|
ສິນຄ້າອາຊີໃຕ້ໄດ້ຮັບຄວາມນິຍົມຊົມຊອບຢູ່ປັກກິ່ງ
cri
Author: mo
ນັກຂ່າວໄດ້ສຳພາດນາງເວີ້ຍສຽວຫຼີງ ລູກຄ້າທີ່ພວມຊື້ຂອງໃນຮ້ານ"ສະຫວັນຜະລິດ", ນາງເວົ້າວ່າ, ນຸ່ງເສື້ອຜ້າແລະໃສ່ເຄື່ອງເອ້ຂອງອາຊີໃຕ້ເຮັດໃຫ້ຕົນຍິ່ງທັນສະໄໝ, ນາງເວົ້າວ່າ:
ຂ້ອຍເຫັນວ່າ, ຢູ່ຮ້ານນີ້, ມີເຄື່ອງຄົບຫລາຍ, ສີຫຍັງກໍມີ, ເຈົ້າມັກອັນງາມລຽບໆກໍມີ, ມັກແບບສະຫງ່າຜ່າເຜີຍກໍມີ, ມັກແບບເກົ່າຫຼືແບບໝ່, ຮ້ານນີ້ມີໝົດທຸກຢ່າງ.
"ຮ້ານເຄື່ອງເນປານສຽວທາວ" ຕັ້ງຢູ່ຄຸ້ມຮ້ານຄ້າຊີຕ່ານທີ່ສີວິໄລຢູ່ກາງນະຄອນປັກກິ່ງ. ຮ້ານນີ້ບໍ່ໃຫຍ່ປານໃດ, ມີແຕ່ສອງສາມແມັດຕາທໍ່ນັ້ນ, ແຕ່ເຄື່ອງທີ່ວາງຂາຍນັ້ນງາມຫລາຍ, ບໍ່ວ່າເຄື່ອງເອ້ຂອງເນປານຫລືວ່າແອບນ້ຳກ້ຽງຂອງອິນເດຍ, ບໍ່ວ່າເບາະລູກຕຸ້ມ, ຫລືວ່າພາຖາດໄມ້ຫອມ, ລ້ວນແຕ່ແມ່ນນາງສຽວທາວ ເຈົ້າຂອງຮ້ານເລືອກຊື້ມາແຕ່ເນປານແລະອິນເດຍ.
ແຕ່ເດີມ, ນາງສຽວທາວມີວຽກທີ່ໄດ້ເງິນເດືອນສູງ, ພາຍລຸນມາ, ນາງໄດ້ໄປທ່ຽວຕິເບດ, ເຫັນເຄື່ອງເອ້ຂອງເນປານ, ນາງມັກຫລາຍ, ເມື່ອກັບມາຮອດປັກກິ່ງ, ນາງກໍລາອອກຈາກຕຳແໜ່ງ, ຕັ້ງຮ້ານ"ສຽວທາວ" ຂອງຕົນຂຶ້ນ.
ເຄື່ອງທີ່ນາງສຽວທາວຂາຍສ່ວນຫລາຍໄປຊື້ເອົາມາຈາກທ້ອງຖິ່ນຫລືຝາກໝູ່ໄປຊື້ມາໃຫ້, ສະນັ້ນຕົ້ນທຶນຈຶ່ງສູງຫລາຍ, ແຕ່ລາຄາທີ່ນາງຂາຍພັດບໍ່ແພງ. ນາງສຽວທາວເວົ້າວ່າ:
ເຄື່ອງຂອງເນປານດີຫລາຍ, ແຕ່ຂ້ອຍບໍ່ແມ່ນອາໄສສິ່ງເຫຼົ່ານີ້ມາລາບລວຍ, ມີແຕ່ຢາກແນະນຳເຄື່ອງຂອງເຫຼົ່ານີ້ໃຫ້ຜູ້ອື່ນຮູ້ທໍ່ນັ້ນ, ຍັງສາມາດຄົບເພື່ອນໄດ້ຫລາຍ, ດຽວນີ້, ລູກຄ້າຫລາຍໆຄົນໄດ້ກາຍເປັນຊ່ຽວຮັກແພງຂອງຂ້ອຍແລ້ວ.
ຮ້ານຄ້າປະເພດນີ້ຍັງມີອີກຮ້ານໜຶ່ງຊື່ວ່າ"ສະຫວັນ ຕາ" ຕັ້ງຢູ່ມໍ່ສູນເຈ່ຍລີ ຢູ່ຄຸ້ມການຄ້າທີ່ມີຊື່ສຽງຂອງປັກກິ່ງ, ນາງສີມ້ານລີ້ ເຈົ້າຂອງຮ້ານຍັງສາວ ທັງງາມ, ປາກພາສາອັງກິດຫຼ່ຽນໄຫຼດີ. ນາງແນະນຳວ່າ, ຮ້ານ"ສະຫວັນ ຕາ"ຂາຍເສື້ອຜ້າເນປານ ອິນເດຍແລະປາກີສະຖານ, ມີສາຂາຢູ່ຊຽງໄຮ້ ເສີນເຈີ້ນແລະນະຄອນເສີງຕູ, ແຕ່ລະຫຼັງມີຈຸດພິເສດຂອງໃຜມັນ. ເມື່ອທຽບກັບສາຂາອື່ນແລ້ວ, ຮ້ານນີ້ມີສີສັນສາສະໜາຫລາຍກວ່າ, ມີພະພຸດທະຮູບຫລາຍຢ່າງຫລາຍແນວ, ຍັງມີເຟີນິເຈີປະເພດຕ່າງໆທີ່ເຮັດດ້ວຍໄມ້ກົກໂພ, ນາງສີມ້ານລີ້ເວົ້າວາ:
ຂາຍເຄື່ອງເຫຼົ່ານີ້ ຂ້າພະເຈົ້າຮູ້ສຶກວ່າມັນສາມາດເຜີຍແຜ່ວັດທະນະທຳສາສະໜາອິນເດຍປາກີສະຖານອັນເຂັ້ມຂຸ້ນໃຫ້ລູກຄ້າທັງຫລາຍ.
ຮ້ານຂາຍສິນຄ້າອາຊີໃຕ້ຢູ່ປັກກິ່ງຫລາຍຮ້ານຕ່າງມີຈຸດພິເສດຂອງຕົນ, ບໍ່ພຽງແຕ່ໄດ້ຕອບສະໜອງຄວາມຕ້ອງການທີ່ຂອງງາມຂອງໃໝ່ຂອງຊາວໜຸ່ມທັນສະໄໝທໍ່ນັ້ນ, ທັງໄດ້ກ່າຍຂົວໃຫ້ຄົນຈີນເຂົ້າໃກ້ຊິດກັບປະເທດທີ່ຢູ່ກວາງໄກເຫຼົ່ານັ້ນຢ່າງບໍ່ຮູ້ສຶກຕົວອີກດ້ວຍ, ໃຫ້ຄົນຈີນເຂົ້າໃຈວັດທະນະທຳຕ່າງປະເທດທີ່ເລົ່າລືກັນມາໃນເທບນິຍາຍ.
1 2 3
|
|
