ເນື້ອເພງມີຢູ່ວ່າ: ຂໍໃຫ້ເຈົ້າຫຍັບເຂົ້າໃກ້ແດ່, ຈັບມືໃຫ້ແໜ້ນແດ່, ເຄີຍເວົ້າກັນວ່າ, ຖ້າຝົນຕົກກໍລໍຖ້າຈົນຮອດຝົນເອື້ອນ, ຮັກເຈົ້າກໍລືມເວລາ. ເຈົ້າແມ່ນອາກາດ, ຂ້ອຍສືບເອົາອາກາດແຮງໆ, ນັ່ງປິ່ນຫຼັງໃສ່ກັນ, ແມ່ນໃຜໃຈເຕັ້ນບໍ່ຖືກຈັງຫວະ?
ທ້າຍປີ 2004, ທ່ານຟ້ານອີ້ເສີນໄດ້ອັດຈຳໜ່າຍCDແຜ່ນທີສາມຂອງທ່ານທີ່ໃຫ້ຊື່ວ່າ: ສູດຄວາມຮັກ. ໃນCDແຜ່ນນີ້, ການຂັບຮ້ອງຂອງທ່ານຟ້ານອີ້ເສີນຍິ່ງທຳມະຊາດແລະຖືກກັບອາລົມຈິດ ຂອງຕົນ. ເພງ"Duan chi hu tie fei" ແມງກະເບື້ອປີກຫັກ ກໍໄດ້ສະແດງໃຫ້ເຫັນສະເໜຂອງລາຊາເພງຮັກຜູ້ນີ້ອີກເທື່ອໜຶ່ງ. ມ້ວນທ້າຍລາຍການມື້ນີ້, ເຊີນຟັງເພງ"Duan chi hu tie fei" ແມງກະເບື້ອປີກຫັກ.
ໃນເວລາອັດສຽງ, ທ່ານຟ້ານອີ້ເສີນມັກປະຕີນເປົ່າ, ທ່ານເວົ້າວ່າ, ວີທີຮ້ອງເພງທີ່ປະຕີນເປົ່າແບບນີ້, ເຮັດໃຫ້ທ່ານຮູ້ສຶກສະບາຍຫລາຍ. ໂດຍສະເພາະແມ່ນໃນເວລາອັດເພງແມງກະເບື້ອປີກຫັກ, ປະຕີນເປົ່າຍັງເຮັດໃຫ້ທ່ານຄຶດຮອດໃນເວລາຍັງນ້ອຍ, ປະ ຕີນເປົ່າໄລ່ຈັບແມງກະເບື້ອ, ແມງກະເບື້ອທີ່ບີນວາບໆໄດ້ຈົ່ງພາບປະທັບໃຈອັນເລິກເຊິ່ງໄວ້ກັບທ່ານ.
ທ່ານຜູ້ຟັງທີ່ເຄົາລົບ, ທີ່ຟັງມານັ້ນແມ່ນເພງຂອງທ່ານຟ້ານອີ້ເສີນນັກຮ້ອງໄຕ້ຫວັນ. ລາຍການຢ່ອນອາລົມໃນວັນເສົາພາກນີ້ຂໍຈົບລົງທໍ່ນີ້, ສະບາຍດີ.
1 2 3
|
