|
  
ດາວທຽມໄດ້ກຳເນີດຂຶ້ນຢູ່ໃຕູ້ເບື້ອງຫຼັງທີ່ອາເມລິກາແລະໂຊວຽດຍາດກັນເປັນເຈົ້າອຳນາດ, ແມ່ນໂຊວຽດເປັນຜູ້ຄົ້ນຄວ້າຜະລິດແລະຍິງສົ່ງຂຶ້ນຢ່າງສຳເລັດຜົນໃນວັນທີ 4 ຕຸລາປີ 1957. ປັດຈຸບັນ, ດາວທຽມທີ່ບັນດາປະເທດໃນໂລກຍິງສົ່ງຂຶ້ນຢ່າງຕໍ່ເນື່ອງກັນນັ້ນໄດ້ກາຍເປັນຜູ້ຊ່ອຍວຽກທີ່ດີໃນຊີວິດການເປັນຢູ່ຂອງມະນຸດແລ້ວ. ຂ່າວສາກົນທີ່ຄົນທັງຫຼາຍໄດ້ເບິ່ງໃນໂທລະພາບໃນທຸກໆຄ່ຳຄືນນັ້ນກໍແມ່ນສົ່ງຕໍ່ດ້ວຍດຽວທຽມ; ການພະຍາກອນອາກາດກໍມີຂໍ້ມູນອຸຕຸນິຍົມທີ່ດຽວທຽມຢັ່ງແທກໄດ້. ຄົນເຮົາສາມາດໂທລະສັບຫາພີ່ນ້ອງທີ່ຢູ່ຄົນລະຟາກມະຫາສະໝຸດ, ກວດພະຍາດໃຫ້ຄົນເຈັບທີ່ຢູ່ໄກແສນໄກ, ຊີ້ທິດນຳທາງໃຫ້ກ່ຳປັ່ນເທິງທະເລ, ທັງໝົດເຫຼົ່ານີ້ລ້ວນແຕ່ແມ່ນຍ້ອນມີເຕັກນິກອະວະກາດ. ສ່ວນດາວທຽມໜ້າດິນ, ແຮ່ງມີຄວາມສາມາດໃນຫຼາຍດ້ານ, ມັນສາມາດສຳຫ ລວດບໍ່ແຮ່ແລະນ້ຳມັນເຊື້ອໄຟ, ພະຍາກອນໄພນ້ຳຖ້ວມ, ວັດແທກໄຟໄໝ້ປ່າ, ປະເມີນຜົນຜະລິດທັນຍາຫານ, ປະກົດເຫັນສັດຕູພືດເປັນຕົ້ນ. ແຕ່ລະປີ, ສາມາດນຳເອົາຊັບສົມບັດຫຼາຍຕື້ໂດລາໃຫ້ແກ່ມວນມະນຸດ. ພາຍຫຼັງດາວທຽມອຸຕຸນິຍົມປະຍຸກຂຶ້ນສູ່ທ້ອງຟ້າມານີ້, ບໍ່ເຄີຍພະຍາກອນລົມໄຕ້ຝຸ່ນຜິດພາດຈັກເທື່ອ, ແຕ່ລະປີ, ໄດ້ສ້າງຜົນກຳໄລທີ່ຄິດໄລ່ໂດຍກົງໄດ້ເຖິງ 170 ລ້ານໂດລາຂຶ້ນໄປ, ໄດ້ຫຼີກເວັ້ນຄວາມເສຍຫາຍດ້ານຊີວິດແລະຊັບສົມບັດຍິ່ງນັບບໍ່ຖ້ວນ.
ເຊັ່ນດຽວກັນ, ການປະດິດສ້າງເຂົ້ານານ້ຳປະສົມພັນກໍໄດ້ນຳເອົາການປ່ຽນແປງທີ່ມີລັກສະນະປະຕິວັດມາໃຫ້ແກ່ການປູກເຂົ້ານານ້ຳ. ເຂົ້ານານ້ຳປະສົມພັນທີ່ປູກໄດ້ໂດຍທົ່ວໄປທີ່ທ່ານຢວນຫຼົງພິງ ນັກວິທະຍາສາດຈີນຄົ້ນຄວ້າພັດທະນາຢ່າງສຳເລັດຜົນເປັນຄົນທຳອິດໃນໂລກນັ້ນ ໄດ້ຍົກຜົນຜະລິດເຂົ້ານາ ນ້ຳໃຫ້ສູງຂຶ້ນຢ່າງຫຼວງຫຼາຍ. ດ.ຣ.ໂຈນສ໌ ທີ່ມາຈາກການາໄດ້ຜ່ານຈາກການປະສົມພັນເຂົ້ານານ້ຳຂອງອາຊີແລະອາຟຼິກາ, ເຮັດໃຫ້ເຂົ້ານານ້ຳອາຟຼິກາທີ່ເກົ່າແກ່ບູຮານໄດ້ຮັບການດັດແປງພັນທຸກຳ, ໃນຂະນະທີ່ໄດ້ຍົກຜົນຜະລິດໃຫ້ສູງຂຶ້ນຢ່າງຫຼວງຫຼາຍນັ້ນ, ກໍ່ໄດ້ສ້າງຄວາມຫວັງໃຫ້ແກ່ຊາວນາອາຟຼິກາທີ່ທຸກຍາກຫຼາຍລ້ານຄົນ.
ເອົາລະ, ທ່ານຜູ້ຟັງທີ່ເຄົາລົບ, ທີ່ຟັງມານັ້ນແມ່ນສະເໜີການປະດິດສ້າງວິທະຍາສາດເຕັກນິກທີ່ມີຜົນສະທ້ອນຕໍ່ຊີວິດການເປັນຢູ່. ລາຍການວາລະສານຊີວິດຂໍຈົບລົງທໍ່ນີ້, ສະບາຍດີ.
1 2 3 4
|
