|
ຊີມອາຫານພື້ນເມືອງປັກກິ່ງທີ່ມີປະຫວັດຮ້ອຍປີ
cri
Author: da
|
ເລີ່ມແຕ່ວັນທີ 22 ກຸມພາ,ລາຍການທ່ຽວເມືອງຈີນທີ່ປັບປຸງໃໝ່ໄດ້ມາພົບກັບທ່ານແລ້ວ.ໃນລາຍການນີ້,ພວກເຮົາຍັງຈະພາທ່ານໄປທ່ຽວຊົມພູຜາປ່າໄມ້ແມ່ນ້ຳລຳເຊຂອງຈີນ,ສຳຜັດວັດທະນະທຳ ຮີດຄອງປະເພນີ ທຳມະຊາດແລະອາຫານແຊບຊະນິດຕ່າງໆຂອງຈີນ,ເຊື່ອວ່າ ຜ່ານຈາກລາຍການທ່ຽວເມືອງຈີນຂອງພວກເຮົາ,ທ່ານຈະເຂົ້າໃຈເມືອງຈີນຢ່າງຮ້ອບດ້ານກວ່າເກົ່າແນ່ນອນ.
ເປັດປັກກິ່ງແລະຈຸ່ມຊີ້ນແກະແມ່ນອາຫານແຊບທີ່ມີເອກະລັກພິເສດຂອງປັກກິ່ງ,ແຕ່ກ່ອນໃນລາຍການຂອງພວກເຮົາໄດ້ແນະນຳສູ່ຟັງແລ້ວ,ໄດ້ຍິນວ່າ ດຽວນີ້ ຢູ່ວຽງຈັນກໍມີເປັດປີ້ງແລະຈຸ່ມຊີ້ນແກະ.ໃນລາຍການທ່ຽວເມືອງຈີນມື້ນີ້,ດາລາວັນຈະພາທ່ານຍ່າງເຂົ້າທາງຮ່ອມປັກກິ່ງ,ໄດ້ຊີມອາຫານພື້ນເມືອງປັກກິ່ງທີ່ມີປະຫວັດຮ້ອຍປີ,ຊີມອາຫານປັກກິ່ງແທ້ໆທີ່ມີລັດຊາດແຊບໆ.
ໃນເວລາເວົ້າເຖິງອາຫານພື້ນເມືອງປັກກິ່ງ,ກ່ອນອື່ນຕ້ອງເວົ້າເຖິງອາຫານ"ປ້າວຕູ"ຂອງປັກກິ່ງ.ອາຫານປ້າວຕູກໍແມ່ນເອົາພຸງງົວແລະພຸງແກະ,ມາຊອຍເປັນແຜ່ນຫຼືເປັນເສັ້ນ,ແລ້ວລວກໃນນ້ຳຮ້ອນໃຫ້ສຸກ,ການເຮັດອາຫານນີ້,ສຳຄັນກວ່າໝູ່ ນອກຈາກພຸງຕ້ອງສົດແລ້ວ,ຍັງຕ້ອງເບິ່ງວິທີຊອຍແລະການໃຊ້ໄຟ,ລວກດົນໜ້ອຍໜຶ່ງຫຼືເອົາຂຶ້ນໄວໂພດ,ກໍຈະບໍ່ແຊບ.ການກິນ"ປ້າວຕູ"ຕ້ອງໃຫ້ມີຄວາມຮູ້ສຶກກອບໆໃນເວລາຫຍ້ຳ,ຈົນຜູ້ນັ່ງຢູ່ໃກ້ໄດ້ຍິນສຽງກອບຄືຫຍ້ຳກິນໝາກແຕງ,ສ່ຳນັ້ນພຸ້ນລະ ຈຶ່ງນັບວ່າເຮັດໄດ້ດີທີ່ສຸດແລະແຊບທີ່ສຸດ".
1 2 3
|
|
