|
ວັດເວີນມ້ຽວ ຫໍກອງແລະຫໍສະມາຄົມກວາງຕຸ້ງຢູ່ທຽນສິນ
cri
Author: da
ຫ່າງຈາກວັດເວີນມ້ຽວບໍ່ໄກ,ແມ່ນຫໍກອງທຽນສິນທີ່ສ້າງໃນສະໄໝລາຊະວົງມິງຕອນຕົ້ນເມື່ອສະຕະວັດທີ14.ເອີ້ນເປັນຫໍກອງ,ແຕ່ທີ່ຈິງແລ້ວແມ່ນຫໍລະຄັງ.ທ່ານອີນຮວາ ຮອງຫົວໜ້າຫໍພິພິທະພັນຫໍກອງທຽນສິນບອກນັກຂ່າວວ່າ,ຫໍກອງໃນປະຫວັດສາດໄດ້ສ້າງສອງເທື່ອມ້າງສອງເທື່ອ:
 "ປີ 1900 ໃນສະໄໝລາຊະວົງຊິງ ລັດຊະການກວງສູ,ກອງທັບພັນທະມິດ 8 ປະເທດເຂົ້າຮຸກຮານເມືອງທຽນສິນ,ກຳແພງອ້ອມເມືອງທຽນສິນຖືກມ້າງເມື່ອປີ 1901,ເຖິງວ່າໃນຄາວນັ້ນ ຫໍກອງບໍ່ໄດ້ຖືກມ້າງ, ແຕ່ພັດໄດ້ເພພັງຢ່າງໜັກໜ່ວງ,ພື້ນຖານຂອງຫໍໄດ້ຍຸບລົງແລ້ວ.ເມື່ອຮອດປີ 1921,ຈຶ່ງຖືກສ້ອມແປງຄືນໃໝ່,ຮູບນອກຂອງຫໍກອງໃນຄາວນີ້ແມ່ນງາມກວ່າແຕ່ກ່ອນ,ຫຼັງຄາຫໍມຸງດ້ວຍດິນຂໍສີຂຽວ,ເນື້ອທີ່ກໍ່ກວ້າງແລະສູງກວ່າເກົ່າ.ຫຼັງຈາກປົດປ່ອຍແລ້ວ,ການສ້າງສາຕົວເມືອງຂອງທຽນສິນໄດ້ພັດທະນາຂ້ອນຂ້າງໄວ,ແຕ່ຖະໜົນຫົນທາງຄັບຄາ,ຮອດປີ 1952 ຫໍກອງກໍ່ຖືກມ້າງອີກ.ປີ2000,ເພື່ອສົ່ງເສີມວັດທະນະທຳຊົນຊາດຊົນເຜົ່າຂອງເມືອງທຽນສິນ,ຈຶ່ງໄດ້ສ້າງຫໍກອງຢູ່ບ່ອນເກົ່າອີກ."
ຫໍກອງທີ່ແຂກທ່ອງທ່ຽວໄດ້ເຫັນໃນປະຈຸບັນກໍແມ່ນສ້າງໃນປີ 2000.ຫໍກອງໃໝ່ໄດ້ສ້າງຕາມວາດຊົງສະໄໝບູຮານ,ໄດ້ເພີ່ມຕື່ມຖານ,ຄວາມສູງຂອງຫໍກໍ່ເພີ່ມຂຶ້ນຈາກ 3 ຊັ້ນໃນເມື່ອກ່ອນເປັນ 5 ຊັ້ນ.ລະຄັງເຫຼັກໃນເມື່ອກ່ອນກໍ່ປ່ຽນເປັນລະຄັງທອງສຳລິດທີ່ໜັກ 3 ໂຕນ,ແຂກທ່ອງທ່ຽວສາມາດເຄາະລະຄັງເອົາເອງ,ຟັງສຽງດັງກ້ອງທົ່ວເມືອງທຽນສິນ.
1 2 3
|
|
