|
|
 |
| (GMT+08:00)
2006-03-17 10:16:08
|
 |
|
ທ້າວອ້າຍມາງ ນັກຮ້ອງເຜົ່າຫວາ
cri
Author: mo
ໃນຍາມລະດູໜາວ, ປັກກິ່ງໜາວຈັດ. ທ້າວອ້າຍມາງຂີ່ລົດຖີບມັກໜາວຈົນຕີນມືມຶນ. ແຕ່ເພື່ອຊີວິດການເປັນຢູ່, ແລະເພື່ອເຮັດຕາມຄວາມຮຽກຮ້ອງຂອງຮ້ານບາຕ່າງໆ, ທ້າວອ້າຍມາງຈຳເປັນຕ້ອງປ່ຽນວິທີຮ້ອງເພງແບບສະໄໝນິຍົມ ແບບຊົນເຜົ່າແລະແບບອາເມລິກາຢູ່ເລື້ອຍໆ. ມີເທື່ອໜຶ່ງ, ລາວໄດ້ຮ້ອງເພງທີ່ລາວແຕ່ງເອງດ້ວຍວິທີຂັບຮ້ອງແບບຊົນເຜົ່າ, ພໍດີຜູ້ຜະລິດທີ່ມີຊື່ສຽງຜູ້ໜຶ່ງໄດ້ຍິນ. ຜູ້ຜະລິດຜູ້ນີ້ບອກທ້າວອ້າຍມາງວ່າ, ເຈົ້າຄວນສະແດງໃຫ້ເຫັນຈຸດພິເສດຂອງເຈົ້າທີ່ເປັນນັກຮ້ອງເຜົ່າຫວາ, ສຸມຈິດສຸມໃຈຮ້ອງເພງພື້ນເມືອງ, ຊອກຫາຄວາມຮູ້ສຶກທີ່ຮ້ອງເພງເທິງຫຼັງຄວາຍໃນໄວເດັກນັ້ນກັບຄືນມາ.
 ຄວາມເວົ້າຂອງຜູ້ຜະລິດຜູ້ນີ້ເຮັດໃຫ້ທ້າວອ້າຍມາງຕື່ນຕົວ. ພາຍຫຼັງກຳນົດທິດຕໍ່ພາລະກິດຮ້ອງເພງຂອງຕົນຄືນໃໝ່ແລ້ວ, ທ້າວອ້າຍມາງກໍເລີ່ມຊອກຫາເພງພື້ນເມືອງຂອງຊົນເຜົ່າຕົນທີ່ເຜີຍແຜ່ມາດົນນານແລ້ວຈຳນວນໜຶ່ງ, ແລ້ວຮຽບຮຽງແລະປະດິດຄິດແຕ່ງຄືນໃໝ່, ເພີ່ມປັດໃຈທັນສະໄໝບາງຢ່າງ. ໃນໄລຍະນີ້, ທ້າວອ້າຍມາງທີ່ປ່ຽນມາຮ້ອງເພງພື້ນເມືອງໄດ້ຕົກຢູ່ໃນສະພາບອັດຕະຄັດຂັດສົນດ້ານຊີວິດການເປັນຢູ່, ບໍ່ມີເງິນກິນເຂົ້າຢູ່ເລື້ອຍໆ. ລາວເວົ້າວ່າ, ເມື່ອຮອດເວລານີ້, ວິຊາການສະແດງທີ່ລາວຮຽນນັ້ນກໍໄດ້ມີບ່ອນໃຊ້ແລ້ວ:
"ລາງເທື່ອ, ນັກສະແດງຕ້ອງສະແດງເປັນຄົນຂໍທານ, ສັງເກດເບິ່ງຊີວິດການເປັນຢູ່ຂອງຄົນຂໍທານ, ຖ້າເຈົ້າຢາກຢູ່ປັກກິ່ງ, ເຈົ້າກໍຕ້ອງກຽມພ້ອມທົນທຸກທົນຍາກ. ຂໍ້ດີຂອງການຮຽນວິຊາການສະແດງກໍແມ່ນ, ໃນເວລາເຈົ້າບໍ່ມີເຂົ້າກິນນັ້ນ, ເຈົ້າກໍຮູ້ສຶກວ່າ, ດຽວນີ້, ຂ້ອຍພວມສຳຜັດກັບຊີວິດ, ເຮັດແນວນີ້ເພື່ອປອບໃຈຕົນເອງ.
ປີ2000, ເຖົ້າແກ່ຂອງສະໂມສອນກິລາກາງແຈ້ງຜູ້ໜຶ່ງໄດ້ຍິນສຽງເພງຂອງທ້າວອ້າຍມາງໂດຍບັງເອີນ. ເມື່ອໄດ້ຮູ້ວ່າທ້າວອ້າຍມາງດຳລົງຊີວິດຢູ່ເຂດພູເຂົາແຂວງຢຸນນານມາແຕ່ນ້ອຍ, ເຖົ້າແກ່ຜູ້ນີ້ເລີຍຖາມທ້າວອ້າຍມາງວ່າ, ຍິນດີເຂົ້າຮ່ວມສະມາສອນຂອງເພີ່ນບໍ່? ເຮັດອາຊີບນຳພາຄະນະກິລາກາງແຈ້ງ, ພາສະມາຊິກໄປຜະຈົນໄພຢູ່ເຂດພູເຂົາ. ທ້າວອ້າຍມາງທີ່ມີຄວາມຮັກແພງອັນເລິກເຊິ່ງຕໍ່ພູເຂົາເລີຍຕົກລົງເຮັດລອງເບິ່ງ.
ຈາກນັ້ນ, ທ້າວອ້າຍມາງທີ່ພາຍກິດຕາກໍໄດ້ເຂົ້າສູ່ຂົງເຂດໃໝ່. ຢູ່ສະໜາມກາງແຈ້ງ, ທ້າວອ້າຍມາງມັກຮ້ອງເພງໃຫ້ສະມາຊິກຟັງເລື້ອຍໆ. ສະມາຊິກຜູ້ໜຶ່ງໄດ້ວາດພາບສຽງເພງຂອງທ້າວອ້າຍມາງເປັນແນວນີ້ວ່າ: ສຽງສົດໄສທັງມີສຽງແຫບໆ, ດັງຫອງທັງມີກຳລັງ, ຄືດັ່ງວ່າດັງກ້ອງ ກັງວານ, ເໝືອນດັ່ງນົກບິນໄປມາຢູ່ໃນູຮ່ອມພູ. ເພງຂອງທ້າວອ້າຍມາງຄ່ອຍໆມີຊື່ມີສຽງຂຶ້ນໃນໝູ່ຄົນທີ່ມັກກິລາກາງແຈ້ງ. ປີ 2002, ທ້າວອ້າຍມາງໄດ້ອັດCDສ່ວນຕົວແຜ່ນທຳອິດ, ໃນນັ້ນ ໄດ້ມີເພງ 5 ເພງແມ່ນລາວຮຽບຮຽງເອງແລະຮ້ອງເອງ. ທ້າວອ້າຍມາງຮູ້ສຶກດີໃຈຫຼາຍ, ເພາະວ່າ, ນີ້ແມ່ນຜົນງານທີ່ລາວສູ້ຊົນມາຫຼາຍປີ.
1 2 3
|
|
|
