|
|
 |
| (GMT+08:00)
2005-05-30 15:39:11
|
 |
|
ບັນທຶກການເຄື່ອນໄຫວວັດທະນະທຳຊົນເຜົ່າມື້ອອກໃໝ່ 8 ຄ່ຳເດືອນສີ່ຈັນທະຄະຕິຈີນຢູ່ເມືອງກຸ້ຍຢາງ(ສຽງ)
cri
Author: mo
|
ວັນທີ 15 ພຶດສະພາປີນີ້ກົງກັບມື້ອອກໃໝ່ 8 ຄ່ຳເດືອນສີ່ຈັນທະຄະຕິຈີນ. ມື້ອອກໃໝ່ 8 ຄ່ຳເດືອນສີ່ຈັນທະຄະຕິຈີນແມ່ນມື້ບຸນປະເພນີດັ້ງເດີມຂອງຊົນເຜົ່າສ່ວນໜ້ອຍຄືເຜົ່າມົ້ງ ເຜົ່າປູ້ອີ່, ເຜົ່າຕົ້ງ, ແລະເຜົ່າຢ້າວເປັນຕົ້ນໃນເມືອງກຸ້ຍຢາງແຂວງກຸ້ຍໂຈວ ພາກຕາເວັນຕົກສຽງໃຕ້ຂອງຈີນ. ແຕ່ລະປີ, ຊົນເຜົ່າສ່ວນໜ້ອຍຂອງທ້ອງຖິ່ນຈະຈັດການເຄື່ອນໄຫວສະຫລອງວັນບຸນດັ່ງກ່າວຢ່າງໃຫຍ່ໂຕມະໂຫລານ. ປີນີ້, ການສືບທອດແລະການປົກປັກຮກສາວັດທະນະທຳຊົນເຜົ່າໄດ້ກາຍເປັນເນື້ອໃນສຳຄັນຂອງການສະຫລອງວັນບຸນດັ່ງກ່າວຂອງເມືອງກຸ້ຍຢາງ.
ວັນທີ 15 ພຶດສະພາ, ກໍຄືມື້ອອກໃໝ່ 8 ຄ່ຳເດືອນສີ່ຈັນທະຄະຕິຈີນ, ເມືອງກຸ້ຍຢາງໄດ້ກາຍເປັນ"ທະເລ"ທີ່ມ່ວນຊຶ່ນຟົດຟື້ນ, ຢູ່ແຫ່ງນີ້ພວມຈັດງານກິລາດັ້ງເດີມຂອງຊົນເຜົ່າສ່ວນໜ້ອຍເຊິ່ງແມ່ນລາຍການກິລາດັ້ງເດີມຂອງມື້ອອກໃໝ່ 8 ຄ່ຳເດືອນສີ່ຈັນທະຄະຕິ, ແລະການເຄື່ອນໄຫວແຫ່ສະແດງໄປນຳທາງທີ່ມີຫົວຂໍ້ວ່າ"ຊົນເຜົ່າຮ້ອງເພງຢ່າງມ່ວນຊື່ນ" ເຊິ່ງຈັດຂຶ້ນຢູ່ເທດສະບານເມືອງ.
ທີ່ທ່ານພວມຟັງຢູ່ນີ້ແມ່ນອັດສຽງການເຄື່ອນໄຫວແຫ່ສະແດງໄປນຳທາງ"ຊົນເຜົ່າມ່ວນຊື່ນ" ທີ່ຈັດຂຶ້ນຢູ່ໃຈກາງເມືອງກຸ້ຍຢາງ.
1 2 3 4
|
|
|
