|
ໝີ່ດຶງລານໂຈ່ວ ແຊບຫຼາຍ,ແຕ່ວິທີເຮັດພັດບໍ່ແມ່ນງ່າຍ.ຂໍຍົກເອົາແກງຊີ້ນງົວເປັນຕົວຢ່າງ,ການຕົ້ມແກງຊີ້ນງົວຕ້ອງການເຄື່ອງປຸງຫຼາຍສິບຊະນິດ,ຕົວຢ່າງຄືຊີ້ນງົວ,ກະດູກງົວ,ໝາກແຄນເປັນຕົ້ນ.ແກງຊີ້ນງົວແມ່ນສີສັນພິເສດຂອງບັນດາຮ້ານຂາຍໝີ່ໃນນະຄອນລານໂຈ່ວ,ໃນຮ້າຍຂາຍໝີ່ຕ່າງກັນ, ແກງກໍມີລົດຕ່າງກັນຫຼາຍ.ນີ້ກໍຍ້ອນວ່າໃຊ້ວັດຖຸດິບແລະເຄື່ອງປຸງຕ່າງກັນ,ສະນັ້ນຈິ່ງມີລົດຊາດຕ່າງກັນ.
ຮ້ານຂາຍໝີ່ດຶງໃສ່ຊີ້ນງົວທີ່ມີຊື່ສຽງບາງຮ້ານ,ເພື່ອຮັກສາລົດຊາດພິເສດ ແກງຊີ້ນງົວຂອງຮ້ານຕົນ,ຕຳລາເຄື່ອງປຸງໃສ່ແກງເດັດຂາດຈະບໍ່ເຜີຍໃຫ້ຜູ້ອື່ນຮູ້.ທ່ານສືເຟິງໄດ້ຮູ້ຈັກກັບ ຊ່າງດຶງໝີ່ຜູ້ໜຶ່ງຊື່ວ່າຫາວຢຽນສື,ລາວໄດ້ເຮັດວຽກໃນຂະແໜງການດຶງໝີ່ເປັນເວລາ20ກວ່າປີແລ້ວ.ສີມືຕົ້ມແກງຂອງທ່ານແມ່ນສືບທອດຈາກປູ່ຍ່າຕາຍາຍ.ທ່ານຫາວຢຽນສືເວົ້າວ່າ:ນອກຈາກແກງຊີ້ນງົວທີ່ເຮັດຕາມຕຳລາທີ່ສືບທອດມາຈາກບັນພະບູລຸດແລ້ວ,ເຕັກນິກດຶງໝີ່ເປັນແນວໃດນັ້ນກໍຕ້ອງອາໃສຕົນໄປເຝິກແອບ.ທ່ານເວົ້າວ່າ:"ກ່ອນອື່ນ,ຕ້ອງຄັ້ນແປ້ງໝີ່ໃຫ້ດີ,ສອງ,ໃນເວລາດຶງໝີ່,ຕ້ອງມີເຕັກນິກສູງ,ການດຶງໝີ່ແມ່ນເຕັກນິກຊະນິດໜຶ່ງ,ຊ່າງດຶງໝີ່ຜູ້ໜຶ່ງ,ຢ່າງໜ້ອຍຕ້ອງຮຽນເຕັກນິກດຶງໝີ່ເປັນເວລາ1ປີປາຍຈິ່ງດຶງໄດ້."
ທ່ານຫາວຢຽນສືໄດ້ສະແດງການດຶງໝີ່ໃຫ້ນັກຂ່າວເບິ່ງ.ກ້ອນແປ້ງໝີ່ກ້ອນໜຶ່ງທີ່ໃຫຍ່ຊ່ຳຖ້ວຍ,ທ່ານໄດ້ດຶງໃຫ້ຍາວສົມຄວນ,ແລ້ວທົບກັນເປັນສອງເສັ້ນ,ສີ່ເສັ້ນ,ດຶງໄປດຶງມາກໍເຮັດໃຫ້ເສັ້ນໝີ່ເພີ່ມຂຶ້ນເປັນເທົ່າໆ.ໃນຂະນະນັ້ນ,ຕ້ອງທັງດຶງທັງແກວ່ງໄປມາ,ບຶດໜຶ່ງກ້ອນແປ້ງກໍໄດ້ເຮັດເປັນເສັ້ນໝີ່ທີ່ ສະໝ່ຳສະເໝີກັນ.ໝີ່ດຶງມີຫຼາຍຊະນິດ,ມີເສັ້ນແປ,ເສັ້ນກົມ,ມີເສັ້ນຫຶກ,ເສັ້ນແລບ,ເສັ້ນໃຫຍ່ໃຫຍ່ຄືສາຍແອວ,ເສັ້ນແລບໆຄືເສັ້ນຜົມ.
1 2 3
|
