|
|
 |
| (GMT+08:00)
2005-05-11 16:10:02
|
 |
|
ສິນຄ້າອາຊີໃຕ້ໄດ້ຮັບຄວາມນິຍົມຊົມຊອບຢູ່ປັກກິ່ງ
cri
Author: mo
|
ໃນສອງປີມານີ້, ໃນຊີວິດທັນສະໄໝຂອງປັກກິ່ງໄດ້ມີສິ່ງນິຍົມກັນໃໝ່ອີກ, ຄືຄົນທັງຫລາຍນັບມື້ນັບນິຍົມເສື້ອຜ້າອາພອນ ເຄື່ອງເອ້ ແລະເຄື່ອງສິລະປະຫັດຖະກຳຂອງປະເທດອາຊີໃຕ້ຄືອິນເດຍ ປາກີສະຖານ ແລະເນປານເປັນຕົ້ນ, ຮ້ານຂາຍສິນຄ້າປະເພດນີ້ກໍເປີດຂຶ້ນຫລາຍຊັກໄຊ້, ຈົນກາຍເປັນທິວທັດໜຶ່ງໃນນະຄອນຫລວງປັກກິ່ງ. ມື້ນີ້, ພວກເຮົາຈະພາທ່ານໄປເລາະຮ້ານຄ້າເຫຼົ່ານີ້.
ຢູ່ເບື້ອງເໜືອພະລາຊະວັງກູ້ກົງປັກກິ່ງມີໜອງແຫ່ງໜຶ່ງຊື່ວ່າ"ສືຊ້າຫາຍ", ຮ້ານ"ສະຫວັນຜະລິດ"ທີ່ຂາຍເຄື່ອງເອ້ອາຊີໃຕ້ຂອງອ້າຍນ້ອງໂລຊັງ ຊາວຕິເບດກໍຕັ້ງຢູ່ແຫ່ງນັ້ນ. ຮ້ານຄ້ານີ້ໃຫຍ່ສົມຄວນ ທັງມີຊື່ສຽງ.
ທ່ານໂລຊັງ ເຈົ້າຂອງຮ້ານຜູ້ໜຸ່ມນ້ອຍ ຜິວອ່ຳທ່ຳ ຊື່ງເປັນສີພິເສດຂອງຊາວຕິເບດ, ທ່ານມີນິດໄສເບີດບານແລະມັກແຂກມັກຄົນ, ເມື່ອຮູ້ວ່າພວກເຮົາແມ່ນນັກຂ່າວ, ທ່ານກໍຖາມສະບາຍດີນຳຜູ້ຟັງວິທະຍຸCRIດ້ວຍພາສາຕິເບດ. ທ່ານເວົ້າວ່າ:
ສະບາຍດີເພື່ອນຜູ້ຟັງທີ່ຮັກແພງ, ຂ້າພະເຈົ້າຊື່ວ່າໂລຊັງ, ເຈົ້າຂອງຮ້ານ"ສະຫວັນຜະລິດ", ຮ້ານຂອງພວກເຮົາແມ່ນຫ້ອງວາງສະແດງສິນຄ້າທີ່ມາຈາກຕິເບດ, ຂ້າພະເຈົ້າຂໍອວຍພອນໃຫ້ຜູ້ຟັງທຸກຄົນຈົ່ງໂຊກດີ.
1 2 3
|
|
|
