|
ທ່ານຮວງເຈີ່ງແລະເພງທີ່ທ່ານຂັບຮ້ອງ
cri
Author: MO
ຕໍ່ໄປ, ເຊີນຟັງເພງ"Ye ju hua" ດອກຈະມາດ ທີ່ທ່ານຮວງເຈິ່ງເປັນຜູ້ແຕ່ງແລະຂັບຮ້ອງ. ນີ້ແມ່ນເພງຮັກອອນຊອນເພງໜຶ່ງ, ເມື່ອທຽບກັບທຳນອງສະຫງ່າໃນເມື່ອກ່ອນຂອງທ່ານຮວງເຈິ່ງແລ້ວ, ໄດ້ມີການປ່ຽນແປງຫຼາຍ. ເມື່ອຟັງເພງນີ້, ຄືຈັ່ງວ່ານັ່ງໃນຮ້ານກາເຟໃນຕອນສວຍມື້ໜຶ່ງຂອງລະດູໃບໄມ້ຫຼົ່ນ, ທັງຟັງເພງ, ດື່ມກາເຟ, ທັງດົມດອກຈະມາດທີ່ຫອມສົດໄສ.
ເນື້ອເພງມີຢູ່ວ່າ: ເຈົ້າຖາມຂ້ອຍວ່າ, ດອກໄມ້ຫຍັງບໍ່ຫ່ຽວແຫ້ງຕະຫຼອດປີ? ຄວາມຮັກຫຍັງຈະຮັກແນວໃດມັນຈຶ່ງບໍ່ປ່ຽນແປງ? ຂ້ອຍເລີຍຄິດຮອດດອກຈະມາດປ່າທີ່ສົດໄສ, ມັນຕົກແຕ່ງແສງຕາເວັນຄ້ອຍຄ່ຳ, ມິດປານນ້ຳໜິ້ງ, ສະດຸ້ງປານຟອງກະທົບ, ຈົນຫ້າມຮັກກັນກໍບໍ່ໄດ້. ເຈົ້າແມ່ນປັດຈຸບັນທີ່ຂ້ອຍຢາກໄດ້, ເຈົ້າແມ່ນອະນາຄົດຊົ່ວຟ້າດີນສະຫຼາຍທີ່ຂ້ອຍຄິດເຖິງ, ຍ້ອນມີເຈົ້າ, ຄວາມຮັກຂອງເຈົ້າ, ໜ້າຂ້ອຍໃສ່ໃຈ.
ທ່ານຮວງເຈິ່ງບໍ່ພຽງແຕ່ມີຄວາມສາມາດແຕ່ງເພງທີ່ໃຜໆກໍຍ້ອງ, ຍັງມີໂສມໜ້າເຈົ້າຊູ້ແລະສຸຂະພາບແຂງແຮງ, ສະຫຼາດສະຫຼຽວເກັ່ງຫຼາຍດ້ານ, ມີຄວາມນິຍົມກວ້າງຂວາງ. ນອກຈາກແຕ່ງເພງແລະຂັບຮ້ອງແລ້ວ, ທ່ານຍັງເສບເຄື່ອງດົນຕີໄດ້ຫຼາຍຊະນິດ. ນອກຈາກຂຸ້ນນຳວຽກດົນຕີແລ້ວ, ທ່ານຍັງມັກຫັດກາຍ, ເຕະບານ, ເບິ່ງຮູບເງົາ, ແລະທ່ອງທ່ຽວ. ທ່ານມັກຖືເອົາແຜນທີ່ແລ້ວໄປທ່ຽວແຫ່ງຕ່າງໆຜູ້ດຽວ, ໄປສຳຜັດແບບແຜນຊີວິດທີ່ຕ່າງກັນ, ແລ້ວເອົາການສຳຜັດທີ່ມີຫຼາຍສີຫຼາຍສັນແນວນີ້ເຊື່ອມໂຍງເຂົ້າໃນດົນຕີ. ສະນັ້ນ, ດົນຕີຂອງທ່ານກໍມີສີສັນລວດລາຍຫຼວງຫຼາຍອີກ. ມ້ວນທ້າຍລາຍການມື້ນີ້, ພວກເຮົາມາຟັງເພງ"sai wei li ya huang hun" ຍາມຕາເວັນຄ້ອຍຄ່ຳຢູ່ເຊວີເລຍ" ເພງທີ່ມີທຳນອງຕ່າງປະເທດອັນເຂັ້ນຂຸ້ນ.
ເນື້ອເພງມີຄວາມໝາຍວ່າ: ລະດູໃບໄມ້ປົ່ງຂອງເຊວີເລຍຍັງກ້ຽວກອດຄືເກົ່າ, ການພົບກັນໃນ 3 ປີກ່ອນເໝືອນດັ່ງໃນມື້ວານນີ້, ກີ່ນຫອມກາເຟພາຂ້ອຍກັບເມືອຫາເຈົ້າ, ເວລານີ້, ເຫຼືອແຕ່ຄວາມກ່າວລາຢູ່ຂ້າງຫູ.
(ຈົບ)
1 2 3
|
|
