|
ສະບາຍດີທ່ານຜູ້ຟັງທີ່ເຄົາລົບ, ໃນ 100 ປີທີ່ຜ່ານມາ, ມວນມະນຸດໄດ້ຜ່ານການປ່ຽນແປງຢ່າງຫຼວງຫຼາຍຍ້ອນຄວາມກ້າວໜ້າ ດ້ານວິທະຍາສາດນຳມາໃຫ້ມະນຸດ. ໃນປັດຈຸບັນ, ເດັກນ້ອຍ 14 ປີລົງລຸ່ມ, ບໍ່ມີຜູ້ໃດບໍ່ເຄີຍໄດ້ຍິນມືຖື; e-mail ແລະຂໍ້ຄວາມສັ້ນຂອງມືຖືໄດ້ເຂົ້າແທນຈົດໝາຍ, ກາຍເປັນພາຫະນະທີ່ວ່ອງໄວແລະສະດວກສຳລັບຄົນທັງຫຼາຍແລກປ່ຽນຄວາມເຫັນເຊິ່ງກັນແລະກັນ. ແຕ່ວ່າ, ອາຍຸຍິ່ງແກ່, ຍິ່ງໄປບໍ່ທັນບາດກ້າວຄວາມກ້າວໜ້າຂອງວິທະຍາສາດເຕັກນິກ. ມື້ນີ້, ພວກເຮົາກໍ່ມາລົມເລື່ອງການປະດິດສ້າງດ້ານວິທະຍາສາດເຕັກນິກທີ່ມີຜົນສະທ້ອນຕໍ່ຊີວິດຄົນເຮົາ.
ຄຽງຄູ່ກັບການພັດທະນາຂອງວິທະຍາສາດເຕັກນິກແລະການເຜີຍແຜ່ຄອມພິວເຕີໃ ຫ້ທົ່ວເຖິງກັນ, ຄອມພິວເຕີໄດ້ກາຍເປັນເຄື່ອງໃຊ້ສອຍອັນຈຳເປັນຂອງຄອບຄົວແລ້ວ, ໃນຊີວິດການເປັນຢູ່ຂອງມວນຊົນກໍນັບມື້ນັບຂາດຄອມພິວເຕີບໍ່ໄດ້. ຄອມພິວເຕີໃນເບື້ອງຕົ້ນແມ່ນຄອມພິວເຕີຂະໜາດໃຫຍ່, ເປັນສິ່ງທີ່ມີຄົນຮູ້ໜ້ອຍ, ໃຊ້ສະເພາະແຕ່ວຽກງານວິຊາສະເພາະ, ຕົ້ນຕໍໃຊ້ເຂົ້າໃນອຸດສາຫະກຳຜະລິດແລະການຂົນສົ່ງເປັນຕົ້ນ, ລາຄາແພງຫຼາຍ. ສ່ວນຄອມພິວເຕີຂະໜາດນ້ອຍທີ່ສ່ວນຕົວບຸກຄົນຊື້ໄດ້ນັ້ນໄດ້ປະກົດຕົວໃນຊຸມປີ 70 ສະຕະວັດທີ 20. ຄອມພິວເຕີທີ່ສ່ວນຕົວບຸກຄົນໃຊ້ໃນປັດຈຸບັນໄດ້ມີການປ່ຽນຮຸ່ນໃໝ່ເລື້ອຍໆ, ຄອມພິວເຕີກໍຍິ່ງໄດ້ຮັບຄວາມຊົມເຊີຍຍ້ອນມີອິນເຕີເນັດ.
1 2 3 4
|
