|
ຝູງຄົນຈີນທີ່ມັກໃຊ້ຄອມພິວເຕີຕິດໃຈນຳ USB disk(ສຽງ)
cri
Author: MO
ທ່ານລິວອີ ທີ່ເຮັດວຽກຢູ່ບໍລິສັດຄອບພິວເຕີແຫ່ງໜຶ່ງຂອງປັກກິ່ງຍັງຈື່ໄດ້ວ່າ soft disk ໄດ້ນຳເອົາຄວາມຫຍຸ້ງຍາກມາໃຫ້ວຽກງານຂອງທ່ານ. ທ່ານເວົ້າວ່າ, 
ຖ້າໃຊ້ soft disk, ສະສົມຂໍ້ມູນໜ້ອຍດຽວກໍເຕັມແລ້ວ, ຖ້າຢາກສະສົມຂໍ້ມູນອື່ນໆ, ກໍຈຳເປັນຕ້ອງລືບອັນເກົ່າອອກ. ບາງເທື່ອ, ຖ້າໃນ soft disk ແມ່ນເອກະສານທີ່ສຳຄັນ, ກໍລືບບໍ່ໄດ້, ເວລານັ້ນກໍຮູ້ສຶກລຳຄານຫຼາຍ.
ເພື່ອກຳຈັດບັນຫາທີ່ soft disk ບັນຈຸບໍ່ໄດ້ຫຼາຍ, ຄົນທັງຫຼາຍມັກມີ soft disk ຫຼາຍແຜ່ນ, ແຕ່ການສະສົມ ແລະຊອກຫາ soft disk ກໍແມ່ນເລື່ອງລຳຄານໃຈອີກເລື່ອງໜຶ່ງ. ນອກນີ້, ຄຸນນະພາບຂອງ soft disk ກໍບໍ່ໝັ້ນທ່ຽງປານໃດ, ຖ້າບໍ່ລະວັງແດ່, ເຮັດໃຫ້ soft disk ຕົກໃສ່ພື້ນ, ຫຼືຖືກຂອງອື່ນທັບໃສ່, soft disk ກໍມັກເພງ່າຍ.
ທ່ານຝານມິງແມ່ນອາຈານສອນຢູ່ມະຫາວິທະຍາໄລຄົມມະນາຄົມປັກກິ່ງ, ທ່ານເວົ້າວ່າ:
USB disk ແມ່ນຜູ້ຊ່ອຍວຽກທີ່ດີຂອງຂ້າພະເຈົ້າທີ່ຂາດເຂີນບໍ່ໄດ້ໃນຊີວິດປະຈຳ ວັນ, ຂ້າພະເຈົ້າຮູ້ສຶກວ່າ, ມັນມີຈຸດດີຫຼາຍຢ່າງຄື, ໜຶ່ງ, ມັນສາມາດສະສົມໄດ້ຫຼາຍ, ຂໍ້ນີ້ແມ່ນເໝາະໃຊ້ທີ່ສຸດ; ອີກດ້ານໜຶ່ງ, ຂ້າພະເຈົ້າຮູ້ສຶກວ່າ, ມັນປອດໄພຫຼາຍແລະໝັ້ນທ່ຽງຫຼາຍ.
ທ່ານຝານມິງຍັງເລົ່າເລື່ອງໜຶ່ງໃຫ້ນັກຂ່າວຟັງ. ທ່ານເວົ້າວ່າ, ມີເທື່ອໜຶ່ງ, ລາວບໍ່ລະວັງ, ເຮັດໃຫ້ USB disk ຕົກໃສ່ນ້ຳ, ລາວຕົກໃຈຫຼາຍ, ເປັນຫ່ວງທີ່ສຸດ, ຢ້ານເອກະສານການສອນແລະບົດນິພົນສະບັບຮ່າງທີ່ຍັງບໍ່ທັນຂຽນແລ້ວນັ້ນຈະຖືກທຳລາຍໝົດ. ແຕ່ເມື່ອລາວເຊັດ USB disk ໃຫ້ແຫ້ງ, ແລ້ວສຽບໃສ່ຄອມພິມເຕີ, ລາວປະກົດເຫັນວ່າ, USB disk ຍັງດີຄືເກົ່າ, ບໍ່ໄດ້ຖືກທຳລາຍ.
1 2 3
|
|
