|
ບ້ານຮວາຊີ ຊົນນະບົດໃໝ່
ສ່ິງແວດລ້ອມແບບສວນອຸທິຍານ ໂຮງງານທ່ີທັນສະໄໝ ລົດຍົນທ່ີຫຼູຫຼາ ວິນລາທ່ີງາມສະຫງ່າ, ນີ້ກໍແມ່ນບ້ານຮວາຊີທ່ີມີນາມມະຍົດເປັນ "ບ້ານອັນດັບໜ່ຶງໃນໂລກ" ໃນສາຍຕາແຂກທ່ອງທ່ຽວທ່ີມາຈາກແຫ່ງຕ່າງໆຂອງໂລກ. ແຕ່ຊຸມປີ 80 ສະຕະວັດທ່ີແລ້ວເປັນຕົ້ນມາ, ບ້ານຮວາຊີໄດ້ກາຍເປັນ "ບ້ານໂທລະສັບ" "ບ້ານວິນລາ" "ບ້ານລົດເກ໋ງ" ແລະ "ບ້ານຄອມພິວເຕີ" ກ່ອນໝູ່ໃນທ່ົວປະເທດຈີນ. ແຕ່ສ້າງບ້ານເມ່ືອປີ 1961 ເປັນຕົ້ນມາ, ບ້ານຮວາຊີໄດ້ມີປະຫວັດອັນສະຫງ່າເປັນເວລາ 43 ປີແລ້ວ. ຊາວຮວາຊີໄດ້ເວົ້າຢ່າງພາກພູມໃຈວ່າ: ເສ້ັນທາງພ້ອມກັນຮ່ັງມີຂຶ້ນໄດ້ສ້າງ "ບ້ານອັນດັບໜ່ຶງໃນໂລກ".
(ກຳມະກອນເພດຍິງສອງຄົນພວມເຮັດວຽກຢູ່ໂຮງງານປ່ັນທໍຮວາຊີ. ປະຈຸບັນ ຢູ່ບ້ານ
ຮວາຊີໄດ້ຈໍ່ຕົວເປັນ 4 ອຸດສາຫະກຳເສົາເຄົ້າໃຫຍ່ຄື ຂາງແລະເຫຼັກກ້າ ຜະລິດຕະພັນ
ໂລຫະ ສ່ິງປ່ັນທໍແລະການທ່ອງທ່ຽວ.)
ຕອນບ່າຍວັນທີ 8 ກັນຍາປີ 2004, ໃນວັງຊົນເຜ່ົາບ້ານຮວາຊີມີບັນຍາກາດອັນມ່ວນຊ່ືນຟົດຟື້ນ. ໃນເວລາຜູ່ນຳເມືອງຈຽງອິນປະກາດສ້າງຕັ້ງ "ບ້ານຮວາຊີບ້ານທີ 11" ນັ້ນ, ຢູ່ທ່ົວວັງໄດ້ມີສຽງຕົບມືດັງຂຶ້ນຢ່າງຟົດຟື້ນ. ແຕ່ເດືອນມິຖຸນາປີ 2001 ເປັນຕົ້ນມາ, ບ້ານຮວາຊີໄດ້ໂຮມເອົາ 15 ບ້ານທ່ີຢູ່ອ້ອມຂ້າງເຂົ້າໃນບ້ານຮວາຊີໂດຍແບ່ງເປັນສາມເທ່ືອຕາມໆກັນ, ເພ່ືອພັດທະນາພ້ອມກັນ. ບ້ານຮວາຊີໃຫຍ່ໃນປະຈຸບັນມີ 11 ບ້ານ, ເນື້ອທ່ີໄດ້ຂະຫຍາຍໄປຮອດ 29 ຕາລາງກິໂລແມັດ, ປະຊາກອນເພ່ີມຂຶ້ນຮອດ 2 ໝື່ນ 8642 ຄົນ. ຍອດມູນຄ່າຜະລິດຕະພັນໝົດບ້ານໃນປີນີ້ຈະລ່ືນກາຍ 20 ຕື້ຢວນ, ສົມຊ່ືເປັນ "ບ້ານອັນດັບໜ່ຶງໃນໂລກ" ແທ້.
1 2 3
|
