|
|
 |
| (GMT+08:00)
2006-03-16 22:21:28
|
 |
|
ວັດເວີນມ້ຽວ ຫໍກອງແລະຫໍສະມາຄົມກວາງຕຸ້ງຢູ່ທຽນສິນ
cri
Author: da
|
ໃນລາຍການທ່ຽວເມືອງຈີນມື້ນີ້,ດາລາວັນຈະພາທ່ານໄປທຽນສິນ ເມືອງວັດທະນະທຳບູຮານທີ່ມີປະຫວັດ 600 ກວ່າປີ,ໄປທ່ຽວຊົມສິ່ງກໍ່ສ້າງສະໄໝບູຮານ,ສຳຜັດຫົວກະທິຂອງວັດທະນະທຳສະໄໝບູຮານຂອງຈີນຢູ່ແຫ່ງນັ້ນ.
ທຽນສິນຕັ້ງຢູ່ພາກໃຕ້ຂອງນະຄອນປັກກິ່ງ,ຫ່າງຈາກປັກກິ່ງແລ່ນລົດພຽງແຕ່ປະມານໜຶ່ງຊົ່ວໂມງທໍ່ນັ້ນ.ຄົນທັງຫຼາຍເວົ້າກັນວ່າ,ທຽນສິນແມ່ນເມືອງວັດທະນະທຳບູຮານ,ຢູ່ແຫ່ງນີ້ທ່ານຈະໄດ້ຟັງງີ້ວທ້ອງຖິ່ນດັ້ງເດີມອ້ອຍຕ້ອຍ,ໄດ້ເຫັນຮູບສະຫຼອງປີໃໝ່ແບບດັ້ງເດີມພື້ນເມືອງ ແລະໄດ້ຊື້ວັດຖຸບູຮານຊະນິດຕ່າງໆ.ມື້ນີ້ ພວກເຮົາຈະພາທ່ານໄປທ່ຽວຊົມສິ່ງກໍ່ສ້າງບູຮານຂອງເມືອງທຽນສິນຫຼາຍບ່ອນ,ກ່ອນອື່ນແມ່ນວັດເວີນມ້ຽວ.
ວັດເວີນມ້ຽວແມ່ນມີຢູ່ຫຼາຍທ້ອງຖິ່ນຂອງຈີນ,ເພາະວ່າໃນເມື່ອກ່ອນ,ວັດເວີນມ້ຽວແມ່ນສະຖານທີ່ທີ່ຄົນທັງຫຼາຍບູຊາທ່ານຂົງຈື້ ນັກແນວຄິດແລະນັກການສຶກສາທີ່ມີຊື່ສຽງ,ພ້ອມທັງຍັງແມ່ນວິທະຍາຄານສູງສຸດຂອງແຫ່ງຕ່າງໆ.ຕາມສະຖິຕິ,ຢູ່ທົ່ວໂລກມີວັດເວີນມ້ຽວ 2 ພັນກວ່າແຫ່ງ,ປະຈຸບັນຍັງຮັກສາໄວ້ຂ້ອນຂ້າງດີມີ 300 ກວ່າແຫ່ງ,ວັດເວີນມ້ຽວຂອງທຽນສິນກໍແມ່ນແຫ່ງໜຶ່ງໃນນັ້ນ.
ວັດເວີນມ້ຽວຂອງທຽນສິນແມ່ນຊຸມສິ່ງກໍ່ສ້າງສະໄໝບູຮານທີ່ຮັກສາໄວ້ຄົບຖ້ວນກວ່າໝູ່ແລະມີຂະໜາດໃຫຍ່ກວ່າໝູ່ທີ່ມີຢູ່ໃນປະຈຸບັນຂອງເມືອງທຽນສິນ.ຫຼັງຄາຫໍໃຫຍ່ຂອງວັດເວີນມ້ຽວມຸງດ້ວຍດິນຂໍເຄືອບສີຄຳ,ເທິງຂື່ແລະເສົາເຕັມໄປດ້ວຍຮູບວາດແລະຮູບຄວັດ,ປະດັບປະດາຢ່າງປານີດສວຍງາມ.ທ່ານນາງເສີນໂຖງ ຮອງຫົວໜ້າຫໍພິພິທະພັນວັດເວີນມ້ຽວຂອງທຽນສິນແນະນຳວ່າ:
"ໃນສະໄໝບູຮານ,ພຽງແຕ່ເຂົ້າວັດເວີນມ້ຽວ,ກໍແມ່ນໄດ້ເຂົ້າຮຽນຢູ່ໂຮງຮຽນຫຼວງ,ຈຶ່ງມີໂອກາດໄດເປັນເຈົ້າຂຸນມຸນນາຍ,ຈຶ່ງເຂົ້າສອບເສັງຈູ່ເຢິນ,ເປັນຈິ້ນຊື້ໄດ້.ຖ້າວ່າສຸດທ້າຍ ສອບໄດ້ເປັນທີໜຶ່ງໃນທົ່ວປະເທດ,ກໍຈະໄດ້ເປັນຈໍຫງວນແລະມີໂອກາດເລື່ອນຂັ້ນຕຳແໜ່ງແລະລ້ຳລວຍຂຶ້ນ."
ດຽວນີ້ ວັດເວີນມ້ຽວຕົ້ນຕໍແມ່ນສະຖານທີ່ໃຫ້ຄົນທ່ຽວຊົມແລະຈັດການເຄື່ອນໄຫວບູຊາທ່ານຂົງຈື້.ເມື່ອຮອດລະດູໃບໄມ້ປົ່ງແລະລະດູໃບໄມ້ຫຼົ່ນແຕ່ລະປີ,ວັດເວີນມ້ຽວຂອງທຽນສິນລ້ວນແຕ່ຈັດການເຄື່ອນໄຫວບູຊາຢ່າງໃຫຍ່ໂຕມະໂຫລານແລະຄຶກຄື້ນຕາມເວລາກຳນົດ,ເພາະວ່າ ສອງຍາມນີ້ແມ່ນຍາມກຳເນີດແລະຍາມເຖິ່ງແກ່ກຳຂອງທ່ານຂົງຈື້.ພິທີບູຊາຂົງຈື້ທີ່ມີສີສັນສຳນັກຫຍູແມ່ນພິຖິພະຖັນທີ່ສຸດ,ນັ້ນກໍຄື:ໃນພິທີ,ເຈົ້າໜ້າທີ່ຜູ້ກຳກັບການບູຊາຕ້ອງນຸ່ງຊຸດເຈົ້າໜ້າທີ່ບູຮານ,ອ່ານຄຳບູຊາແລະເຜົາຄຳບູຊາ,ແລະຄຸເຂົ່າ 3 ເທື່ອ,ຂາບໄຫວ້ 9 ເທື່ອໃນພິທີແຕ່ລະຢ່າງ.
1 2 3
|
|
|
