|
ຝູງຄົນຈີນທີ່ມັກໃຊ້ຄອມພິວເຕີຕິດໃຈນຳ USB disk(ສຽງ)
cri
Author: MO
ກໍແມ່ນຍ້ອນ USB disk ມີຈຸດດີເຫຼົ່ານີ້, ຢູ່ຈີນໃນປະຈຸບັນ, USB disk ໄດ້ເຂົ້າແທນ soft disk ໃນຂັ້ນພື້ນຖານແລ້ວ. ປັດຈຸບັນ, ຄອມພິວເຕີທີ່ຫຼາຍໆໂຮງງານຜະລິດຄອມພິວເຕີຂອງໂລກເປັນຜູ້ຜະລິດ, ໂດຍສະເພາະແມ່ນຄອມພິວເຕີມືຖື, ບໍ່ມີ soft disk driver ອີກແລ້ວ, ທັງຍົກເລີກບ່ອນສຽບ soft disk ອີກດ້ວຍ. ຕາມແນະນຳວ່າ, ພຽງແຕ່ລາຍນີ້ລາຍດຽວກໍສາມາດປະຢັດຕົ້ນທຶນເກືອບ 100 ຢວນໃຫ້ແກ່ຄອບພິວເຕີແຕ່ລະເຄື່ອງ, ພ້ອມທັງເຮັດໃຫ້ຄອມພິມເຕີເບົາຂຶ້ນແລະຖືສະດວກ. ອາດເວົ້າໄດ້ວ່າ, USB disk ຕົວນ້ອຍໆນີ້ໄດ້ສະເທື່ອນຕະຫຼາດຄອມພິວເຕີຂອງໂລກ.
ບໍລິສັດວິທະຍາສາດເຕັກນິກລາງເຄີເສີນເຈິ້ນຈີນຈຳກັດໄດ້ນຳເອົາ USB disk ໄປວາງຈຳໜ່າຍຢູ່ຕະຫຼາດເປັນຄັ້ງທຳອິດແມ່ນໃນູປີ 2000. ຫຼັງຈາກນັ້ນສອງປີ, USB disk ຈຶ່ງເລີ່ມຖືກຮັບຮູ້ຈາກຄົນທັງຫຼາຍູ. ແຕ່ນັ້ນມາ, ຫຼາຍວິສາຫະກິດຂອງຈີນແລະຂອງໂລກໄດ້ນຳຜະລິດຕະພັນທີ່ກ່ຽວຂ້ອງອອກຈຳໜ່າຍ, USB disk ໄດ້ເຂົ້າສູ່ຊີວິດການເປັນຢູ່ຂອງສາມັນຊົນເທື່ອລະກ້າວ.
ປັດຈຸບັນ, USB disk ໃນຕະຫຼາດບໍ່ຈຳກັດແຕ່ຮູບກັບໄຟແບບດັ້ງເດີມອີກແລ້ວ, ອາດເວົ້າໄດ້ວ່າ, ມີຫຼາຍສີຫຼາຍສັນ, ແລະມີມາກມາຍຫຼາຍຊະນິດ. ຢູ່ຫ້ອງການ, ໂຮງຮຽນມະຫາວິທະຍາໄລ, ພວກເຮົາມັກເຫັນມີຄົນຈຳນວນໜຶ່ງເອົາເຊືອກມັດ USB disk, ແລ້ວຫ້ອຍໃສ່ຄໍ, ໂຕ໋ງເຕ໋ງຢູ່ໜ້າເອິກ. USB disk ທີ່ມີຫຼາຍສີຫຼາຍສັນທັງເຫຼື້ອມຍິບຍັບເຫຼົ່ານີ້, ຄືວ່າ, ໄດ້ສະແດງໃຫ້ເຫັນອາລົມຂອງເຈົ້າຂອງ.
ສອງເດືອນກ່ອນ, ບໍລິສັດວິທະຍາສາດເຕັກໂນໂລຊີລາງເຄີເສີນເຈີ້ນຂອງຈີນໄດ້ນຳ USB disk ຮຸ້ນໃໝ່ທີ່ພວກເຂົາເຈົ້າພັດທະນາອອກຈຳໜ່າຍ. ມັນມີສັບພະຄຸນທັງໝົດຂອງແຜ່ນCD. ບຸກຄົນຂອງບໍລິສັດ ດັ່ງກ່າວເວົ້າວ່າ, ອີກ 3 ປີຫາ 5 ປີ, USB disk ແບບໃໝ່ນີ້ຈະສາມາດເຂົ້າແທນສັບພະຄຸນ 80% ຂອງແຜ່ນCD , ພ້ອມທັງຖືງ່າຍ, ບໍ່ມັກເພ, ບໍ່ຕ້ອງໃຊ້ CD RW ກໍອ່ານຂຽນໄດ້. ຈາກນີ້, ພວກເຮົາກໍສາມາດຫຼິງເຫັນໄດ້ວ່າ, ອາໄສ USB disk, ພາຍຫຼັງຄອມພິວເຕີບໍ່ຕິດຕັ້ງ soft disk driver ແລ້ວ, ກໍຈະປາສະຈາກ CD driver ໄດ້.
1 2 3
|
|
