|
|
 |
| (GMT+08:00)
2006-03-16 22:21:28
|
 |
|
ວັດເວີນມ້ຽວ ຫໍກອງແລະຫໍສະມາຄົມກວາງຕຸ້ງຢູ່ທຽນສິນ
cri
Author: da
ເມື່ອທ່ຽວຊົມວັດເວີນມ້ຽວ ເລາະຫໍກອງແລ້ວ,ຕໍ່ໄປ,ພວກເຮົາຈະແນະນຳບ່ອນສຳລັບຟັງງີ້ວປັກກິ່ງຢູ່ເມືອງທຽນສິນ,ນັ້ນກໍແມ່ນຫໍສະມາຄົມກວາງຕຸ້ງ.
ຫໍສະມາຄົມກວາງຕຸ້ງຢູ່ເມືອງທຽນສິນຄືກັນກັບເຮືອນຊື້ເຫີຢ້ວນ,ມີປະຕູໃຫຍ່,ກຳແພງອ້ອມສູງສະຫງ່າ.ລັກສະນະກໍ່ສ້າງຂອງມັນໄດ້ສ່ອງແສງໃຫ້ເຫັນລັກສະນະກໍ່ສ້າງຂອງແຂວງກວາງຕຸ້ງທາງພາກໃຕ້ຂອງຈີນ,ທັງໄດ້ໂຮມສູນໃຫ້ຄວາມລຳບາກຍາກເຂັນຂອງຊາວກວາງຕຸ້ງໃນການທຳມາຫາກິນຢູ່ທຽນສິນ.ເມື່ອ 300 ປີກ່ອນ,ນັກທຸລະກິດກວາງຕຸ້ງແລະຟູຈ້ຽນກໍຈັດເປັນກອງກ່ຳປັ່ນຄ້າຂາຍມາເຮັດທຸລະກິດຢູ່ທຽນສິນ.ດົນຕາມດົນ,ນັກທຸລະກິດເຫຼົ່ານີ້ກໍທ້ອນເງິນສ້າງຫໍສະມາຄົມ,ເພື່ອຈັດການເຈລະຈາຄ້າຂາຍ ຄົບຄ້າສະມາຄົມ ແລະຊ່ອຍເພື່ອນບ້ານດຽວກັນເປັນຕົ້ນ.
ສິ່ງທີ່ເປັນໜ້າພູມໃຈທີ່ສຸດຂອງຫໍນີ້ແມ່ນສິ່ງກໍ່ສ້າງຕົ້ນຕໍຂອງມັນ,ຄື:ຫໍງີ້ວ,ນີ້ແມ່ນຫໍໜຶ່ງໃນບັນດາຫໍງີ້ວແບບບູຮານຂອງຈີນທີ່ເຫຼືອໄວ້ບໍ່ເທົ່າໃດຫໍໃນທົ່ວໂລກ.ຫໍງີ້ວແມ່ນຫໍລະຄອນທີ່ເຮັດດ້ວຍໄມ້ທີ່ສາມາດບັນຈຸ700-800ຄົນ,ຢູ່ຊັ້ນເທິງແມ່ນຫ້ອງພິເສດ,ຊັ້ນລຸ່ມແມ່ນທີ່ນັ່ງ.ຫຼັງຄາຂອງຫໍງີ້ວແມ່ນສ້າງດ້ວຍເສົາຫຼັກ 3 ຕົ້ນແລະໂຄງໄມ້ນ້ອຍທີ່ນັບບໍ່ຖ້ວນ.ທ່ານນາງສູເມີຍເມີຍ ຮອງຫົວໜ້າຫໍພິພິທະພັນງີ້ວທຽນສິນແນະນຳວ່າ:
"ຕາມເວົ້າກັນວ່າ,ເສົາຫຼັກ 3 ຕົ້ນຢູ່ຫຼັງຄາດັ່ງກ່າວ,ແມ່ນເຮັດດ້ວຍຕົ້ນໄມ້ຕົ້ນດຽວທີ່ຂົນສົ່ງມາຈາກພາກໃຕ້.ຕົ້ນໄມ້ໃຫຍ່ສ່ຳນີ້ຢ່າງໜ້ອຍຕ້ອງສູງເຖິງ40-50ແມັດ,ນີ້ແມ່ນເຫັນໜ້ອຍທີ່ສຸດ."
ທ່ານນາງສູເວົ້າວ່າ,ຄວາມລະອຽດລະອໍຂອງອົງປະກອບຫໍງີ້ວຍັງຢູ່ນຳເວທີສະແດງທີ່ເປີດສາມດ້ານ,ມັນເຮັດໃຫ້ຜູ້ຊົມສາມາດຊົມງີ້ວຈາກທິດຕາເວັນອອກ ທິດຕາເວັນຕົກແລະທິດເໜືອ,ສາຍຕາບໍ່ຖືກກີດກັ້ນ,ທັງມີຜົນດີຕໍ່ການແລກປ່ຽນລະຫວ່າງນັກສະແດງກັບຜູ້ຊົມ.ພາຍຫຼັງນັກທ່ອງທ່ຽວຝຣັ່ງຜູ້ໜຶ່ງຊົມທ່ຽວຫໍງີ້ວຂອງຫໍສະມາຄົມກວາງຕຸ້ງແລ້ວ,ໄດ້ຍ້ອງຍໍຄວາມປານີດສວຍງາມຂອງການອອກແບບກໍ່ສ້າງຫໍສະມາຄົມນີ້ຢ່າງບໍ່ເຫືອດປາກ.
ສິບປາກເວົ້າບໍ່ທໍ່ຕາເຫັນ.ຖ້າມີເວລາ,ກໍຂໍໃຫ້ທ່ານມາທ່ຽວເມືອງທຽນສິນເດີ້,ມາຊົມວັດເວີນມ້ຽວ,ເຄາະລະຄັງຄອງທອງສຳລິດຂອງຫໍກອງ,ຟັງງີ້ວປັກກິ່ງຈີນຢູ່ຫໍງີ້ວຂອງຫໍສະມາຄົມກວາງຕຸ້ງ,ສຳຜັດກັບພື້ນຖານວັດທະນະທຳອັນເລິກເຊິ່ງໜາແໜ້ນຢູ່ເມືອງບູຮານທຽນສິນທີ່ມີປະຫວັດ600ກວ່າປີ.
1 2 3
|
|
|
