|
ບັນທຶກການເຄື່ອນໄຫວວັດທະນະທຳຊົນເຜົ່າມື້ອອກໃໝ່ 8 ຄ່ຳເດືອນສີ່ຈັນທະຄະຕິຈີນຢູ່ເມືອງກຸ້ຍຢາງ(ສຽງ)
cri
Author: mo
ງານປະກວດຮ້ອງເພງພື້ນເມືອງຊົນເຜົ່າດັ້ງເດີມທີ່ຈັດຂຶ້ນໃນມື້ອອກໃໝ່ 8 ຄ່ຳເດືອນສີ່ຈັນທະຄະຕິເປັນຄັ້ງທຳອິດໃນປີນີ້, ໄດ້ສະໜອງເວທີໃຫ້ນັກຮ້ອງຜູ້ດີເດັ່ນພື້ນເມືອງ.
ທີ່ທ່ານພວມຟັງຢູ່ນີ້ແມ່ນເພງພື້ນເມືອງທີ່ຂັບຮ້ອງໂດຍນາງສາວເຜົ່າມົ້ງ 3 ຄົນ, ພວກເຂົາເຈົ້ານຸ່ງເສື້ອຊົນເຜົ່າທີ່ມີສີສົດໄສ, ຖືໄມ້ລາຍ, ທັງຮ້ອງເພງທັງຟ້ອນ. ສຽງເພງອັນດັ້ງເດີມແລະການຟ້ອນອັນມ່ວນຊື່ນຂອງພວກນາງ, ໄດ້ຮັບຄວາມຊົມເຊີຍຈາກຜູ້ຊົມທັງຫລາຍ, ແລະໄດ້ຮັບການຕີລາຄາສູງຈາກກຳມະການປະກວດ, ແລ້ວຊິງໄດ້ທີໜຶ່ງໃນງານຮ້ອງເພງ. ຫລັງຈາກງານປະກວດຮ້ອງເພງແລ້ວ, ທ່ານຈຽງເຢີນຊຸນ ຮອງຫົວໜ້າຄະນະສິລະປາກອນຊົນເຜົ່າແຂວງກຸ້ຍໂຈວໄດ້ໃຫ້ສຳພາດຕໍ່ນັກຂ່າວ, ທ່ານກ່າວວ່າ, ການຈັດງານປະກວດຮ້ອງເພງພື້ນເມືອງດັ້ງເດີມ, ມີຄວາມໝາຍອັນຕັ້ງໜ້າຕໍ່ການສືບທອດວັດທະນະທຳພື້ນເມືອງຂອງຊົນເຜົ່າ. ທ່ານເວົ້າວ່າ:
ຂ້າພະເຈົ້າແມ່ນເຮັດວຽກດົນຕີຊົນເຜົ່າ, ຂ້າພະເຈົ້າສົນໃຈທີ່ສຸດນຳການພັດທະນາຂອງດົນຕີຊົນເຜົ່າ. ສິ່ງດັ້ງເດີມຂອງແຂວງກຸ້ຍໂຈວໄດ້ປະເຊີນສະພາບຈະບໍ່ມີຜູ້ສືບທອດ, ຊາວໜຸ່ມປັດຈຸບັນສ່ວນຫລາຍເວົ້າພາສາຊົນເຜົ່າບໍ່ເປັນ. ຂ້າພະເຈົ້າຮູ້ສຶກວ່າ, ເມືອງກຸ້ຍຢາງເຮັດແນວນີ້ແມ່ນເລື່ອງທີ່ມີຄວາມໝາຍຫລາຍສົມຄວນ, ສາມາດເຮັດໃຫ້ມີຜູ້ສືບທອດໄດ້. ສະນັ້ນ, ມື້ນີ້ຂ້າພະເຈົ້າໄດ້ເຫັນນັກຮ້ອງເພງຂອງຊົນເຜົ່າດັ້ງເດີມ, ໂດຍສະເພາະແມ່ນເພງເຜົ່າມົ້ງດັ້ງເດີມທີ່ນາງສາວສາມຄົນຮ້ອງນັ້ນ, ຂ້າພະເຈົ້າຮູ້ສຶກດີໃຈທີ່ສຸດ. ຂ້າພະເຈົ້າເຫັນວ່າ, ເຮັດແນວນີ້ກໍສາມາດຄ່ອຍໆສືບທອດດົນຕີຊົນເຜົ່າໄດ້, ພວກຂ້າພະເຈົ້າມີແຕ່ສືບທອດໄດ້ດີແລ້ວ, ຈຶ່ງເວົ້າເຖິງການພັດທະນາໄດ້.
1 2 3 4
|
|
