|
ເຂດທະຫານຂອງກອງທະຫານເລກ731
ສົງຄາມເຊື້ອໂຣກທີ່ເຮັດໃຫ້ຄົນສະຫຍົດສະຫຍອງນັ້ນຕົ້ນຕໍແມ່ນກອງທະຫານຍີ່ປຸ່ນເລກ731ເປັນຜູ້ປະຕິບັດ.ກອງທະຫານເລກ731ມີທະຫານ3000ຄົນ,ສຳນັກງານໃຫຍ່ຕັ້ງຢູ່ນະຄອນຮາເອີປິ່ນ ແຂວງເຮີຍຫຼົງຈ່ຽງ ພາກຕາເວັນອອກສຽງເໜືອຂອງຈີນ.ຢູ່ແຫ່ງນັ້ນ,ກອງທະຫານຍີ່ປຸ່ນໄດ້ຈັດເອົາເຂດທີ່ມີບໍລິເວນກວ້າງ120ກິໂລແມັດມົນທົນເປັນເຂດການທະຫານພິເສດ,ກອງທະຫານເລກ731ກໍແມ່ນດຳເນີນການຄົ້ນຄວ້າແລະທົດລອງອາວຸດເຊື້ອໂຣກຢູ່ເຂດການທະຫານພິເສດແຫ່ງດັ່ງກ່າວ.
ຕຶກສຳນັກງານໃຫຍ່ຂອງກອງທະຫານເລກ731
ເພື່ອປົກປິດໂທດກຳທີ່ໂຫດຮ້າຍທາລຸນຂອງເຂົາ,ໃນເມື່ອກອງທະຫານຍີ່ປຸ່ນປະລາໄຊແລະໂຕນໜີ,ກອງທະຫານເລກ731ໄດ້ດຳເນີນການເຄື່ອນໄຫວທຳລາຍຢ່າງຂະໜາດໃຫຍ່ຕໍ່ເຂດການທະຫານພິເສດທີ່ກ່ຽວພັນເຖິງຄວາມລັບແກນກາງແຫ່ງຊາດຍີ່ປຸ່ນ.ແຕ່ວ່າສະຖານທີ່ຮ່ອງຮອຍສຳຄັນລວມ20ແຫ່ງຄືຕຶກສຳນັກງານໃຫຍ່,ຫ້ອງທົດລອງກ້າມຂອງກອງທະຫານເລກ731ເປັນຕົ້ນໄດ້ຖືກ ຮັກສາໄວ້,ແລະກາຍເປັນຫໍວາງສະແດງຫຼັກຖານພິຍານໂທດກຳຂອງກອງທະຫານເລກ731ຂອງກອງທະຫານຍີປຸ່ນຮຸກຮານຈີນໃນປັດຈຸບັນ.ຫໍວາງສະແດງໄດ້ວາງສະແດງວັດຖຸສິ່ງຂອງເປັນຈຳນວນຫຼວງຫຼາຍຂອງກອງທະຫານເລກ731ເຊັ່ນອາວຸດ,ເຄື່ອງມືລົງໂທດ,ເຄື່ອງໃຊ້ທົດລອງເຊື້ອໂຣກເປັນຕົ້ນ,ພ້ອມທັງຍັງໄດ້ຮັກສາຄຳໃຫ້ການຂອງນັກລົບເກົ່າຂອງກອງທະຫານເລກ731ຫຼາຍສິບຄົນກ່ຽວກັບໂທດກຳທີ່ຕົນສ້າງຂຶ້ນໃນເມື່ອກ່ອນ.
ຫ້ອງໝໍ້ຜະລິດອາວຸດເຊື້ອໂຣກຂອງກອງທະຫານເລກ731ຂອງກອງທະຫານຍີ່ປຸ່ນ
1 2 3 4 5 6 7 8
|
