|
(ປະຈຸບັນ ບ້ານຮວາຊີທ່ີເສດຖະກິດພັດທະນາຢ່າງບໍ່ຢຸດຢັ້ງພວມປະຕິບັດແຜນການທັດ
ສະນາຈອນທ່ອງທ່ຽວກະສິກຳ "ໄຮ່ນາຫຼາຍສິບເຮັກຕາ ສວນຕົ້ນໄມ້ກິນໝາກຫຼາຍສິບ
ເຮັກຕາແລະເນ້ືອທ່ີໜ້ານ້ຳຫຼາຍສິບເຮັກຕາ".)
ບ້ານຮວາຊີໃນຊູ່ມື້ນີ້ບໍ່ພຽງແຕ່ໄດ້ດຶງດູດຜູ່ມີຄວາມຮູ້ຄວາມສາມາດ 2000 ກວ່າຄົນຈາກພາຍໃນປະເທດແລະຕ່າງປະເທດທໍ່ນັ້ນ, ນັກສຶກສາຂອງບ້ານຮວາຊີເອງກໍກັບເມືອບ້ານຮວາຊີໝົດທຸກຄົນບໍ່ມີຍົກເວີ້ນ. ທ້າວເໝີຍເຈີ້ນຮວາ ອາຍຸ 24 ປີຫາກໍ່ຮຽນຈົບຈາກມະ ຫາວິທະຍາໄລໃນປີນີ້ໄດ້ປະລະໂອກາດຮຽນປະລິນຍາໂທຢູ່ມະຫາວິທະຍາໄລອຸດສາ ຫະກຳຮາເອີປິນທ່ີເສັງຜ່ານແລ້ວນັ້ນແລະການເຊີ້ອເຊີນຂອງບໍລິສັດຂາງແລະເຫຼັກກ້າປາວຊານຊຽງໄຮ້ຈຳກັດ ເຊ່ິງເປັນວິສາຫະກິດຂາງແລະເຫຼັກກ້າຂະໜາດໃຫຍ່ແລະມີຊ່ືສຽງໃນທ່ົວປະເທດຈີນແລະວິສາຫະກິດອື່ນໆ, ກັບຄືນເມືອບ້ານຮວາຊີດຳລົງຕຳແໜ່ງຜູ່ຊ່ອຍຜູ່ອຳນວຍການໃຫຍ່ບໍລິສັດຂາງແລະເຫຼັກກ້າຮວາຊີ. ລາວເວົ້າວ່າ: "ບ້ານຮວາຊີແມ່ນບ່ອນໜ່ຶງຂອງການສ້າງພາລະກິດ, ຢູ່ແຫ່ງນີ້ຕົນເອງສາມາດເສີມຂະຫຍາຍຄວາມຮູ້ຄວາມສາມາດຂອງຕົນ".
(ທ້າວເໝີຍເຈີ້ນຮວາ ຜູ່ຊ່ອຍຜູ່ອຳນວຍການໃຫຍ່ຂອງບໍລິສັດຂາງແລະເຫຼັກກ້າຮວາຊີ
ພວມກຳກັບບັນຊາການຜະລິດຢູ່ຫ້ອງຄວບຄຸມ.ພາຍຫຼັງຮຽນຈົບຈາກມະຫາວິທະຍາໄລ
ແລ້ວ ທ້າວເໝີຍເຈີ້ນຮວາໄດ້ກັບຄືນເມືອເຮັດວຽກຢູ່ບ້ານເກີດ, ຢູ່ບ້ານຮວາຊີມີນັກສຶກ
ສາຫຼາຍສິບຄົນທ່ີກັບຄືນເມືອເຮັດວຽກຢູ່ບ້ານເກີດຄືກັນກັບທ້າວເໝີຍເຈີ້ນຮວາ, ພວກ
ເຂົາເຈົ້າໄດ້ກາຍເປັນກຳລັງສຳຄັນໃນການສ້າງສາບ້ານຮວາຊີໃໝ່.)
ຜົນສຳເລັດຂອງບ້ານຮວາຊີແມ່ນຢູ່ນຳການຍຶດຖືການກ່ໍສ້າງທັງດ້ານວັດຖຸແລະດ້ານຈິດໃຈ. ດຽວນີ້ ບ້ານຮວາຊີມີຊັບສິນຮວມໝູ່ 3 ຕື້ກວ່າຢວນ, ຢູ່ບ້ານໃຈກາງສະເລ່ຍຕໍ່ຫົວຄົນມີຊັບສິນລ່ືນກາຍລ້ານຢວນ; ມີຊັບສິນເອກະຊົນ 500 ລ້ານກວ່າຢວນ, ສະເລ່ຍຕໍ່ຫົວຄົນ 3 ແສນກວ່າຢວນ. ຊາວບ້ານທຸກຖ້ວນໜ້າຍຶດໝັ້ນຮັກແພງພັກ ຮັກແພງປະເທດຊາດ ຮັກແພງບ້ານຮວາຊີຢ່າງສະເໝີຕົ້ນສະເໝີປາຍ; ຮັກແພງຍາດພີ່ນ້ອງ ຮັກແພງໝູ່ເພ່ືອນ ຮັກແພງຕົນເອງ. ທ່ານອູແສເອີນເວົ້າວ່າ: "ປະຈຸບັນ ບ້ານຮວາຊີພວມຫັນປ່ຽນໂຄງປະກອບ, ແຕ່ບໍ່ວ່າຈະປ່ຽນແປງແນວໃດ, ເປົ້າໝາຍສ້າງຮ່ັງຄຸນມີພ້ອມກັນບໍ່ຫ່ອນຊິປ່ຽນແປງ".
(ສາວຕ່າງຖ່ິນທ່ີເຮັດວຽກຢູ່ບ້ານຮວາຊີພວມເລືອກຊື້ເຄ່ືອງປະດັບເອ້ຢູ່ຊຸບເປີມາເກັດ
ຈິນຖາບ້ານຮວາຊີ. ເສດຖະກິດບ້ານຮວາຊີພັດທະນາຢ່າງວ່ອງໄວ, ໄດ້ດຶງດູດແຮງ
ງານຕ່າງຖ່ິນ 2 ໝື່ນກວ່າຄົນ.)
1 2 3
|
