|
|
 |
| (GMT+08:00)
2004-11-08 17:16:58
|
 |
|
ເຜົ່າທາທາເອີ
cri
Author: sayvanny
ການຟ້ອນຂອງເຜົ່າທາທາເອີກໍມ່ວນເບີກບານດີ,ວາດຟ້ອນຂອງຜູ່ຊາຍສ່ວນຫຼາຍທືບເຕະໂດດເຕັ້ນເຊິ່ງເປັນອິລິຍະບົດຕາມແຂ່ງຂາ,ສ່ວນຜູ່ຍິງສ່ວນຫຼາຍແມ່ນວາດຟ້ອນດ້ານມືແລະການເຫນັງຕີງຕາມຫນ້າທ້ອງ,ເນື້ອໃນສ່ວນຫຼາຍແມ່ນສະແດງການອອກແຮງງານ,ສະຫຼອງບຸນແລະພິທີແຕ່ງດອງເປັນຕົ້ນ.
ດົນຕີໃນພິທີແຕ່ງດອງຂອງຊາວເຜົ່າທາທາເອີມີຈັງຫວະຈະແຈ້ງ,ທຳນອງມ່ວນຫນ້າຟັງ,ຟ້ອນກໍງ່າຍ,ເຫມາະສຳລັບທຸກໆຄົນຟ້ອນນຳກັນ,ເມື່ອຟ້ອນຫຼືຮ້ອງເພງໄປມ່ວນໆ,ຄົນທັງຫຼາຍມັກຮ້ອງໂຮຖິວສຽງດັງໆແຫຼມໆຍິ່ງເຮັດໃຫ້ພິທີແຕ່ງດອງມີບັນຍາກາດຟົດຟື້ນ,ເມື່ອຮອດມື້ບຸນຫຼືພິທີສະຫຼອງນັ້ນ,ຊາວທາທາເອີມັກຟ້ອນລະບຳທືບຕີນຂອງເຜົ່າທາທາເອີຄ້າຍຄືກັນກັບຟ້ອນພື້ນເມືອງຂອງຊາວລັດເຊຍ. ເຜົ່າທາທາເອີນອກຈາກເຮັດບຸນກູບານແລະບຸນອັດຮາຕາມຮີດຄອງມຸສລິນແລ້ວ, ຍັງມີບຸນຊາບັນທີ່ມີເອກະລັກຂອງເຜ່ົາຕົນເອງອີກ,ບຸນຊາບັນຂອງເຜ່ົາທາທາເອີກໍເອີ້ນວ່າບຸນປູກຝັງໃນລະດູໃບໄມ້ປົ່ງ,ບຸນນີ້ແມ່ນຈັດຂຶ້ນເພື່ອຕ້ອນຮັບການປູກຝັງໃນລະດູໃບໄມ້ປົ່ງ,ເຊິ່ງແມ່ນງານມະໂຫງານທີ່ຈັດຂຶ້ນປີລະເທື່ອຂອງເຜົ່າທາທາເອີ,ເມື່ອຮອດມື້ບຸນ,ບໍ່ວ່າໃນຕົວເມືອງຫຼືຢູ່ຊົນນະບົດ,ຊາວເຜົ່າທາທາເອີທຸກຖ້ວນຫນ້າຕ້ອງແຕ່ງໂຕຢ່າງສວຍງາມ,ເຄື່ອງດື່ມຂອງກິນທີ່ໂອຊາແລະເຄື່ອງດົນຕີຊະນິດຕ່າງໆ,ໄປໂຮມກັນຢູ່ຕາມເປີ້ນພູຫຼືແຄມນ້ຳທີ່ມີວິວທັດສວຍງາມ,ຊຸນເຂົ້າກັນຟ້ອນລຳທຳເພງຫຼືຫຼິ້ນກິລາປະເພດຕ່າງໆເຊັ່ນດຶງເຊືອກ,ມວຍປ້ຳຊ່ວງມ້າເປັນຕົ້ນມາສະຫຼອງມື້ບຸນ,ຄຶດເຫັນໄດ້ວ່າບັນຍາກາດຈະຄຶກຄື້ນຟົດຟື້ນພຽງໃດ.
ໃນປະຫວັດສາດ,ຊາວເຜົ່າທາທາເອີສ່ວນຫຼາຍອາໄສຢູ່ແລະຄ້າຂາຍຕາມຕົວເມືອງ,ໃນກະແສຟອງໃຫຍ່ແຫ່ງເສດຖະກິດຕະຫຼາດໃນປະຈຸບັນ,ຊົນເຜົ່າທາທາເອີທີ່ມີມູນເຊື້ອແລະຄວາມຊຳນານໃນການຄ້າຂາຍນັ້ນກໍຍິ່ງຄືປາໃນນ້ຳ,ຊີວິດການເປັນຢູ່ນັບມື້ນັບດີຂຶ້ນຢ່າງບໍ່ຢຸດຢັ້ງ.
1 2 3
|
|
|
