|
 ຜູ້ຊ່ຽວຊານຜູ້ນີ້ໄດ້ວິໄຈມູນເຫດທີ່ພາໃຫ້ເກີດມີປະກົດການດັ່ງກ່າວນີ້, ທ່ານເວົ້າວ່າ, ອາຫານຂອງໄທເມືອງຈີນສ່ວນຫຼາຍມັກກິນອາຫານປະເພດພືດ, ກິນອາຫານປະເພດຊີ້ນສັດທີ່ມີທາດແຮ່ຫຼາຍນັ້ນໜ້ອຍ, ນີ້ເຮັດໃຫ້ບໍ່ວ່າໄທເມືອງຫຼືຊາວຊົນນະບົດລ້ວນແຕ່ຮັບເອົາທາດບຳລຸງເຊັ່ນທາດການຊຽມ ທາດເຫຼັກ ທາດສັງກະສີ ວີຕາມິນA ແລະວີຕາມິນB2 ເປັນຕົ້ນອ່າວໜ້ອຍ. ອີກດ້ານໜຶ່ງ, ການປູງແຕ່ງອາຫານລະອຽດເກີນໄປກໍໄດ້ເຮັດໃຫ້ທາດບຳລຸງເສຍຫາຍ. ນອກນີ້, ການຂາດຄວາມຮູ້ກ່ຽວກັບທາດບຳລຸງ, ບໍ່ຮູ້ຈັກປະສົມອາຫານການກິນຢ່າງສົມເຫດສົມຜົນນັ້ນກໍແມ່ນມູນເຫດສຳຄັນອີກອັນໜຶ່ງທີ່ເຮັດໃຫ້ຄົນຈີນມີສະພາບທາດບຳລຸງບໍ່ດີ.
ເມື່ອ10ປີກ່ອນ, ພາຍໃຕ້ການຊຸກຍູ້ຈາກນັກໂພດຊະນາການຈຳນວນໜຶ່ງ, ການເຄື່ອນໄຫວທີ່ມີຈຸດປະສົງປ່ຽນແປງສະພາບທາດບຳລຸງຂອງນັກຮຽນມັດທະຍົມແລະປະຖົມນັ້ນໄດ້ດຳເນີນຢູ່ຈີນຢ່າງເປັນລຳດັບ. ປີ 2001, ລັດຖະບານຈີນໄດ້ສ້າງສູນທາດບຳລຸງແລະການພັດທະນາສາທາລະນະຊົນແຫ່ງຊາດຈີນໂດຍຈຳເພາະ, ຮັບຜິດຊອບດຳເນີນການເຄື່ອນໄຫວທີ່ກ່ຽວຂ້ອງກັບການຊຸກຍູ້ກ ານປົວແປງທາດບຳລຸງຂອງສາທາລະນະຊົນໃຫ້ດີຂຶ້ນ. ໂດຍແນໃສ່ບັນຫາທີ່ໄທເມືອງຈີນຂາດທາດບຳລົງຈູນລະສານ, ສູນດັ່ງກ່າວໄດ້ຖອດຖອນເອົາວິທີອາຫານເສີມທີ່ຫຼາຍປະເທດໃນໂລກມັກໃຊ້ໂດຍທົ່ວໄປໃນປັດຈຸບັນ ມາປົວແປງສະພາບທາດບຳລຸງຂອງສາທາລະນະຊົນຈີນ. ອັນທີ່ວ່າອາຫານເສີມ, ກໍແມ່ນເພີ່ມທາດບຳລຸງຈູນລະສານເຂົ້າໃນອາຫານຕົ້ນຕໍເຊັ່ນແປ້ງເຂົ້າບະເລ ເຂົ້າສານ ແລະນ້ຳມັນກິນເປັນຕົ້ນ, ເຮັດໃຫ້ໄທເມືອງອັນໄພສານໄດ້ຮັບເອົາຈູນລະສານທີ່ຮ່າງກາຍຕ້ອງການໃນແຕ່ລະມື້ນັ້ນຢ່າງສະດວກແລະປອດໄພດ້ວຍຕົ້ນທຶນອ່າວຕ່ຳ.
1 2 3
|
