|
ຊີມອາຫານພື້ນເມືອງປັກກິ່ງທີ່ມີປະຫວັດຮ້ອຍປີ
cri
Author: da
ຮ້ານ"ປ້າວຕູ"ທີ່ມີຊື່ສຽງກວ່າໝູ່ແມ່ນຮ້ານ"ປ້າວຕູເຟີ່ງ"ປັກກິ່ງ,ມີປະຫວັດຮ້ອຍປີແລ້ວ,ຕັ້ງຢູ່ໃນທາງຮ່ອມທຳມະດາແຫ່ງໜຶ່ງຢູ່ມໍ່ຄຸ້ມຊຽນເມິນປັກກິ່ງ,ທ່ານເຟີ່ງກວາງຈູ້ ເຈົ້າຂອງຮ້ານຮຸ້ນທີສາມປີນີ້ອາຍຸ 70 ກວ່າປີແລ້ວ,"ປ້າວຕູ"ຄືພຸງລວກຂອງຮ້ານນີ້ໄດ້ສົດ, ກອບ,ບໍ່ມີກິ່ນຄາວກິ່ນກຸຍ,ສະນັ້ນ,ເຖິງວ່າເປັນຮ້ານນ້ອຍໆ,ແຕ່ພັດມີລູກຄ້າມາກິນຢ່າງຄັບຄາໜາແໜ້ນ,ຂາຍດິບຂາຍດີທີ່ສຸດ.
ທ່ານເຟີ່ງແນະນຳວ່າ,ໃນເວລາກິນ"ປ້າວຕູ",ຕ້ອງໃສ່ເຄື່ອງປຸງໃຫ້ເໝາະສົມ.ເຄື່ອງປຸງມີນ້ຳສະອິວ ນ້ຳສົ້ມ ແຈ່ວໝາກງາ ນ້ຳມັນງາ ເຕົາຮູ້ຍີ້ແລະນ້ຳມັນກຸ້ງເປັນຕົ້ນ,ຍັງຕ້ອງໃສ່ຜັກບົ່ວຊອຍ ຜັກຫອມປ້ອມ ນ້ຳກະທຽມແລະນ້ຳມັນໝາກເຜັດເປັນຕົ້ນ.ແມ່ນແທ້,ເຄື່ອງປຸງຂອງຮ້ານ"ປ້າວຕູເຟີ່ງ"ບໍ່ພຽງແຕ່ມີເທົ່ານີ້,ທ່ານເຟີ່ງເວົ້າວ່າ,ເຄື່ອງປຸງຂອງຮ້ານເພິ່ນມີເຄັດລັບຂອງຕົນເອງ:
"ເຄັດລັບນີ້ ຂ້າພະເຈົ້າບອກຜູ້ອື່ນບໍ່ໄດ້,ສຳຄັນແມ່ນຕຳລາເຄື່ອງປຸງ.ເຄື່ອງປຸງແມ່ນສິ່ງທີ່ດູດດຶງຄົນ,ຫຼັງຈາກກິນ"ປ້າວຕູ"ຂອງຂ້າພະເຈົ້າແລ້ວ,ຊົດແກງອີກຈັກຫຼາຍໆຄຳ,ທ່ານກໍຈະຕິດໃຈ,ແລ້ວເທື່ອໜ້າທ່ານກໍຍັງຢາກມາກິນອີກ."
ຕາມການແນະນຳຂອງເພິ່ນ,ຖ້າກິນ"ປ້າວຕູ"ເທື່ອທຳອິດ,ຕ້ອງຊີມພຸງແກະທີ່ທັງກອບທັງອ່ອນ.ນອກນັ້ນ,ໄປກິນ"ປ້າວຕູ"ຢູ່ຮ້ານ"ປ້າວຕູເຟີ່ງ",ຖ້າທ່ານສົນໃຈ,ຍັງລອງເຮັດລວກພຸງ"ປ້າວຕູ"ໃຕ້ການຊີ້ນຳຂອງພໍ່ຄົວໃນຮ້ານໄດ້.
1 2 3
|
|
