|
(ເຮັດແນວໃດໃຫ້ລູກຫຼານເຕີບໃຫຍ່ຂະຫຍາຍຕົວຢ່າງປອດໄພແລະຮອບດ້ານແມ່ນ
ເລ່ືອງໜ່ຶງທ່ີຊາວບ້ານຮວາຊີເອົາໃຈໃສ່ທ່ີສຸດພາຍຫຼັງຮ່ັງມີຂຶ້ນແລ້ວ.)
ທ່ານອູເຢີນປາວ ອະດີດເລຂາພັກບ້ານຮວາຊີກ່າວວ່າ, ການປົກຄອງບ້ານກັບວິສາຫະກິດຂອງບ້ານຮວາຊີເດີມກັບບ້ານທ່ີໂຮມເຂົ້າໃໝ່ໄດ້ແບ່ງອອກຈາກກັນ; ເສດຖະກິດຄຸ້ມຄອງຢ່າງເປັນເອກະພາບ, ໃຊ້ພະນັກງານຢ່າງເປັນເອກະພາບ, ຈັດວາງແຮງງານຢ່າງເປັນເອກະພາບພາຍໃຕ້ເງ່ືອນໄຂເຊ່ັນດຽວກັນ, ແຈກຢາຍສະຫວັດດີການຢ່າງເປັນເອກະພາບ, ວາງແຜນຜັງກໍ່ສ້າງບ້ານຢ່າງເປັນເອກະພາບ. ທ່ານອູແສເອີນ ເລຂາພັກບ້ານຮວາຊີ ປະທານຄະນະບໍລິຫານກຸ່ມບໍລິສັດບອກນັກຂ່າວວ່າ: ໂຮມບ້ານເຂົ້າກັນທຸກເທ່ືອກໍແມ່ນເພ່ີມຕ່ືມພະລັງຊີວິດໃໝ່, ນີ້ໄດ້ສະໜອງເບົ້າແບບໃໝ່ໃຫ້ແກ່ຂັ້ນຮາກຖານຊົນນະ ບົດໃນການຈັດສັນຊັບພະຍາກອນໃຫ້ເກີດປະໂຫຍດສູງສຸດ.
(ປະຈຸບັນ ຢູ່ບ້ານຮວາຊີຄອບຄົວໃດກໍມີລົດເກ໋ງ, ມີຄອບຄົວບໍ່ໜ້ອຍມີລົດເກ໋ງສອງ
ຄັນຂຶ້ນໄປ)
ເມ່ືອສ້າງບ້ານຮວາຊີໃນປີ 1961, ດິນປູກຝັງ 53 ກວ່າເຮັກຕາຂອງທ່ົວບ້ານຖືກຂີດ ແບ່ງເປັນ 1200 ກວ່າແຜ່ນ. ປະຈຸບັນ ເນື້ອທ່ີບ້ານຮວາຊີໃຫຍ່ໄດ້ຂະຫຍາຍອອກ 29 ເທ່ົາ, ປະຊາກອນໄດ້ເພ່ີມຂຶ້ນ 17 ເທ່ົາ. ທ່ານອູເຢີນປາວກ່າວວ່າ: "ຈຸດປະສົງຂອງພວກເຮົາແມ່ນພາຍໃນສາມປີ, ນຳພາຊາວບ້ານຮວາຊີໃຫຍ່ 50% ບັນລຸການກິນອ່ີມນຸ່ງອຸ່ນແລະຍັງມີສ່ວນເຫຼືອ, 30% ບັນລຸຮ່ັງມີຜ້ານກາງ, 20% ບັນລຸຮ່ັງມີສີສຸກ, ເດີນໄປຕາມເສັ້ນທາງຮ່ັງມີພ້ອມກັນ!" ທ່ານເວົ້າວ່າ: "ສ່ວນຕົວບຸກຄົນຮ່ັງມີບໍ່ແມ່ນຮ່ັງມີແທ້, ຮວມໝູ່ຮ່ັງມີແລ້ວຈ່ຶງນັບວ່າຮ່ັງມີແທ້; ບ້ານໜ່ຶງຮ່ັງມີບໍ່ແມ່ນຮ່ັງມີແທ້, ທ່ົວປະເທດຮ່ັງມີແລ້ວຈ່ຶງນັບວ່າຮ່ັງມີແທ້. ໃນສອງປີມານີ້, ບ້ານຮວາຊີໄດ້ເບີກເງິນລວມ 74 ລ້ານ 7 ແສນກວ່າຢວນໃຫ້ແກ່ບ້ານຢູ່ອ້ອມຂ້າງໃຊ້ໃນການສ້ອມແປງຂົວທາງຫຼືໃຊ້ເປັນສະຫວັດດີການຂອງຊາວ ບ້ານ. ໄດ້ຕັ້ງຊຸດອົບຮົມ 100 ກວ່າຊຸດໃຫ້ແກ່ 20 ກວ່າແຂວງແລະເຂດປົກຄອງຕົນເອງ, ໄດ້ອົບຮົມພະນັກງານ 1 ໝື່ນກວ່າຄົນໂດຍກົງ, ໄດ້ນຳພາ 1 ແສນກວ່າຄົນຫຼຸດພົ້ນອອກຈາກຄວາມທຸກຍາກແລ້ວສ້າງຮ່ັງຄຸນມີ, ແຮງງານຕ່າງຖ່ິນ 2 ໝື່ນກວ່າຄົນຫາເງິນໄດ້ 300 ກວ່າລ້ານຢວນຢູ່ບ້ານຮວາຊີ, ບັນລຸການຫຼຸດພົ້ນອອກຈາກຄວາມທຸກຍາກແລະຮ່ັງມີຂຶ້ນ".
1 2 3
|
