|
ທ້າວອ້າຍມາງ ນັກຮ້ອງເຜົ່າຫວາ
cri
Author: mo
|
(ປ່ອຍເພງ ປະສານ)
ເພງທີ່ທ່ານພວມຟັງຢູ່ນີ້ແມ່ນເພງYuan fei de niao ນົກບີນໄປທາງໄກ ແຕ່ງແລະຂັບຮ້ອງໂດຍທ້າວອ້າຍມາງ ນັກຮ້ອງເຜົ່າຫວາ. ເນື້ອເພງມີຢູ່ວ່າ, ໃນໄວເດັກ, ຂ້ອຍມັກແຫງນໜ້າເບິ່ງທ້ອງຟ້າສີຄາມ, ໄຟ່ຝັນໃຫ້ຕົນເອງກາຍເປັນນົກ, ພືປີກບິນຕາມສາຍລົມ, ບິນໄປທາງໄກ; ເມື່ອເຕີບໃຫຍ່ແລ້ວ, ເພື່ອອຸດົມການ, ຂ້ອຍໄດ້ອອກຈາກບ້ານ, ແລ່ນໄປສູ່ຂອບຟ້າຢ່າງບໍ່ກິນແໜງ… ຄຽງຄູ່ກັບສຽງເພງຂອງທ້າວອ້າຍມາງ, ພວກເຮົາຂໍເລີ່ມຕົ້ນລາຍການ"ຊາວໜຸ່ມຈີນມື້ນີ້, ຂໍເລົ່າເລື່ອງລາວຂອງ"ນົກໂຕນີ້"ທີ່"ບິນ"ຢູ່ປັກກິ່ງ.
ທ້າວອ້າຍມາງຜິວດຳ, ໂຕບໍ່ສູງ, ຜົມຍາວ, ຕາສີດຳທັງໃສແຈ້ງ. ໃນຍາມຍັງນ້ອຍ, ທ້າວອ້າຍມາງກໍມັກຮ້ອງເພງ, ຮ້ອງໃສ່ພູເຂົາ, ຮ້ອງໃຫ້ຝູງຄວາຍຟັງ. ປີ 1996, ທ້າວອ້າຍມາງໄດ້ເສັງ ເຂົ້າວິທະຍາຄານຮູບເງົາປັກກິ່ງ, ຢາກຮຽນວິຊາຂັບຮ້ອງຕື່ມອີກ. ແຕ່ບໍ່ສົມຫວັງ, ລາວຖືກເລືອກໄປຮຽນຢູ່ພະແນກການສະແດງ. ຫຼັງຈາກຮຽນການສະແດງສອງປີແລ້ວ, ທ້າວອ້າຍມາງບໍ່ໄດ້ເປັນນັກສະແດງຄືໝູ່ຮຽນອື່ນໆ, ຫາກໄດ້ຮ້ອງເພງຄືນໃໝ່ອີກ, ແຕ່ລະມື້, ລາວຂີ່ລົດຖີບເລາະທ່ຽວຢູ່ລະຫວ່າງຮ້ານບານ້ອຍໃຫຍ່ຕ່າງໆຂອງປັກກິ່ງ, ຣ້ອງເພງໃຫ້ແຂກຟັງ. ທ້າວອ້າຍມາງເວົ້າວ່າ, ລາວຫວັງໃຫ້ມີຄົນນິຍົມເພງຂອງລາວ, ແລະ ຜະລິດແຜ່ນCDໃຫ້ລາວໃນທີ່ສຸດ.
"ປັກກິ່ງແມ່ນຕົວເມືອງໃຫຍ່, ມີພື້ນຖານວັດທະນະທຳອັນໜາແໜ້ນທີ່ສຸດ, ເຈົ້າໄປຍ່າງເລາະຢູ່ຕາມຖະໜົນ, ຈະໄດ້ເຫັນຂອງແປກໆຢ່າງຫຼວງຫຼາຍ. ແຕ່ຖ້າຢູ່ໃນເຂດພູເຂົາແຂວງຢຸນນານພວກເຮົາ, ຕ້ອງໃຊ້ເວລາໜຶ່ງຫຼືສອງສາມປີ, ຈຶ່ງໄດ້ຮູ້ໄດ້ເຫັນສິ່ງເຫຼົ່ານີ້, ປັກກິ່ງກໍໄດ້ມີວັດທະນະທຳຂອງຊົນເຜົ່າຕ່າງໆເຊື່ອມໂຍງເຂົ້າມາ, ຖ້າສິ່ງຂອງຂອງເຈົ້າຖືກປັກກິ່ງຮັບຮອງແລ້ວ, ໃນແຫ່ງຕ່າງໆທົ່ວປະເທດກໍຈະຮັບຮອງນຳ."
1 2 3
|
|
