|
|
 |
| (GMT+08:00)
2006-03-16 11:05:00
|
 |
|
ທ່ານຮວງເຈີ່ງແລະເພງທີ່ທ່ານຂັບຮ້ອງ
cri
Author: MO
CDແຜ່ນທີສາມຂອງທ່ານຮວງເຈີ່ງຊື່ວ່າ" Yi ge ren de zhan yi" ແປວ່າ ບັ້ນຣົບຜູ້ດຽວ. ເມື່ອທຽບກັບCDແຜ່ນທີໜຶ່ງແລະແຜ່ນທີສອງແລ້ວ, ທ່ານຮວງເຈິ່ງໄດ້ມີການທົດລອງໃນທຳນອງ ຮຽບຮຽງ ແລະຮູບຊົງເປັນຕົ້ນ, ໃນCDແຜ່ນນີ້, ທ່ານນັບມື້ນັບສຸກງອມແລະມີຮູບປະທຳ. ເພງທີ່ທ່ານຈະໄດ້ຟັງນັ້ນແມ່ນເພງຊື່ດຽວກັນກັບCDແຜ່ນນີ້ຄື" Yi ge ren de zhan yi" ບັ້ນຣົບຜູ້ດຽວ. ນີ້ແມ່ນເພງຮັກໃນເມືອງເພງໜຶ່ງ, ສະແດງໃຫ້ເຫັນຄວາມຮູ້ສຶກຂອງຜູ້ຊາຍໃນເວລາປະເຊີນຄວາມຫຍຸ້ງເຫຍີງດ້ານອາລົມຮັກ.
ເນື້ອເພງມີຄວາມໝາຍວ່າ: ການຫວນຄຶດໄດ້ກາຍເປັນຮ້ອງດ່າອີກ, ຮັກກັບບໍ່ຮັກມັກຖ້ຽງກັນ. ເວລາວິນາທີແຫຼມປານມີດ, ເຖິງຈະຕາຍໄປກໍບໍ່ຢາກຄຶດ. ໜ່ວຍໂລກກວ້າງໃຫຍ່, ແຕ່ຍັງພົບເຈົ້າໄດ້, ໜ່ວຍໂລກເຖິງວ່ານ້ອຍ, ແຕ່ພັດເສຍເຈົ້າຊ້ຳ. ສິ່ງທີ່ຕ້ອງຜ່ານໄປນັ້ນພັດຜ່ານພົ້ນບໍ່ໄດ້, ເຫຼືອແຕ່ບັ້ນຣົບຂອງຂ້ອຍຜູ້ດຽວທໍ່ນັ້ນ.
CDແຜ່ນໃໝ່ຂອງທ່ານຮວງເຈິງແມ່ນຜະລິດໂດຍທ່ານເອງກັບທ່ານຈົງຊີ້ງມິນ ນັກດົນຕີໄຕ້ຫວັນທີ່ມີຊື່ສຽງ, ໃນນັ້ນມີ 10 ເພງຄືເພງ"ລົດໄຟໃຕ້ດິນ", "ບັ້ນຣົບຜູ້ດຽວ", ແລະເພງ"ດອກຈະມາດ"ເປັນຕົ້ນ. ເພງເຫຼົ່ານີ້ບໍ່ວ່າຈະແມ່ນເພງເຊີດຊູກຳລັງໃຈ, ຫຼືແມ່ນເພງຮັກ, ລ້ວນແຕ່ສະແດງໃຫ້ເຫັນຈິດໃຈກວ້າງຂວາງແລະມຸ້ງໝາຍຂອງຜູ້ຊາຍ. ເມື່ອຟັງແລ້ວຮູ້ສຶກວ່າເປັນໜ້າກຶກກອງຫຼາຍ. ຕໍ່ໄປ, ພວກເຮົາມາຟັງເພງ" I can "ໃນCDແຜ່ນນີ້.
1 2 3
|
|
|
