|
 ເຜົ່າທາທາເອີແມ່ນເຜົ່າສ່ວນຫນ້ອຍເຜົ່ານຶ່ງໃນ 10 ກວ່າເຜົ່າທີ່ເຊື່ອຖືສາສະຫນາອິສລາມຢູ່ຈີນ,ແລະກໍແມ່ນເຜົາາສ່ວນຫນ້ອຍເຜົ່າຫນຶ່ງທີ່ມີປະຊາກອນອ່າວຫນ້ອຍ, ປະຈຸບັນ,ມີພຽງ 4 ພັນ 800 ກວ່າຄົນທໍ່ນັ້ນ,ເຜົ່າທາທາເອີຕົ້ນຕໍຕັ້ງພູມລຳເນົາຢູ່ເຂດຕາເວັນຕົກສຽງເຫນືອຂອງເຂດຊິນຈຽງເຜົ່າວີເວີເອີປົກຄອງຕົນເອງຢູ່ພາກຕາເວັນຕົກສຽງເຫນືອຂອງຈີນ.
ເຜົ່າທາທາເອີມີພາສາແລະໂຕຫນັງສືຂອງຕົນເອງ,ພາສາແມ່ນຂຶ້ນກັບສາຂາພາສາຕວກຕະກູນພາສາອ່ານໄຕ່,ຕົວຫນັງສືກໍແມ່ນຕົວອັກສອນຜັນສຽງທີ່ເອົາຕົວຫນັງສືອາລາບເປັນພື້ນຖານ,ເນື່ອງຈາກໄດ້ຢູ່ປົນກັນກັບເຜ່ົາວີເວີເອີແລະເຜົ່າຄາຊັກມາຍາວນານ,ເຜົ່າທາທາເອີໃຊ້ພາສາແລະຫນັງສືຂອງເຜົ່າວີເວີເອີແລະເຜົ່າຄາຊັກຢ່າງກວ້າງຂວາງ.
ເຄື່ອງນຸ່ງຂອງຖືຂອງຊາວເຜົ່າທາທາເອີກໍມີຈຸດພິເສດຕ່າງຫມູ່,ງາມຫນ້າຊົມ,ບໍ່ວ່າຍິງຊາຍນ້ອຍໃຫຍ່,ສ່ວນຫຼາຍມັກນຸ່ງເສື້ອເຊີດສີຂາວ,ຄໍຕາມເສື້ອປາກແຂນເສື້ອແລະຫນ້າເອີກມັກແສ່ວລວດລາຍຕ່າງໆທີ່ມີສີສັນກິນກັນດີ,ຜູ່ຊາຍມັກນຸ່ງເສ້ືອກັກສີດຳຫຼືເສື້ອກຸຍເຮັງສີດຳລ່າມຢູ່ນອກເສື້ອເຊີດສີຂາວ,ສົ້ງກໍສີດຳ,ພວກເຂົາເຈົ້າຍັງ ໃສ່ຫມວກສີດຳຂາວແສ່ວດອກໃສ່,ໃນລະດູຫນາວ,ມັກໃສ່ຫມວກຫນັງແກະສີດຳມີຂົນທັງອຸ່ນ,ທັງງາມ,ເຄື່ອງນຸ່ງຂອງຖືຂອງແມ່ຍິງເຜົ່າທາທາເອີມັກມີສີສົດໃສງາມສະຫງ່າແມ່ຍິງມັກນຸ່ງກະໂປ່ງຊຸດ,ສ່ວນຫຼາຍມັກສີຂາວ,ສີເຫຼືອງແລະສີແດງຊ້ຳເປັນຕົ້ນ,ແມ່ຍິງເຜົ່າທາທາເອີທີ່ມັກງາມມັກໃສ່ຫມວກທີ່ຫຍິບຫມາກຕຸ້ມສີຕ່າງໆໃສ່ກັບຕຸ້ມຫູ,ສ້ອຍຄໍ,ແຫວນແລະປອກແຂນຄຳຫຼືເງິນປະເພດຕ່າງໆ.
1 2 3
|
