|
ບັນທຶກການເຄື່ອນໄຫວວັດທະນະທຳຊົນເຜົ່າມື້ອອກໃໝ່ 8 ຄ່ຳເດືອນສີ່ຈັນທະຄະຕິຈີນຢູ່ເມືອງກຸ້ຍຢາງ(ສຽງ)
cri
Author: mo
ພື້ນສືບກ່ຽວກັບມື້ອອກໃໝ່ 8 ຄ່ຳເດືອນສີ່ຈັນທະຄະຕິຈີນມີຫລາຍຢ່າງ, ສ່ວນຫລາຍແມ່ນເລົ່າລືກັນວ່າ, ວິລະຊົນເຜົ່າມົ້ງໃນສະໄໝບູຮານໄດ້ເສຍສະຫຼະໃນມື້ອອກໃໝ່ 8 ຄ່ຳເດືອນສີ່ຈັນທະຄະຕິຈີນ, ແລ້ວຖືກຝັງຢູ່ໃກ້ໃຈກາງເມືອງກຸ້ຍຢາງສູ່ມື້ນີ້, ເພື່ອລະລຶກວິລະຊົນຜູ້ນີ້, ເມື່ອຮອດວັນນີ້ຂອງແຕ່ລະປີ, ຊາວເຜົ່າມົ້ງກໍຈະເຕົ້າໂຮມກັນຢູ່ແຫ່ງນີ້, ສະແດງຄວາມ ໄວ້ອາໄລແລະສືບທອດໄປທຸກເຊັ່ນຄົນ. ຍ້ອນເມືອງກຸ້ຍຢາງແມ່ນເທດສະບານແຂວງທີ່ມີຫລາຍຊົນເຜົ່າຢູ່ຮ່ວມກັນ, ມີ 52 ຊົນເຜົ່າຄືເຜົ່າຮ້ານ ເຜົ່າມົ້ງ ເຜົ່າປູ້ອີ ເຜົ່າຈ້ວງ ເຜົ່າອີ, ເຜົ່າຖູເຈຍ, ແລະເຜົ່າເກີລາວເປັນຕົ້ນ, ລະຫວ່າງບັນດາຊົນເຜົ່າມີຄວາມຮັກແພງກັນດີ, ສະນັ້ນ, ມື້ອອກໃໝ່ 8 ຄ່ຳເດືອນສີ່ຈັນທະຄະຕິທີ່ເປັນວັນລະລຶກວິລະຊົນເຜົ່າມົ້ງໃນເບື້ອງຕົ້ນໄດ້ຄ່ອຍໆກາຍເປັນວັນບຸນຮ່ວມກັນຂອງບັນດາຊົນເຜົ່າສ່ວນໜ້ອຍຢູ່ເມືອງກຸ້ຍຢາງ, ປະຊາຊົນເຜົ່າຕ່າງໆທີ່ເຂົ້າຮ່ວມການເຄື່ອນໄຫວສະຫລອງມື້ບຸນດັ່ງກ່າວໃນແຕ່ລະປີມີເຖິງ 2 ແສນກວ່າຄົນ.
ການເຄື່ອນໄຫວສະຫລອງມື້ອອກໃໝ່ 8 ຄ່ຳເດືອນສີ່ຈັນທະຄະຕິຈີນຢູ່ເມືອງກຸ້ຍຢາງປີນີ້ຕ່າງກັບແຕ່ກ່ອນຫລາຍ, ໃນປີນີ້, ອົງການປົກຄອງເມືອງກຸ້ຍຢາງໄດ້ເພີ່ມການເຄື່ອນໄຫວຕ່າງໆຄືການປະກວດເຕັກນິກຊົນເຜົ່າພົນລະເມືອງ, ງານປະກວດຮ້ອງເພງພື້ນເມືອງຂອງຊົນເຜົ່າພື້ນເມືອງດັ້ງເດີມ, ການປະກວດນາງງາມຊົນເຜົ່າ, ແລະການຂໍບົດຄວາມ"ຂ້ອຍກັບຊົນເຜົ່າຂອງຂ້ອຍ"ເປັນຕົ້ນ, ທ່ານນາງສິນສຽວຊຸນ ເຈົ້າໜ້າທີ່ກົມວຽກງານຊົນເຜົ່າສາສະໜາເມືອງກຸ້ຍຢາງແນະນຳວ່າ:
ໃນການເຄື່ອນໄຫວປີນີ້, ພວກຂ້າພະເຈົ້າມີແນວຄິດປະດິດສ້າງຄືເຮັດໃຫ້ສິ່ງທັນສະໄໝເຊື່ອມໂຍງເຂົ້າກັນກັບສິ່ງດັ້ງເດີມ, ເຮັດໃຫ້ການສືບທອດວັດທະນະທຳຊົນເຜົ່າ, ປະສານກັນກັບການພັດທະນາໃນປັດຈຸບັນ. ຕົວຢ່າງຄື, ຈັດງານປະກວດເຕັກນິກພື້ນເມືອງຊົນເຜົ່າກໍແມ່ນຍ້ອນລັດເອົາໃຈໃສ່ນຳການສືບທອດແລະປົກປັກຮັກສາວັດທະນະທຳຊົນເຜົ່າ.
1 2 3 4
|
|
