂຽນອາຊີບຜູ່ຫນ່ຶງ,ກໍແມ່ນໃນເວລານີ້ເອງ,ເພ່ີນຈ່ິງເລ່ີມມີຄວາມຄຶດແຕ່ງນະວະນິຍາຍຍາວໃຫ້ຊື່ວ່າທ່ົງກວາງຂາວເຊ່ິງເປັນຕົວແທນບົດປະພັນຂອງເພ່ີນ.
ຢູ່ຕົວເມືອງ,ທ່ານເຊີນຈົງເຊີ ຮູ້ສຶກວ່າຊອກບໍ່ເຫັນອໍ້ຂອງການແຕ່ງເລື້ອງ,ເພ່ີນຈ່ິງຫຼົບຄືນເມືອຊົນນະບົດອີກ,ທ່ານເຊີນຈົງເຊີ ໄດ້ໃຊ້ເວລາ 4 ປີແຕ່ງນະວະນິຍາຍເລື່ອງຍາວທີ່ໃຫ້ຊື່ວ່າທ່ົງກວາງຂາວ,ເພື່ອຊອກຄົ້ນເນື້ອຫາ,ເພ່ີນໄດ້ໄປສຳພາດຕັ້ງ ຮ້ອຍກວ່າບ້ານ,ແລະໄທບ້ານຫຼາຍຕັ້ງຮ້ອຍກວ່າຄອບຄົວ,ແລ້ວບັນທຶກເນື້ອຫາໄວ້ເກືອບລ້ານຕົວຫນັງສືຈີນ,ນະວະນິຍາຍຍາວຕັ້ງ 5 ແສນກວ່າຕົວຫນັງສືທີ່ໃຫ້ຊື່ວ່າທ່ົງກວາງຂາວດ່ັງກ່າວໄດ້ເລ່ົາປະຫວັດຊາຕະຂຶ້ນຊາຕະລົງຂອງຄອບຄົວນາມ ສະກຸນໄປຢູ່ບ້ານພາກຕາເວັນຕົກຂອງຈີນ,ພ້ອມກັນນັ້ນ,ກໍ່ໄດ້ສ່ົງແສງກະທົບຄືນປະຫວັດປະຊາຊົນຈີນໃນຊຸມປີ 30 ຫາ 40 ຂອງສັດຕະວັດທີແລ້ວ,ຂະບວນເລື້ອງໃນນະວະນິຍາຍດ່ັງກ່າວແມ່ນຈັບຄົນໃຈທີ່ສຸດ,ບຸກຄົນໃນເລື້ອງກໍເປັນຕົນເປັນໂຕຢົ້ງໆ,ໂດຍສະເພາະແມ່ນການວາດພາບຮີດຄອງປະເພນີຊົນນະບົດຢູ່ໃນຫັ້ນ,ກໍສະແດງໃຫ້ເຫັນຄວາມຊຳນານແທ້ຂອງນັກຂຽນ,ສ່ວນບັນຍາກາດທີ່ເຕັມໄປດ້ວຍກ່ິນອາຍຊົນນະບົດຢ່າງເຂັ້ມຂຸ້ນນັ້ນກໍແມ່ນເອກະລັກຕິດຕົວຕະຫຼອດມາຂອງທ່ານເຊີນຈົງເຊີ ນັກວັນນະຄະດີວິຈານເຫັນວ່າ,ປື້ມທ່ົງກວາງຂາວແມ່ນມີຄວາມງາມອັນຜ່າເຜີຍແລະເລິກເຊ່ິງແນວຫນ່ຶງ.
1 2 3
|
