|
ແມ່ຍິງນານກິ່ງທີ່ຖືກທະຫານຍີ່ປຸ່ນພາກກັນຂົ່ມຂືນ
ຜູ້ທີ່ສາມາດເປັນສັກຂີພິຍານໃຫ້ແກ່ເຫດການສັງຫານໂຫດທີ່ນານກິ່ງນັ້ນບໍ່ສະເພາະແຕ່ມີແມ່ເຖົ້າເຊ້ຍຊູສິນຜູ້ດຽວເທົ່ານັ້ນ.ຍັງມີຮູບຖ່າຍແລະຂໍ້ມູນຂ່າວສານຈຳນວນຫຼວງຫຼາຍໄດ້ບັນທຶກປະຫວັດສາດນອງເລືອດທີ່ເກີດຂຶ້ນຢູ່ນະຄອນນານກິ່ງ.ໃນນັ້ນ,ມີຮູບພາບຈຳນວນໜຶ່ງແມ່ນຮູບຖ່າຍທີ່ຂ້າຟັນລັນແທງສາມັນຊົນຈີນເຊິ່ງແມ່ນທະຫານຍີ່ປຸ່ນຖ່າຍເອົາທີ່ທ່ານໂລຈິນ ຜູ້ລອດຕາຍຈາກເຫດການສັງຫານໂຫດທີ່ນານກິ່ງສ່ຽງໄພເຖິງແກ່ຊີວິດ, ຮັກສາໄວ້.ກ່ອນພໍ່ເຖົ້າໂລຈິນເຖິງແກ່ກຳເມື່ອປີກາຍນີ້,ພໍ່ເຖົ້າໄດ້ໃຫ້ສຳພາດຕໍ່ນັກຂ່າວວິທະຍຸພວກເຮົາ,ພໍ່ເຖົ້າໄດ້ເລົ່າສະພາບທີ່ເຮັດໃຫ້ຄົນຟັງແລ້ວຮູ້ສຶກສະຫຍົດສະຫຍອງ.ພໍ່ເຖົ້າໂລຈິນເວົ້າວ່າ,ໃນເວລາກອງທະຫານຍີ່ປຸ່ນຍຶດຄອງນານກິ່ງ,ເພິ່ນພວມເປັນລູກສິດໃນຮ້ານຖ່າຍຮູບຮວາຕົ່ງນະຄອນນານກິ່ງ.ມີມື້ໜຶ່ງ,ມີນາຍຮ້ອຍຕີຍີ່ປຸ່ນຜູ້ໜຶ່ງມາລ້າງຮູບສອງກໍ້.ໃນເວລາຊ່ອຍອາຈານລ້າງຮູບເຫຼົ່ານີ້,ພໍເຫັນພາບເທິງຮູບຖ່າຍ,ພໍ່ເຖົ້າໂລຈິນກໍຮູ້ສຶກຕົກສະເງີ້ໂລດ:
"ເມື່ອຂ້ອຍໄປເບິ່ງຮູບຖ່າຍຢູ່ຫ້ອງລ້າງຮູບ,ໂທ! ມີຮູບຖ່າຍທີ່ຕັດຄໍຄົນຈີນ,ເມື່ອອາຈານໄດ້ເຫັນຮູບຖ່າຍເຫຼົ່ານີ້ແລ້ວ,ບອກຂ້ອຍວ່າ:ໂລຈິນ,ເຈົ້າຢ່າສູ່ບອກໃຫ້ຜູ້ອື່ນຮູ້ເດີ!ຄົນຍີ່ປຸ່ນຂ້າຄົນ,ຂົ່ມຂືນ,ເຜົາເຮືອນ,ທັງໝົດເຫຼົ່ານີ້ຂ້ອຍໄດ້ເຫັນກັບຕາໝົດ,ຂ້ອຍຕັດສິນໃຈຮັກສາຮູບຖ່າຍເຫຼົ່ານີ້ໄວ້."
ທະຫານຍີ່ປຸ່ນຝັງຄົນຈີນທັງເປັນທີ່ນານກິ່ງ
ນີ້ແມ່ນຮູບຖ່າຍທີ່ທ່ານໂລຈິນ ຜູ້ລອດຕາຍຈາກເຫດການສັງຫານໂຫດ
ທີ່ນານກິ່ງໄດ້ສ່ຽງໄພເຖິງແກ່ຊີວິດຮັກສາໄວ້.
ຈາກນັ້ນມາ,ພໍ່ເຖົ້າໂລຈິນສຸດທີ່ເອົາໃຈໃສ່ນຳຟິມທີ່ທະຫານຍີ່ປຸນສົ່ງມາລ້າງ,ຄັດເລືອກເອົາຮູບຖ່າຍທີ່ຄົນຍີ່ປຸ່ນຕັດຄໍຄົນຈີນລວມ30ກວ່າໂປ້,ແລ້ວອັດອີກ,ຮັກສາໄວ້ໃນປຶ້ມຮູບຖ່າຍທີ່ເຮັດເອົາເອງ.
ທະຫານຍີ່ປຸ່ນມັດຄົນຈີນແລ້ວຄຸມໄປສະຖານທີ່ປະຫານຊີວິດ
ນີ້ແມ່ນຮູບຖ່າຍທີ່ທ່ານໂລຈິນ ຜູ້ລອດຕາຍຈາກເຫດການສັງຫານໂຫດ
ທີ່ນານກິ່ງໄດ້ສ່ຽງໄພເຖິງແກ່ຊີວິດຮັກສາໄວ້.
1 2 3 4 5
|
