|
ສິນຄ້າອາຊີໃຕ້ໄດ້ຮັບຄວາມນິຍົມຊົມຊອບຢູ່ປັກກິ່ງ
cri
Author: mo
ຄອບຄົວຂອງທ່ານໂລຊັງແມ່ນຄອບຄົວຜະລິດເຄື່ອງເງິນທີ່ມີຊື່ສຽງຢູ່ເມືອງຄາງປ່າເຂດຕິເບດ, ເມື່ອ 7 ປີກ່ອນ, ທ່ານໂລຊັງໄດ້ມາຕັ້ງຮ້ານຂາຍເຄື່ອງເອ້ຕິເບດ. ທ່ານເວົ້າວ່າ, ຕິເບດສູງຫລາຍ, ຢູ່ໃກ້ທ້ອງຟ້າ, ຊາວຕິເບດເຊື່ອຖືສາສະໜາພຸດ, ເຊື່ອວ່າຢູ່ເທິງຟ້າມີພະພຸດທະເຈົ້າ, ເຄື່ອງເງິນຂອງຕິເບດກໍງາມຫລາຍ, ເໝືອນດັ່ງເອົາມາແຕ່ເທິງຟ້າ, ສະນັ້ນ, ທ່ານໄດ້ຕັ້ງຊື່ຮ້ານວ່າ"ສະຫວັນຜະລິດ". ພາຍຫຼັງມາ, ທ່ານໂລຊັງໄດ້ຕັ້ງຮ້ານອີກຮ້ານໜຶ່ງ, ຂາຍເຄື່ອງເອ້ຂອງອິນເດຍແລະເນປານໂດຍສະເພາະ.
ທ່ານໂລຊັງບອກນັກຂ່າວວ່າ, 6 ປີກ່ອນ, ເອົາເຄື່ອງເອ້ຂອງອິນເດຍແລະເນປານມາຂາຍຢູ່ປັກກິ່ງ. ແຕ່ເວລານັ້ນ, ບໍ່ມີຄົນສົນໃຈເລີຍ, ຕ່າງກັບດຽວນີ້ ລູກຄ້ານິຍົມທີ່ສຸດ. ທ່ານໂລຊັງກ່າວວ່າ,
ຍ້ອນການທ່ອງທ່ຽວພັດທະນາ, ຜູ້ໄປທ່ຽວອິນເດຍແລະເນປານນັບມື້ນັບຫລາຍຂຶ້ນ, ຜູ້ແນະນຳບ່ອນເຫຼົ່ານີ້ກໍຫລາຍຂຶ້ນ. ຊາວໜຸ່ມສະໄໝນີ້ມັກເສລີ, ຄົນທັງຫລາຍເຫັນວ່າ, ອິນເດຍແລະເນປານແມ່ນປະເທດເຊື່ອຖືສາສະໜາພຸດ, ເຫັນວ່າ, ຢູ່ແຫ່ງນັ້ນສາມາດເຮັດໃຫ້ຄົນມີຄວາມຮູ້ສຶກປອດໃສຂຶ້ນ. ແຫ່ງເຫຼົ່ານີ້ອ່າວສອກຫຼີກ, ເສດຖະກິດຢາກຫລ້າຫລັງແດ່, ເຄື່ອງເອ້ໃນຮ້ານພວກເຮົາບໍ່ວ່າຄຸນນະພາບຫຼືວ່າສີມືແມ່ນດີໝົດ, ສິນຄ້າແນວໃດກໍມີແຕ່ອັນດຽວທໍ່ນັ້ນ, ບໍ່ມີອັນຄືກັນ, ເພາະຄົນທັງຫລາຍມັກເອກອ້າງສີສັນພິເສດແລະບຸກຄະລິກຂອງຕົນ.
1 2 3
|
|
