|
|
 |
| (GMT+08:00)
2005-12-07 16:10:07
|
 |
|
[ເລົາປີ]
cri
Author: mo
 ທ້າຍສະໄໝລາຊະວົງຕົ່ງຮ້ານ, ໃນການສູ້ລົບວຸ້ນວາຍ, ອິດທິກຳລັງຕ່າງໆບາງທີຮ່ວມສຳພັນກັນ, ບາງທີເປັນສັດຕູຕໍ່ກັນ. ເລົາປີຕົກຢູ່ໃນທ່າອ່ອນ, ຈຶ່ງຕ້ອງອາໄສຂຸນເສິກອື່ນເລື້ອຍໆ, ເລົາປີມີໃຈສຸຂົມຮອບຄອບ, ຊ່າງເຊື່ອງອາລົມແລະປົກປ້ອງຕົນເອງ. ເລື່ອງ"ອຸ່ນເຫຼົ້າວິຈານວິລະຊົນ" ກໍໄດ້ສະແດງໃຫ້ເຫັນຈຸດນີ້ເປັນຢ່າງດີ. ໃນຄາວນັ້ນ, ເລົາປີເຂົ້າເພິ່ງໂຈໂສ, ໂຈໂສຂະໜາບເຈົ້າຊີວິດ, ແລະກຳອຳນາດການເມືອງຂອງລາຊະສຳນັກ, ຂຶງຂັງມັງມໍ ທັງມັກສົງໄສຄົນ. ເລົາປີເຮັດຕາງຕິເປັນຄົນໂງ່, ປູກຜັກຢູ່ໃນສວນທຸກມື້. ມີເທື່ອໜຶ່ງ, ໂຈໂສຢາກລອງໃຈເຂົາ, ເລີຍເຊີນເລົາປີມາກິນເຫຼົ້ານຳ, ສອງຄົນນັ່ງອຸ່ນເຫຼົ້າຢູ່ຂ້າງໄຟ, ທັງລົມກັນໄປນຳ, ໂຈໂສເວົ້າຂຶ້ນກະທັນຫັນວ່າ, "ຂ້ອຍຄິດວ່າ, ໃນໂລກນີ້ຜູ້ນັບວ່າເປັນວິລະຊົນໄດ້ນັ້ນກໍມີແຕ່ເຈົ້າກັບຂ້ອຍສອງຄົນທໍ່ນີ້ແລ້ວ." ເລົາປີຕົກໃຈໝົດແຮງ, ຈົນໄມ້ຖູ່ຫລຸດມື, ເວລານີ້, ພໍດີຟ້າຜ່າ, ເລົາປີຈຶ່ງຕາງຕິເວົ້າວ່າໂຕເອງຕື່ນສຽງຟ້າຜ່າຈົນໄມ້ຖູ່ຫລຸດມື, ໂຈໂສຄິດວ່າ ເລົາປີເປັນຄົນຂີ້ຢ້ານ ຈຶ່ງເຊົາລະວັງເຂົາ.
ແມ່ນແທ້, ໃນປະຫວັດສາດກໍມີຄົນເຫັນວ່າ, ເລົາປີເປັນຄົນເມດຕາ, ໂອບອ້ອມອາລີ, ຊື່ສັດແລະມີສັດທາ, ເຄົາລົບໂອບອ້ອມນັກປາດລາຊະບັນດິດ, ຮ່ວມທຸກຮ່ວມສຸກກັບລູກນ້ອງ, ມີສະເໜພິເສດທາງບຸກຄະລິກ, ຖືກໃຈລູກນ້ອງທີ່ສຸດ, ລູກນ້ອງຈຶ່ງຈົງຮັກພັກດີນຳຈົນຕາຍກໍບໍ່ປ່ຽນແປງ, ນາຍກັບລູກນ້ອງສາມັກຄີເປັນນ້ຳໜຶ່ງໃຈດຽວກັນ, ໃນທີ່ສຸດເລົາປີຈຶ່ງໄດ້ສ້າງອຳນາດການປົກຄອງຂຶ້ນ.
1 2 3
|
|
|
