|
|
 |
| (GMT+08:00)
2004-11-08 17:16:58
|
 |
|
ເຜົ່າທາທາເອີ
cri
Author: sayvanny
ການປັກແສ່ວແມ່ນສີໄມ້ລາຍມືທີ່ຊຳນິຊຳນານຂອງແມ່ຍິງເຜົ່າທາທາເອີ,ພວກເຂົາເຈົ້າບໍ່ພຽງແຕ່ແສ່ວລວດລາຍຕ່າງໆໃສ່ເຄື່ອງນຸ່ງຂອງຖືທຸກຊະນິດທໍ່ນັ້ນ,ຊຸດວິວາທີ່ພວກຜູ່ສາວນຸ່ງໃນຍາມແຕ່ງດອງກໍຍິ່ງສະແດງໃຫ້ເຫັນສະຕິປັນຍາແລະປີຊາສາມາດຂອງພວກນາງ.ລວດລາຍແລະດອກໄມ້ທຸກດອກໄດ້ສະແດງໃຫ້ເຫັນນິດໃສອັນອ່ອນໂຍນຄ່ຽມຄົມຂອງຜູ່ສາວສະແດງໃຫ້ເຫັນຄວາມປາຖະຫນາແລະສິ່ງສະແຫວງຫາດີງາມຕໍ່ຊີວິດອັນໃຫມ່ຂອງເຂົ້າເຈົ້າ,ພວກຜູ່ບ່າວເຜົ່າທາທາເອີສ່ວນຫຼາຍກໍຖືສີມືປັກແສ່ວຂອງຜູ່ສາວເປັນມາດຕະຖານໃນການເລືອກເອົາຄູ່ຮັກ,ບໍ່ແມ່ນເວົ້າໂຍກ,ບໍ່ມີຜູ່ບ່າວຜູ່ໃດທີ່ຈະບໍ່ຍິນຍອມສີມືອັນຊຳນານຂອງຜູ່ສາວ.
ພວກຊ່າງທັງຫຼາຍຂອງເຜ່ົາທາທາເອີໄດ້ສ້າງສິນລະປະສ່ິງກໍ່ສ້າງອັນດີເລີດ,ໃນສິນລະປະສິ່ງກໍ່ສ້າງນັ້ນ,ສີມືທີ່ໃຊ້ຫຼາຍກວ່າຫມູ່ແມ່ນການແຕ້ມຮູບສີແລະສະຫຼັກລວດລາຍ,ອາດເວົ້າໄດ້ວ່າ,ວັດອິສລາມໄດ້ໂຮມສູນສິນລະປະອັນຍອດຍ່ິງເຫຼ່ົານີ້,ຕາມປະຕູ,ຂື່ຂາງເສົາເຮືອນແລະເພດານໃນວັດລ້ວນແຕ່ແຕ້ມລວດລາຍໃສ່, ລວດລາຍເຫຼົ່ານີ້ສີພື້ນສ່ວນຫຼາຍແມ່ນສີຟ້າ,ລວດລາຍແມ່ນອີງຕາມຄວາມຮຽກຮ້ອງຕ້ອງການ,ໃຊ້ສີສັນຕ່າງໆຕັດກັນຢ່າງຊັດແຈ້ງ,ສີສົດຊື່ນງາມຕາ, ລວດລາຍເຫຼົ່ານີ້ສ່ວນຫຼາຍແມ່ນຮູບດອກໄມ້ປະຕູແລະປ່ອງຢ້ຽມຂອງວັດອິສລາມກໍລ້ວນແຕ່ສະຫຼັກຮູບເລຂາຄະນິດທີ່ງາມປານີດໃສ່,ວັດນູເກີອີແມ່ຊີຈີທີ ຢູ່ເມືອງອູລູມູຊີເມືອງເອກຂອງເຂດຊິນຈຽງແມ່ນວັດອິສລາມທີ່ງາມກວ່າຫມູ່ຂອງເຜົ່າທາທາເອີ,ປະຕູໂຂງເພດານ,ຮົ້ວຮາວແລະສິນລະປະການປະດັບປະດາອັນຫຼູຫຼາປະນີດໃນຫ້ອງເຮືອນ,ງາມຈົນເປັນຫນ້າອອນຊອນແທ້ໆ.
ໃນອາຫານສາມຄາບໃນແຕ່ລະມື້ຂອງເຜ່ົາທາທາເອີ,ອາຫານທ່ຽງເປັນອາຫານຄາບສຳຄັນ,ຄາບເຊົ້າແລະຄາບຄ່ຳແມ່ນກິນແຕ່ເຂົ້າຫນົມນ້ຳຊາ,ອາຫານຂອງເຜົ່າ ທາທາເອີາກໍມີຫຼາຍຢ່າງຫຼາຍແນວ,ຊີ້ນງົວຊີ້ນແກະ,ເຂົ້າທີ່ຢຸບກິນ ເຈົ້າຈີ່ ເສັ້ນຫມີ່ແມ່ນອາຫານປະຈຳວັນຂອງພວກເຂົາເຈົ້າ,ມັກກິນມັນຝຼັ່ງ,ຫມາກເລ່ັນ,ຫມາກແຕງ ຜັກກະຫຼ່ຳແລະອື່ນໆ,ຊາວເຜົ່າທາທາເອີມັກກິນນ້ຳຊາ,ນອກນັ້ນ,ນ້ຳນົມງົວ ນ້ຳນົມແກະແລະນ້ຳນົມມ້າກໍແມ່ນເຄື່ອງດ່ືມທີ່ພວກເຂົາເຈົ້າມັກກິນເປັນປະຈຳ.
ການຟ້ອນລຳທຳເພງແມ່ນພາກສ່ວນຫນຶ່ງທີ່ຂາດເຂີນບໍ່ໄດ້ໃນຊີວິດຂອງຊາວເຜົ່າທາທາເອີ,ດົນຕີຂອງເຜົ່າທາທາເອີມີຈັງຫວະມ່ວນຊື່ນ,ອາດຈະແມ່ນຍ້ອນເຜົ່າດັ່ງກ່າວເຄີຍມີປະສົບການທ່ຽວລ້ຽງສັດ,ດົນຕີເຂົາເຈົ້າຈື່ງມີທຳນອງຮ້ອງຢູ່ຕາມທົ່ງຫຍ້າຢ່າງສະຫງ່າຜ່າເຜີຍ.
1 2 3
|
|
|
