|
|
 |
| (GMT+08:00)
2005-12-07 16:10:07
|
 |
|
[ເລົາປີ]
cri
Author: mo
|
ຕະຫລອດຊີວິດຂອງເລົາປີເຕັມໄປດ້ວຍສີສັນອັດສະຈັນ, ຢູ່ຕາມພື້ນເມືອງມີເລື່ອງເລົ່າລືກັນກ່ຽວກັບເລົາປີຢ່າງຫລວງຫລາຍ.
ຕາມເລົ່າລືກັນວ່າ, ກ່ອນເລົາປີນຳພາທະຫານລຸກຮືຂຶ້ນ, ໄດ້ຮູ້ຈັກກັບກວນອູແລະຈ່າງເຟີ່ຍ, ສາມຄົນລົງຮອຍກັນຫລາຍ, ແລະຮັກແພງກັນ, ແລ້ວແຮກເປັນອ້າຍນ້ອງກັນຢູ່ສວນໝາກຄາຍ, ປະຕິຍານຕົວວ່າ ຈະຮ່ວມເປັນຮ່ວມຕາຍຕະຫລອດຊີວິດ.ແຕ່ນັ້ນມາ, ເລົາປີ, ກວນອູແລະຈ່າງເຟີ່ຍຈົກອົກຈົກໃຈໃສ່ກັນ, ຢູ່ນຳກັນຕະຫລອດຊີວິດ. ໃນການສູ້ລົບເທື່ອໜຶ່ງ, ກວນອູກັບເລົາປີຫຼົງກັນໄປຄົນລະທາງ, ເລີຍໄປຂໍເພິ່ງຄ້າຍທະຫານໂຈໂສທີ່ມີກຳລັງແຂງແຮງ. ໂຈໂສຊົມເຊີຍຄວາມສາມາດຂອງກວນອູຫລາຍ, ຈຶ່ງຊອກວິທີຢາກໃຫ້ກວນອູຢູ່ນຳ. ແຕ່ກວນອູບໍ່ລືມເລົາປີຈັກເທື່ອ, ສຸດທ້າຍເຂົາໄດ້ໜີຈາກຄ້າຍໂຈໂສ, ຂີ່ມ້າໄກແສນໄກຜູ້ດຽວ, ບຸກຜ່ານດ່ານຫລາຍດ່ານ, ຂ້າຟັນທະຫານມ້າທີ່ຂັດຂວາງເຂົາຈົນນັບບໍ່ຖ້ວນ, ແລ້ວກັບຄືນເມືອຫາເລົາປີທີ່ມີກຳລັງບອບບາງ. ພາຍຫລັງເລົາປີສ້າງຕັ້ງເມືອງສູຂຶ້ນແລ້ວ, ກວນອູຖືກນາຍທະຫານເມືອງອູຂ້າຕາຍ, ຈັ່ງເຟີຍກໍຖືກຂ້າຕາມທາງທີ່ໄປແກ້ແຄ້ນ, ເລົາປີເຈັບແຄ້ນແໜ້ນໃຈທີ່ສຸດ, ເລີຍຍົກທັບໄປຕີເມືອງອູຢ່າງບໍ່ຄຶດໜ້າຄຶດຫລັງ, ແລ້ວໄດ້ຜ່າຍແພ້ໝົດກອງທັບ. ບໍ່ດົນ, ເລົາປີຕາຍຍ້ອນເຈັບປ່ວຍ. ຄວາມຮັກແພງກັນແບບຮ່ວມເປັນຮ່ວມຕາຍລະຫວ່າງສາມຄົນຄືເລົາປີ ກວນອູແລະຈ່າງເຟີຍຖືກຖືເປັນເລື່ອງຈົບເລື່ອງງາມໃນປະຫວັດສາດ, ແລະເລົ່າລືກັນຈົນຮອດຊູ່ມື້ນີ້, ຄົນທັງຫລາຍຍັງມັກໃຊ້ຄຳສັບທີ່ວ່າ"ແຮກສ່ຽວຢູ່ສວນໝາກຄາຍ"ມາວາດພາບຄວາມຮັກແພງກັນຕະຫລອດຊີວິດລະຫວ່າງຜູ້ຊາຍ.
ເລື່ອງ"ເຊີນຂົງເບັ້ງສາມເທື່ອຢູ່ເຮືອນມຸ້ງຫຍ້າ"ກໍແມ່ນເລື່ອງທີ່ມີຊື່ສຽງທີ່ສຸດ. ເລົາປີມີອຸດົມຄະຕິຍິ່ງໃຫຍ່, ແຕ່ບໍ່ມີອິດທິກຳລັງພຽງພໍໂດຍຕະຫລອດ, ເລີຍພັດເຊພະເນຈອນໄປທຸກແຫ່ງຫົນ, ໃນເວລານັ້ນ, ມີຄົນແນະນຳໃຫ້ເລົາປີຮູ້ຈັກກັບຂົງເບັ້ງ ຜູ້ມີປັນຍາວິເສດດ້ານການທະຫານທີ່ເກັບຕົວຢູ່ເທິງພູ. ເວລານັ້ນພໍດີຖືກລະດູໜາວ, ເລົາປີໄດ້ແຂ່ງອາກາດໜາວຈັດໄປຢາມຊາວໜຸ່ມຜູ້ມີອາຍຸອ່ອນກວ່າຕົນເອງ 20 ປີຜູ້ນີ້, ແຕ່ຂົງເບັ້ງພັດຫຼົບຕົວບໍ່ອອກມາພົບ, ເລົາປີບໍ່ຢ້ານເມື່ອຍ, ໄປຢາມຕັ້ງ 3 ເທື່ອລຽນຕິດ, ຍ້ອນຄວາມຈິງໃຈຂອງເລົາປີ, ໃນທີ່ສຸດ, ຂົງເບັ້ງໄດ້ອອກມາຮ່ວມງານ, ແລະໄດ້ຖືກແຕ່ງຕັ້ງເປັນທີ່ປຶກສາການທະຫານ. ພາຍໃຕ້ຄວາມຊ່ອຍເຫຼືອຢ່າງສຸດອົກສຸດໃຈຂອງຂົງເບັ້ງ, ເລົາປີໄດ້ຫັນປ່ຽນສະຖານະການ, ໃນທີ່ສຸດ, ໄດ້ຂຶ້ນຄອງລາຊະບັນລັງ, ເລື່ອງ"ເຊີນຂົງເບັ້ງສາມເທື່ອຢູ່ເຮືອນມຸງຫຍ້າ"ໄດ້ກາຍເປັນຄຳສຸພາສິດສະແດງເຖິງການຊອກຫາຜູ້ເກັ່ງກ້າສາມາດ, ເຊື້ອເຊີນຜູ້ອື່ນດ້ວຍຄວາມຈິງໃຈ.
1 2 3
|
|
|
